\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{1}##
##\begin{center}##
\section{ayodhyaakaaNDa}
##\end{center}##
\medskip
 93
niviShTAyA.n tu senAyAmutsuko bharatastadA . 
jagAma bhrAtara.n draShTu.n shatrughnamanudarshayan .. 1..\\
R^iShi.n vasiShThaM sandishya mAtR^Irme shIghramAnaya . 
iti taritamagre sa jAgama guruvatsalaH .. 2..\\
sumantrastvapi shatughnamadUrAdanvapadyata . 
rAmadArshanajastarSho bharatasyeva tasya cha .. 3..\\
gachchhannevAtha bharatastApasAlayasa.nsthitAm . 
bhrAtuH parNakuTI.n shrImAnuTaja.n cha dadarsha ha .. 4..\\
shAlAyAstvagratastasyA dadarsha bharatastadA . 
kAShTAni chAvabhagnAni puShpANyavachitAni cha .. 5..\\
dadarsha cha vane tasminmahataH sa~ncayAnkR^itAn . 
mR^igANAM mahiShANA.n cha karIShaiH shItakAraNAt .. 6..\\
gachchhaneva mahAbAhurdyutimAnbharatastadA . 
shatrughna.n chAbravIddhR^iShTastAnamAtyAMshcha sarvashaH .. 7..\\
manye prAptAH sma ta.n deshaM bharadvAjo yamabravIt . 
nAtidUre hi manye.ahaM nadIM mandAkinImitaH .. 8..\\
uchchairbaddhAni chIrANi lakShmaNena bhavedayam . 
abhiGYAnakR^itaH panthA vikAle gantumichchhatA .. 9..\\
ida.n chodAttadantAnAM ku~njarANAM tarasvinAm . 
shailapArshve parikrAntamanyonyamabhigarjatAm .. 10..\\
yamevAdhAtumichchhanti tApasAH satata.n vane . 
tasyAsau dR^ishyate dhUmaH sa~NkulaH kR^iShTavartmanaH .. 11..\\
atrAhaM puruShavyAghra.n gurusatkArakAriNam . 
Arya.n drakShyAmi sa.nhR^iShTo maharShimiva rAghavam .. 12..\\
atha gatvA muhUrta.n tu chitrakUTa.n sa rAghavaH . 
mandAkinImanuprAptasta.n janaM chedamabravIt .. 13..\\
jagatyAM puruShavyAghra Aste vIrAsane rataH . 
janendro nirjanaM prApya dhinme janma sajIvitam .. 14..\\
matkR^ite vyasanaM prApto lokanAtho mahAdyutiH . 
sarAnkAmAnparityajya vane vasati rAghavaH .. 15..\\
iti lokasamAkruShTaH pAdeShvadya prasAdayan . 
rAmasya nipatiShyAmi sItAyAshcha punaH punaH .. 16..\\
eva.n sa vilapa.nstasminvane dasharathAtmajaH . 
dadarsha mahatIM puNyAM parNashAlAM manoramAm .. 17..\\
sAlatAlAshvakarNAnAM parNairbahubhirAvR^itAm . 
vishAlAM mR^idubhistIrNA.n kushairvedimivAdhvare .. 18..\\
shakrAyudha nikAshaishcha kArmukairbhArasAdhanaiH . 
rukmapR^iShThairmahAsAraiH shobhitA.n shatrubAdhakaiH .. 19..\\
arkarashmipratIkAshairghoraistUNIgataiH sharaiH . 
shobhitA.n dIptavadanaiH sarpairbhogavatIm iva .. 20..\\
mahArajatavAsobhyAmasibhyA.n cha virAjitAm . 
rukmabinduvichitrAbhyA.n charmabhyAM chApi shobhitAm .. 21..\\
godhA~NgulitrairAsAktaishchitraiH kA~nchanabhUShitaiH . 
arisa~NghairanAdhR^iShyAM mR^igaiH si.nhaguhAm iva .. 22..\\
prAgudaksravaNA.n vediM vishAlA.n dIptapAvakAm . 
dadarsha bharatastatra puNyA.n rAmaniveshane .. 23..\\
nirIkShya sa muhUrta.n tu dadarsha bharato gurum . 
uTaje rAmamAsInA.n jaTAmaNDaladhAriNam .. 24..\\
ta.n tu kR^iShNAjinadharaM chIravalkalavAsasaM . 
dadarsha rAmamAsInamabhitaH pAvakopamam .. 25..\\
si.nhaskandhaM mahAbAhuM puNDarIkanibhekShaNam . 
pR^ithivyAH sagarAntAyA bhartAra.n dharmachAriNam .. 26..\\
upaviShTaM mahAbAhuM brahmANamiva shAshvatam . 
sthaNDile darbhasasmtIrNe sItayA lakShmaNena cha .. 27..\\
ta.n dR^iShTvA bharataH shrImAnduHkhamohapariplutaH . 
abhyadhAvata dharmAtmA bharataH kaikayIsutaH .. 28..\\
dR^iShTvA cha vilalApArto bAShpasandigdhayA girA . 
ashaknuvandhArayitu.n dhairyAdvachanamabravIt .. 29..\\
yaH sa.nsadi prakR^itibhirbhavedyukta upAsitum . 
vanyairmR^igairupAsInaH so.ayamAste mamAgrajaH .. 30..\\
vAsobhirbahusAhasrairyo mahAtmA purochitaH . 
mR^igAjine so.ayamiha pravaste dharmamAcharan .. 31..\\
adhArayadyo vividhAshchitrAH sumanasastadA . 
so.aya.n jaTAbhAramima.n sahate rAghavaH katham .. 32..\\
yasya yaGYairyathAdiShTairyukto dharmasya sa~ncayaH . 
sharIra kleshasambhUta.n sa dharmaM parimArgate .. 33..\\
chandanena mahArheNa yasyA~Ngamupasevitam . 
malena tasyA~Ngamida.n kathamAryasya sevyate .. 34..\\
mannimittamida.n duHkhaM prApto rAmaH sukhochitaH . 
dhigjIvitaM nR^isha.nsasya mama lokavigarhitam .. 35..\\
ityeva.n vilapandInaH prasvinnamukhapa~NkajaH . 
pAdAvaprApya rAmasya papAta bharato rudan .. 36..\\
duHkhAbhitapto bharato rAjaputro mahAbalaH . 
uktvAryeti sakR^iddInaM punarnovAcha ki.n chana .. 37..\\
bAShpApihita kaNThashcha prekShya rAma.n yashasvinam . 
AryetyevAbhisa~Nkrushya vyAhartuM nAshakattataH .. 38..\\
shatrughnashchApi rAmasya vavande charaNau rudan . 
tAvubhau sa samAli~Ngya rAmo.apyashrUNyavartayat .. 39..\\
tataH sumantreNa guhena chaiva 
samIyatU rAjasutAvaraNye . 
divAkarashchaiva nishAkarash cha 
yathAmbare shukrabR^ihaspatibhyAm .. 40..\\
tAnpArthivAnvAraNayUthapAbhAn 
samAgatA.nstatra mahatyaraNye . 
vanaukasaste.api samIkShya sarve.apy 
ashrUNyamu~nchanpravihAya harSham .. 41..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}