\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 1
sa tAM puShkariNI.n gatvA padmotpalajhaShAkulAm . 
rAmaH saumitrisahito vilalApAkulendriyaH .. 1..\\
tasya dR^iShTvaiva tA.n harShAdindriyANi chakampire . 
sa kAmavashamApannaH saumitrimidamabravIt .. 2..\\
saumitre pashya pampAyAH kAnana.n shubhadarshanam . 
yatra rAjanti shailAbhA drumAH sashikharA iva .. 3..\\
mA.n tu shokAbhisantaptamAdhayaH pIDayanti vai . 
bharatasya cha duHkhena vaidehyA haraNena cha .. 4..\\
adhikaM pravibhAtyetannIlapIta.n tu shAdvalam . 
drumANA.n vividhaiH puShpaiH paristomairivArpitam .. 5..\\
sukhAnilo.aya.n saumitre kAlaH prachuramanmathaH . 
gandhavAnsurabhirmAso jAtapuShpaphaladrumaH .. 6..\\
pashya rUpANi saumitre vanAnAM puShpashAlinAm . 
sR^ijatAM puShpavarShANi varSha.n toyamuchAm iva .. 7..\\
prastareShu cha ramyeShu vividhAH kAnanadrumAH . 
vAyuvegaprachalitAH puShpairavakiranti gAm .. 8..\\
mArutaH sukha.n sa.nsparshe vAti chandanashItalaH . 
ShaTpadairanukUjadbhirvaneShu madhugandhiShu .. 9..\\
giriprastheShu ramyeShu puShpavadbhirmanoramaiH . 
sa.nsaktashikharA shailA virAjanti mahAdrumaiH .. 10..\\
puShpitAgrAMshcha pashyemAnkarNikArAnsamantataH . 
hATakapratisa~nchannAnnarAnpItAmbarAniva .. 11..\\
aya.n vasantaH saumitre nAnAvihaganAditaH . 
sItayA viprahINasya shokasandIpano mama .. 12..\\
mA.n hi shokasamAkrAntaM santApayati manmathaH . 
hR^iShTaH pravadamAnashcha samAhvayati kokilaH .. 13..\\
eSha dAtyUhako hR^iShTo ramye mA.n vananirjhare . 
praNadanmanmathAviShTa.n shochayiShyati lakShmaNa .. 14..\\
vimishrA vihagAH pumbhirAtmavyUhAbhinanditAH . 
bhR^i~NgarAjapramuditAH saumitre madhurasvarAH .. 15..\\
mA.n hi sA mR^igashAvAkShI chintAshokabalAtkR^itam . 
santApayati saumitre krUrashchaitravanAnilaH .. 16..\\
shikhinIbhiH parivR^itA mayUrA girisAnuShu . 
manmathAbhiparItasya mama manmathavardhanAH .. 17..\\
pashya lakShNama nR^ityantaM mayUramupanR^ityati . 
shikhinI manmathArtaiShA bhartAra.n girisAnuShu .. 18..\\
mayUrasya vane nUna.n rakShasA na hR^itA priyA . 
mama tvaya.n vinA vAsaH puShpamAse suduHsahaH .. 19..\\
pashya lakShmaNa puShpANi niShphalAni bhavanti me . 
puShpabhArasamR^iddhAnA.n vanAnAM shishirAtyaye .. 20..\\
vadanti rAvaM muditAH shakunAH sa~NghashaH kalam . 
Ahvayanta ivAnyonya.n kAmonmAdakarA mama .. 21..\\
nUnaM paravashA sItA sApi shochatyaha.n yathA . 
shyAmA padmapalAshAkShI mR^idubhAShA cha me priyA .. 22..\\
eSha puShpavaho vAyuH sukhasparsho himAvahaH . 
tA.n vichintayataH kAntAM pAvakapratimo mama .. 23..\\
tA.n vinAtha viha~Ngo.asau pakShI praNaditastadA . 
vAyasaH pAdapagataH prahR^iShTamabhinardati .. 24..\\
eSha vai tatra vaidehyA vihagaH pratihArakaH . 
pakShI mA.n tu vishAlAkShyAH samIpamupaneShyati .. 25..\\
pashya lakShmaNa saMnAda.n vane madavivardhanam . 
puShpitAgreShu vR^ikSheShu dvijAnAmupakUjatAm .. 26..\\
saumitre pashya pampAyAshchitrAsu vanarAjiShu . 
nalinAni prakAshante jale taruNasUryavat .. 27..\\
eShA prasannasalilA padmanIlotpalAyatA . 
ha.nsakAraNDavAkIrNA pampA saugandhikAyutA .. 28..\\
chakravAkayutA nitya.n chitraprasthavanAntarA . 
mAta~NgamR^igayUthaishcha shobhate salilArthibhiH .. 29..\\
padmakoshapalAshAni draShTu.n dR^iShTirhi manyate . 
sItAyA netrakoshAbhyA.n sadR^ishAnIti lakShmaNa .. 30..\\
padmakesarasa.nsR^iShTo vR^ikShAntaraviniHsR^itaH . 
niHshvAsa iva sItAyA vAti vAyurmanoharaH .. 31..\\
saumitre pashya pampAyA dakShiNe girisAnuni . 
puShpitA.n karNikArasya yaShTiM paramashobhanAm .. 32..\\
adhika.n shailarAjo.aya.n dhAtubhistu vibhUShitaH . 
vichitra.n sR^ijate reNuM vAyuvegavighaTTitam .. 33..\\
giriprasthAstu saumitre sarvataH samprapuShpitaiH . 
niShpatraiH sarvato ramyaiH pradIpA iva kuMshukaiH .. 34..\\
pampAtIraruhAshcheme sa.nsaktA madhugandhinaH . 
mAlatImallikAShaNDAH karavIrAshcha puShpitAH .. 35..\\
ketakyaH sinduvArAshcha vAsantyashcha supuShpitAH . 
mAdhavyo gandhapUrNAshcha kundagulmAshcha sarvashaH .. 36..\\
chiribilvA madhUkAshcha va~njulA bakulAstathA . 
champakAstilakAshchaiva nAgavR^ikShAshcha puShpitAH .. 37..\\
nIpAshcha varaNAshchaiva kharjUrAshcha supuShpitAH . 
a~NkolAshcha kuraNTAshcha chUrNakAH pAribhadrakAH .. 38..\\
chUtAH pATalayashchaiva kovidArAshcha puShpitAH . 
muchukundArjunAshchaiva dR^ishyante girisAnuShu .. 39..\\
ketakoddAlakAshchaiva shirIShAH shiMshapA dhavAH . 
shAlmalyaH kiMshukAshchaiva raktAH kurabakAstathA . 
tinishA nakta mAlAshcha chandanAH syandanAstathA .. 40..\\
vividhA vividhaiH puShpaistaireva nagasAnuShu . 
vikIrNaiH pItaraktAbhAH saumitre prastarAH kR^itAH .. 41..\\
himAnte pashya saumitre vR^ikShANAM puShpasambhavam . 
puShpamAse hi taravaH sa~NgharShAdiva puShpitAH .. 42..\\
pashya shItajalA.n chemA.n saumitre puShkarAyutAm . 
chakravAkAnucharitA.n kAraNDavaniShevitAm . 
plavaiH krau~nchaishcha sampUrNA.n varAhamR^igasevitAm .. 43..\\
adhika.n shobhate pampAvikUjadbhirviha~NgamaiH .. 44..\\
dIpayantIva me kAma.n vividhA muditA dvijAH . 
shyAmA.n chandramukhI.n smR^itvA priyAM padmanibhekShaNAm .. 45..\\
paya sAnuShu chitreShu mR^igIbhiH sahitAnmR^igAn . 
mAM punarmR^igashAvAkShyA vaidehyA virahIkR^itam .. 46..\\
eva.n sa vilapa.nstatra shokopahatachetanaH . 
avekShata shivAM pampA.n ramyavArivahAM shubhAm .. 47..\\
nirIkShamANaH sahasA mahAtmA 
sarva.n vanaM nirjharakandara.n cha . 
udvignachetAH saha lakShmaNena 
vichArya duHkhopahataH pratasthe .. 48..\\
tAvR^iShyamUka.n sahitau prayAtau 
sugrIvashAkhAmR^igasevita.n tam . 
trastAstu dR^iShTvA harayo babhUvur 
mahaujasau rAghavalakShmaNau tau .. 49..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}