\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 11
rAmasya vachana.n shrutvA harShapauruShavardhanam . 
sugrIvaH pUjayA.n chakre rAghavaM prashasha.nsa cha .. 1..\\
asaMshayaM prajvalitaistIkShNairmarmAtigaiH sharaiH . 
tva.n daheH kupito lokAnyugAnta iva bhAskaraH .. 2..\\
vAlinaH pauruSha.n yattadyachcha vIrya.n dhR^itishcha yA . 
tanmamaikamanAH shrutvA vidhatsva yadanantaram .. 3..\\
samudrAtpashchimAtpUrva.n dakShiNAdapi chottaram . 
krAmatyanudite sUrye vAlI vyapagataklamaH .. 4..\\
agrANyAruhya shailAnA.n shikharANi mahAntyapi . 
UrdhvamutkShipya tarasA pratigR^ihNAti vIryavAn .. 5..\\
bahavaH sAravantashcha vaneShu vividhA drumAH . 
vAlinA tarasA bhagnA balaM prathayatAtmanaH .. 6..\\
mahiSho dundubhirnAma kailAsashikharaprabhaH . 
balaM nAgasahasrasya dhArayAmAsa vIryavAn .. 7..\\
vIryotsekena duShTAtmA varadAnAchcha mohitaH . 
jagAma sa mahAkAyaH samudra.n saritAM patim .. 8..\\
Urmimantamatikramya sAgara.n ratnasa~ncayam . 
mama yuddhaM prayachchheti tamuvAcha mahArNavam .. 9..\\
tataH samudro dharmAtmA samutthAya mahAbalaH . 
abravIdvachana.n rAjannasura.n kAlachoditam .. 10..\\
samartho nAsmi te dAtu.n yuddhaM yuddhavishArada . 
shrUyatAmabhidhAsyAmi yaste yuddhaM pradAsyati .. 11..\\
shailarAjo mahAraNye tapasvisharaNaM param . 
sha~Nkarashvashuro nAmnA himavAniti vishrutaH .. 12..\\
guhA prasravaNopeto bahukandaranirjharaH . 
sa samarthastava prItimatulA.n kartumAhave .. 13..\\
taM bhItamiti viGYAya samudramasurottamaH . 
himavadvanamAgachchhachchharashchApAdiva chyutaH .. 14..\\
tatastasya gireH shvetA gajendravipulAH shilAH . 
chikShepa bahudhA bhUmau dundubhirvinanAda cha .. 15..\\
tataH shvetAmbudAkAraH saumyaH prItikarAkR^itiH . 
himavAnabravIdvAkya.n sva eva shikhare sthitaH .. 16..\\
kleShTumarhasi mAM na tva.n dundubhe dharmavatsala . 
raNakarmasvakushalastapasvisharaNa.n hyaham .. 17..\\
tasya tadvachana.n shrutvA girirAjasya dhImataH . 
uvAcha dundubhirvAkya.n krodhAtsa.nraktalochanaH .. 18..\\
yadi yuddhe.asamarthastvaM madbhayAdvA nirudyamaH . 
tamAchakShva pradadyAnme yo.adya yuddha.n yuyutsataH .. 19..\\
himavAnabravIdvAkya.n shrutvA vAkyavishAradaH . 
anuktapUrva.n dharmAtmA krodhAttamasurottamam .. 20..\\
vAlI nAma mahAprAGYaH shakratulyaparAkramaH . 
adhyAste vAnaraH shrImAnkiShkindhAmatulaprabhAm .. 21..\\
sa samartho mahAprAGYastava yuddhavishAradaH . 
dvandvayuddhaM mahaddAtuM namucheriva vAsavaH .. 22..\\
ta.n shIghramabhigachchha tvaM yadi yuddhamihechchhasi . 
sa hi durdharShaNo nitya.n shUraH samarakarmaNi .. 23..\\
shrutvA himavato vAkya.n krodhAviShTaH sa dundubhiH . 
jagAma tAM purI.n tasya kiShkindhA.n vAlinastadA .. 24..\\
dhArayanmAhiSha.n rUpa.n tIkShNashR^i~Ngo bhayAvahaH . 
prAvR^iShIva mahAmeghastoyapUrNo nabhastale .. 25..\\
tatastu dvAramAgamya kiShkindhAyA mahAbalaH . 
nanarda kampayanbhUmi.n dundubhirdundubhiryathA .. 26..\\
samIpajAndrumAnbha~njanvasudhA.n dArayankhuraiH . 
viShANenollekhandarpAttaddvAra.n dvirado yathA .. 27..\\
antaHpuragato vAlI shrutvA shabdamamarShaNaH . 
niShpapAta saha strIbhistArAbhiriva chandramAH .. 28..\\
mita.n vyaktAkSharapada.n tamuvAcha sa dundubhim . 
harINAmIshvaro vAlI sarveShA.n vanachAriNAm .. 29..\\
kimarthaM nagaradvAramida.n ruddhvA vinardasi . 
dundubhe vidito me.asi rakSha prANAnmahAbala .. 30..\\
tasya tadvachana.n shrutvA vAnarendrasya dhImataH . 
uvAcha dundubhirvAkya.n krodhAtsa.nraktalochanaH .. 31..\\
na tva.n strIsaMnidhau vIra vachanaM vaktumarhasi . 
mama yuddhaM prayachchha tva.n tato GYAsyAmi te balam .. 32..\\
atha vA dhArayiShyAmi krodhamadya nishAmimAm . 
gR^ihyatAmudayaH svaira.n kAmabhogeShu vAnara .. 33..\\
yo hi mattaM pramatta.n vA suptaM vA rahitaM bhR^isham . 
hanyAtsa bhrUNahA loke tvadvidhaM madamohitam .. 34..\\
sa prahasyAbravInmanda.n krodhAttamasurottamam . 
visR^ijya tAH striyaH sarvAstArA prabhi.DtikAstadA .. 35..\\
matto.ayamiti mA ma.nsthA yadyabhIto.asi sa.nyuge . 
mado.aya.n samprahAre.asminvIrapAnaM samarthyatAm .. 36..\\
tamevamuktvA sa~Nkruddho mAlAmutkShipya kA~nchanIm . 
pitrA dattAM mahendreNa yuddhAya vyavatiShThata .. 37..\\
viShANayorgR^ihItvA ta.n dundubhiM girisaMnibham . 
vAlI vyApAtayA.n chakre nanarda cha mahAsvanam .. 38..\\
yuddhe prANahare tasminniShpiShTo dundubhistadA . 
shrotrAbhyAmatha rakta.n tu tasya susrAva pAtyataH . 
papAta cha mahAkAyaH kShitau pa~nchatvamAgataH .. 39..\\
ta.n tolayitvA bAhubhyAM gatasattvamachetanam . 
chikShepa vegavAnvAlI vegenaikena yojanam .. 40..\\
tasya vegapraviddhasya vaktrAtkShatajabindavaH . 
prapeturmArutotkShiptA mata~NgasyAshramaM prati .. 41..\\
tAndR^iShTvA patitA.nstatra muniH shoNitavipruShaH . 
utsasarja mahAshApa.n kSheptAra.n vAlinaM prati . 
iha tenApraveShTavyaM praviShTasya badho bhavet .. 42..\\
sa maharShi.n samAsAdya yAchate sma kR^itA~njaliH .. 43..\\
tataH shApabhayAdbhIta R^ishyamUkaM mahAgirim . 
praveShTuM nechchhati harirdraShTu.n vApi nareshvara .. 44..\\
tasyApravesha.n GYAtvAhamidaM rAma mahAvanam . 
vicharAmi sahAmAtyo viShAdena vivarjitaH .. 45..\\
eSho.asthinichayastasya dundubheH samprakAshate . 
vIryotsekAnnirastasya girikUTanibho mahAn .. 46..\\
ime cha vipulAH sAlAH sapta shAkhAvalambinaH . 
yatraika.n ghaTate vAlI niShpatrayitumojasA .. 47..\\
etadasyAsama.n vIryaM mayA rAma prakAshitam . 
katha.n ta.n vAlinaM hantuM samare shakShyase nR^ipa .. 48..\\
yadi bhindyAdbhavAnsAlAnimA.nstvekeShuNA tataH . 
jAnIyA.n tvAM mahAbAho samartha.n vAlino vadhe .. 49..\\
tasya tadvachana.n shrutvA sugrIvasya mahAtmanaH . 
rAghavo dundubheH kAyaM pAdA~NguShThena lIlayA . 
tolayitvA mahAbAhushchikShepa dashayojanam .. 50..\\
kShipta.n dR^iShTvA tataH kAya.n sugrIvaH punarabravIt . 
lakShmaNasyAgrato rAmamida.n vachanamarthavat .. 51..\\
ArdraH samA.nsapratyagraH kShiptaH kAyaH purA sakhe . 
laghuH samprati nirmA.nsastR^iNabhUtashcha rAghava . 
nAtra shakyaM bala.n GYAtu.n tava vA tasya vAdhikam .. 52..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}