\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 12
etachcha vachana.n shrutvA sugrIveNa subhAShitam . 
pratyayArthaM mahAtejA rAmo jagrAha kArmukam .. 1..\\
sa gR^ihItvA dhanurghora.n sharameka.n cha mAnadaH . 
sAlAnuddishya chikShepa jyAsvanaiH pUrayandishaH .. 2..\\
sa visR^iShTo balavatA bANaH svarNapariShkR^itaH . 
bhittvA sAlAngiriprasthe sapta bhUmi.n vivesha ha .. 3..\\
praviShTastu muhUrtena rasAM bhittvA mahAjavaH . 
niShpatya cha punastUrNa.n svatUNIM pravivesha ha .. 4..\\
tAndR^iShTvA sapta nirbhinnAnsAlAnvAnarapu~NgavaH . 
rAmasya sharavegena vismayaM parama.n gataH .. 5..\\
sa mUrdhnA nyapatadbhUmau pralambIkR^itabhUShaNaH . 
sugrIvaH paramaprIto rAghavAya kR^itA~njaliH .. 6..\\
ida.n chovAcha dharmaGYaM karmaNA tena harShitaH . 
rAma.n sarvAstraviduShAM shreShThaM shUramavasthitam .. 7..\\
sendrAnapi surAnsarvA.nstvaM bANaiH puruSharShabha . 
samarthaH samare hantu.n kiM punarvAlinaM prabho .. 8..\\
yena sapta mahAsAlA girirbhUmishcha dAritAH . 
bANenaikena kAkutstha sthAtA te ko raNAgrataH .. 9..\\
adya me vigataH shokaH prItiradya parA mama . 
suhR^ida.n tvA.n samAsAdya mahendravaruNopamam .. 10..\\
tamadyaiva priyArthaM me vairiNaM bhrAtR^irUpiNam . 
vAlina.n jahi kAkutstha mayA baddho.ayama~njaliH .. 11..\\
tato rAmaH pariShvajya sugrIvaM priyadarshanam . 
pratyuvAcha mahAprAGYo lakShmaNAnumata.n vachaH .. 12..\\
asmAdgachchhAma kiShkindhA.n kShipraM gachchha tvamagrataH . 
gatvA chAhvaya sugrIva vAlinaM bhrAtR^igandhinam .. 13..\\
sarve te tvarita.n gatvA kiShkindhA.n vAlinaH purIm . 
vR^ikShairAtmAnamAvR^itya vyatiShThangahane vane .. 14..\\
sugrIvo vyanadadghora.n vAlino hvAnakAraNAt . 
gADhaM parihito vegAnnAdairbhindannivAmbaram .. 15..\\
ta.n shrutvA ninadaM bhrAtuH kruddho vAlI mahAbalaH . 
niShpapAta susa.nrabdho bhAskaro.astataTAdiva .. 16..\\
tataH sutumula.n yuddhaM vAlisugrIvayorabhUt . 
gagane grahayorghoraM budhA~NgArakayoriva .. 17..\\
talairashanikalpaishcha vajrakalpaishcha muShTibhiH . 
jaghnatuH samare.anyonyaM bhrAtarau krodhamUrchhitau .. 18..\\
tato rAmo dhanuShpANistAvubhau samudIkShya tu . 
anyonyasadR^ishau vIrAvubhau devAvivAshvinau .. 19..\\
yannAvagachchhatsugrIva.n vAlinaM vApi rAghavaH . 
tato na kR^itavAnbuddhiM moktumantakara.n sharam .. 20..\\
etasminnantare bhagnaH sugrIvastena vAlinA . 
apashyanrAghavaM nAthamR^ishyamUkaM pradudruve .. 21..\\
klAnto rudhirasiktA~NgaH prahArairjarjarIkR^itaH . 
vAlinAbhidrutaH krodhAtpravivesha mahAvanam .. 22..\\
taM praviShTa.n vana.n dR^iShTvA vAlI shApabhayAttataH . 
mukto hyasi tvamityuktvA sa nivR^itto mahAbalaH .. 23..\\
rAghavo.api saha bhrAtrA saha chaiva hanUmatA . 
tadeva vanamAgachchhatsugrIvo yatra vAnaraH .. 24..\\
ta.n samIkShyAgataM rAmaM sugrIvaH sahalakShmaNam . 
hrImAndInamuvAcheda.n vasudhAm avalokayan .. 25..\\
Ahvayasveti mAmuktvA darshayitvA cha vikramam . 
vairiNA ghAtayitvA cha kimidAnI.n tvayA kR^itam .. 26..\\
tAmeva velA.n vaktavya.n tvayA rAghava tattvataH . 
vAlinaM na nihanmIti tato nAhamito vraje .. 27..\\
tasya chaivaM bruvANasya sugrIvasya mahAtmanaH . 
karuNa.n dInayA vAchA rAghavaH punarabravIt .. 28..\\
sugrIva shrUyatA.n tAtaH krodhashcha vyapanIyatAm . 
kAraNa.n yena bANo.ayaM na mayA sa visarjitaH .. 29..\\
ala~NkAreNa veSheNa pramANena gatena cha . 
tva.n cha sugrIva vAlI cha sadR^ishau sthaH parasparam .. 30..\\
svareNa varchasA chaiva prekShitena cha vAnara . 
vikrameNa cha vAkyaishcha vyakti.n vAM nopalakShaye .. 31..\\
tato.aha.n rUpasAdR^ishyAnmohito vAnarottama . 
notsR^ijAmi mahAvega.n sharaM shatrunibarhaNam .. 32..\\
etanmuhUrte tu mayA pashya vAlinamAhave . 
nirastamiShuNaikena veShTamAnaM mahItale .. 33..\\
abhiGYAna.n kuruShva tvamAtmano vAnareshvara . 
yena tvAmabhijAnIyA.n dvandvayuddhamupAgatam .. 34..\\
gajapuShpImimAM phullAmutpATya shubhalakShaNAm . 
kuru lakShmaNa kaNThe.asya sugrIvasya mahAtmanaH .. 35..\\
tato giritaTe jAtAmutpATya kusumAyutAm . 
lakShmaNo gajapuShpI.n tAM tasya kaNThe vyasarjayat .. 36..\\
sa tathA shushubhe shrImA.NllatayA kaNThasaktayA . 
mAlayeva balAkAnA.n sasandhya iva toyadaH .. 37..\\
vibhrAjamAno vapuShA rAmavAkyasamAhitaH . 
jagAma saha rAmeNa kiShkindhA.n vAlipAlitAm .. 38..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}