\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 15
atha tasya ninAda.n ta.n sugrIvasya mahAtmanaH . 
shushrAvAntaHpuragato vAlI bhrAturamarShaNaH .. 1..\\
shrutvA tu tasya ninada.n sarvabhUtaprakampanam . 
madashchaikapade naShTaH krodhashchApatito mahAn .. 2..\\
sa tu roShaparItA~Ngo vAlI sandhyAtapaprabhaH . 
uparakta ivAdityaH sadyo niShprabhatA.n gataH .. 3..\\
vAlI daMShTrA karAlastu krodhAddIptAgnisaMnibhaH . 
bhAtyutpatitapadmAbhaH samR^iNAla iva hradaH .. 4..\\
shabda.n durmarShaNa.n shrutvA niShpapAta tato hariH . 
vegena charaNanyAsairdArayanniva medinIm .. 5..\\
ta.n tu tArA pariShvajya snehAddarshitasauhR^idA . 
uvAcha trastasambhrAntA hitodarkamida.n vachaH .. 6..\\
sAdhu krodhamima.n vIra nadI vegamivAgatam . 
shayanAdutthitaH kAlya.n tyaja bhuktAm iva srajam .. 7..\\
sahasA tava niShkrAmo mama tAvanna rochate . 
shrUyatAmabhidhAsyAmi yannimittaM nivAryase .. 8..\\
pUrvamApatitaH krodhAtsa tvAmAhvayate yudhi . 
niShpatya cha nirastaste hanyamAno disho gataH .. 9..\\
tvayA tasya nirastasya pIDitasya visheShataH . 
ihaitya punarAhvAna.n sha~NkA.n janayatIva me .. 10..\\
darpashcha vyavasAyashcha yAdR^ishastasya nardataH . 
ninAdasya cha sa.nrambho naitadalpa.n hi kAraNam .. 11..\\
nAsahAyamahaM manye sugrIva.n tamihAgatam . 
avaShTabdhasahAyashcha yamAshrityaiSha garjati .. 12..\\
prakR^ityA nipuNashchaiva buddhimAMshchaiva vAnaraH . 
aparIkShitavIryeNa sugrIvaH saha naiShyati .. 13..\\
pUrvameva mayA vIra shruta.n kathayato vachaH . 
a~Ngadasya kumArasya vakShyAmi tvA hita.n vachaH .. 14..\\
tava bhrAturhi vikhyAtaH sahAyo raNakarkashaH . 
rAmaH parabalAmardI yugAntAgnirivotthitaH .. 15..\\
nivAsavR^ikShaH sAdhUnAmApannAnAM parA gatiH . 
ArtAnA.n saMshrayashchaiva yashasashchaikabhAjanam .. 16..\\
GYAnaviGYAnasampanno nidesho nirataH pituH . 
dhAtUnAmiva shailendro guNAnAmAkaro mahAn .. 17..\\
tatkShamaM na virodhaste saha tena mahAtmanA . 
durjayenAprameyena rAmeNa raNakarmasu .. 18..\\
shUra vakShyAmi te ki.n chinna chechchhAmyabhyasUyitum . 
shrUyatA.n kriyatAM chaiva tava vakShyAmi yaddhitam .. 19..\\
yauvarAjyena sugrIva.n tUrNa.n sAdhvabhiShechaya . 
vigrahaM mA kR^ithA vIra bhrAtrA rAjanbalIyasA .. 20..\\
aha.n hi te kShamaM manye tava rAmeNa sauhR^idam . 
sugrIveNa cha samprIti.n vairamutsR^ijya dUrataH .. 21..\\
lAlanIyo hi te bhrAtA yavIyAneSha vAnaraH . 
tatra vA sannihastho vA sarvathA bandhureva te .. 22..\\
yadi te matpriya.n kArya.n yadi chAvaiShi mAM hitAm . 
yAchyamAnaH prayatnena sAdhu vAkya.n kuruShva me .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}