\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 17
tataH shareNAbhihato rAmeNa raNakarkashaH . 
papAta sahasA vAlI nikR^itta iva pAdapaH .. 1..\\
sa bhUmau nyastasarvA~NgastaptakA~nchanabhUShaNaH . 
apataddevarAjasya muktarashmiriva dhvajaH .. 2..\\
tasminnipatite bhUmau haryR^iShANA.n gaNeshvare . 
naShTachandramiva vyoma na vyarAjata bhUtalam .. 3..\\
bhUmau nipatitasyApi tasya dehaM mahAtmanaH . 
na shrIrjahAti na prANA na tejo na parAkramaH .. 4..\\
shakradattA varA mAlA kA~nchanI ratnabhUShitA . 
dadhAra harimukhyasya prANA.nstejaH shriya.n cha sA .. 5..\\
sa tayA mAlayA vIro haimayA hariyUthapaH . 
sandhyAnugataparyantaH payodhara ivAbhavat .. 6..\\
tasya mAlA cha dehashcha marmaghAtI cha yaH sharaH . 
tridheva rachitA lakShmIH patitasyApi shobhate .. 7..\\
tadastra.n tasya vIrasya svargamArgaprabhAvanam . 
rAmabANAsanakShiptamAvahatparamA.n gatim .. 8..\\
ta.n tathA patita.n sa~Nkhye gatArchiShamivAnalam . 
yayAtimiva puNyAnte devalokAtparichyutam .. 9..\\
Adityamiva kAlena yugAnte bhuvi pAtitam . 
mahendramiva durdharShaM mahendramiva duHsaham .. 10..\\
mahendraputraM patita.n vAlinaM hemamAlinam . 
si.nhoraskaM mahAbAhu.n dIptAsya.n harilochanam . 
lakShmaNAnugato rAmo dadarshopasasarpa cha .. 11..\\
sa dR^iShTvA rAghava.n vAlI lakShmaNa.n cha mahAbalam . 
abravItprashrita.n vAkyaM paruSha.n dharmasa.nhitam .. 12..\\
parA~Nmukhavadha.n kR^itvA ko nu prAptastvayA guNaH . 
yadaha.n yuddhasa.nrabdhastvatkR^ite nidhana.n gataH .. 13..\\
kulInaH sattvasampannastejasvI charitavrataH . 
rAmaH karuNavedI cha prajAnA.n cha hite rataH .. 14..\\
sAnukrosho mahotsAhaH samayaGYo dR^iDhavrataH . 
iti te sarvabhUtAni kathayanti yasho bhuvi .. 15..\\
tAnguNAnsampradhAryAhamagrya.n chAbhijanaM tava . 
tArayA pratiShiddhaH sansugrIveNa samAgataH .. 16..\\
na mAmanyena sa.nrabdhaM pramatta.n veddhumarhasi . 
iti me buddhirutpannA babhUvAdarshane tava .. 17..\\
na tvA.n vinihatAtmAna.n dharmadhvajamadhArmikam . 
jAne pApasamAchAra.n tR^iNaiH kUpamivAvR^itam .. 18..\\
satA.n veShadharaM pApaM prachchhannamiva pAvakam . 
nAha.n tvAmabhijAnAni dharmachchhadmAbhisa.nvR^itam .. 19..\\
viShaye vA pure vA te yadA nApakaromyaham . 
na cha tvAM pratijAne.aha.n kasmAttva.n ha.nsyakilbiSham .. 20..\\
phalamUlAshanaM nitya.n vAnaraM vanagocharam . 
mAmihApratiyudhyantamanyena cha samAgatam .. 21..\\
tvaM narAdhipateH putraH pratItaH priyadarshanaH . 
li~Ngamapyasti te rAjandR^ishyate dharmasa.nhitam .. 22..\\
kaH kShatriyakule jAtaH shrutavAnnaShTasaMshayaH . 
dharmali~Nga pratichchhannaH krUra.n karma samAcharet .. 23..\\
rAma rAjakule jAto dharmavAniti vishrutaH . 
abhavyo bhavyarUpeNa kimarthaM paridhAvasi .. 24..\\
sAma dAna.n kShamA dharmaH satyaM dhR^itiparAkramau . 
pArthivAnA.n guNA rAjandaNDashchApyapakAriShu .. 25..\\
vaya.n vanacharA rAma mR^igA mUlaphalAshanAH . 
eShA prakR^itirasmAkaM puruShastvaM nareshvaraH .. 26..\\
bhUmirhiraNya.n rUpya.n cha nigrahe kAraNAni cha . 
tatra kaste vane lobho madIyeShu phaleShu vA .. 27..\\
nayashcha vinayashchobhau nigrahAnugrahAvapi . 
rAjavR^ittirasa~NkIrNA na nR^ipAH kAmavR^ittayaH .. 28..\\
tva.n tu kAmapradhAnashcha kopanashchAnavasthitaH . 
rAjavR^ittaishcha sa~NkIrNaH sharAsanaparAyaNaH .. 29..\\
na te.astyapachitirdharme nArthe buddhiravasthitA . 
indriyaiH kAmavR^ittaH sankR^iShyase manujeshvara .. 30..\\
hatvA bANena kAkutstha mAmihAnaparAdhinam . 
ki.n vakShyasi satAM madhye karma kR^itvA jugupsitam .. 31..\\
rAjahA brahmahA goghnashchoraH prANivadhe rataH . 
nAstikaH parivettA cha sarve nirayagAminaH .. 32..\\
adhArya.n charma me sadbhI romANyasthi cha varjitam . 
abhakShyANi cha mA.nsAni tvadvidhairdharmachAribhiH .. 33..\\
pa~ncha pa~nchanakhA bhakShyA brahmakShatreNa rAghava . 
shalyakaH shvAvidho godhA shashaH kUrmashcha pa~nchamaH .. 34..\\
charma chAsthi cha me rAjanna spR^ishanti manIShiNaH . 
abhakShyANi cha mA.nsAni so.ahaM pa~nchanakho hataH .. 35..\\
tvayA nAthena kAkutstha na sanAthA vasundharA . 
pramadA shIlasampannA dhUrtena patitA yathA .. 36..\\
shaTho naikR^itikaH kShudro mithyA prashritamAnasaH . 
katha.n dasharathena tvaM jAtaH pApo mahAtmanA .. 37..\\
chhinnachAritryakakShyeNa satA.n dharmAtivartinA . 
tyaktadharmA~NkushenAhaM nihato rAmahastinA .. 38..\\
dR^ishyamAnastu yudhyethA mayA yudhi nR^ipAtmaja . 
adya vaivasvata.n devaM pashyestvaM nihato mayA .. 39..\\
tvayAdR^ishyena tu raNe nihato.aha.n durAsadaH . 
prasuptaH pannageneva naraH pAnavasha.n gataH .. 40..\\
sugrIvapriyakAmena yadahaM nihatastvayA . 
kaNThe baddhvA pradadyA.n te.anihata.n rAvaNaM raNe .. 41..\\
nyastA.n sAgaratoye vA pAtAle vApi maithilIm . 
jAnayeya.n tavAdeshAchchhvetAmashvatarIm iva .. 42..\\
yukta.n yatprapnuyAdrAjyaM sugrIvaH svargate mayi . 
ayukta.n yadadharmeNa tvayAhaM nihato raNe .. 43..\\
kAmameva.nvidha.n lokaH kAlena viniyujyate . 
kShama.n chedbhavatA prAptamuttara.n sAdhu chintyatAm .. 44..\\
ityevamuktvA parishuShkavaktraH 
sharAbhighAtAdvyathito mahAtmA . 
samIkShya rAma.n ravisaMnikAshaM 
tUShNIM babhUvAmararAjasUnuH .. 45..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}