\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 2
tau tu dR^iShTvA mahAtmAnau bhrAtarau rAmalakShmaNau . 
varAyudhadharau vIrau sugrIvaH sha~Nkito.abhavat .. 1..\\
udvignahR^idayaH sarvA dishaH samavalokayan . 
na vyatiShThata kasmiMshchiddeshe vAnarapu~NgavaH .. 2..\\
naiva chakre manaH sthAne vIkShamANo mahAbalau . 
kapeH paramabhItasya chitta.n vyavasasAda ha .. 3..\\
chintayitvA sa dharmAtmA vimR^ishya gurulAghavam . 
sugrIvaH paramodvignaH sarvairanucharaiH saha .. 4..\\
tataH sa sachivebhyastu sugrIvaH plavagAdhipaH . 
shasha.nsa paramodvignaH pashya.nstau rAmalakShmaNau .. 5..\\
etau vanamida.n durga.n vAlipraNihitau dhruvam . 
chhadmanA chIravasanau pracharantAvihAgatau .. 6..\\
tataH sugrIvasachivA dR^iShTvA paramadhanvinau . 
jagmurgiritaTAttasmAdanyachchhikharamuttamam .. 7..\\
te kShipramabhigamyAtha yUthapA yUthaparShabham . 
harayo vAnarashreShThaM parivAryopatasthire .. 8..\\
ekamekAyanagatAH plavamAnA girergirim . 
prakampayanto vegena girINA.n shikharANi cha .. 9..\\
tataH shAkhAmR^igAH sarve plavamAnA mahAbalAH . 
babha~njushcha nagA.nstatra puShpitAndurgasaMshritAn .. 10..\\
Aplavanto harivarAH sarvatastaM mahAgirim . 
mR^igamArjArashArdUlA.nstrAsayanto yayustadA .. 11..\\
tataH sugrIvasachivAH parvatendra.n samAshritAH . 
sa~Ngamya kapimukhyena sarve prA~njalayaH sthitAH .. 12..\\
tatastaM bhayasantrasta.n vAlikilbiShasha~Nkitam . 
uvAcha hanumAnvAkya.n sugrIvaM vAkyakovidaH .. 13..\\
yasmAdudvignachetAstvaM pradruto haripu~Ngava . 
ta.n krUradarshanaM krUraM neha pashyAmi vAlinam .. 14..\\
yasmAttava bhaya.n saumya pUrvajAtpApakarmaNaH . 
sa neha vAlI duShTAtmA na te pashyAmyahaM bhayam .. 15..\\
aho shAkhAmR^igatva.n te vyaktameva plava~Ngama . 
laghuchittatayAtmAnaM na sthApayasi yo matau .. 16..\\
buddhiviGYAnasampanna i~NgitaiH sarvamAchara . 
na hyabuddhi.n gato rAjA sarvabhUtAni shAsti hi .. 17..\\
sugrIvastu shubha.n vAkyaM shrutvA sarvaM hanUmataH . 
tataH shubhatara.n vAkyaM hanUmantamuvAcha ha .. 18..\\
dIrghabAhU vishAlAkShau sharachApAsidhAriNau . 
kasya na syAdbhaya.n dR^iShTvA etau surasutopamau .. 19..\\
vAlipraNihitAvetau sha~Nke.ahaM puruShottamau . 
rAjAno bahumitrAshcha vishvAso nAtra hi kShamaH .. 20..\\
arayashcha manuShyeNa viGYeyAshchhannachAriNaH . 
vishvastAnAmavishvastAshchhidreShu praharanti hi .. 21..\\
kR^ityeShu vAlI medhAvI rAjAno bahudarshanAH . 
bhavanti parahantAraste GYeyAH prAkR^itairnaraiH .. 22..\\
tau tvayA prAkR^itenaiva gatvA GYeyau plava~Ngama . 
sha~NkitAnAM prakAraishcha rUpavyAbhAShaNena cha .. 23..\\
lakShayasva tayorbhAvaM prahR^iShTamanasau yadi . 
vishvAsayanprasha.nsAbhiri~Ngitaishcha punaH punaH .. 24..\\
mamaivAbhimukha.n sthitvA pR^ichchha tvaM haripu~Ngava . 
prayojanaM praveshasya vanasyAsya dhanurdharau .. 25..\\
shuddhAtmAnau yadi tvetau jAnIhi tvaM plava~Ngama . 
vyAbhAShitairvA rUpairvA viGYeyA duShTatAnayoH .. 26..\\
ityeva.n kapirAjena sandiShTo mArutAtmajaH . 
chakAra gamane buddhi.n yatra tau rAmalakShmaNau .. 27..\\
tatheti sampUjya vachastu tasya 
kapeH subhItasya durAsadasya . 
mahAnubhAvo hanumAnyayau tadA 
sa yatra rAmo.atibalashcha lakShmaNaH .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}