\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 20
rAmachApavisR^iShTena shareNAntakareNa tam . 
dR^iShTvA vinihataM bhUmau tArA tArAdhipAnanA .. 1..\\
sA samAsAdya bhartAraM paryaShvajata bhAminI . 
iShuNAbhihata.n dR^iShTvA vAlinaM ku~njaropamam .. 2..\\
vAnarendraM mahendrAbha.n shokasantaptamAnasA . 
tArA tarumivonmUlaM paryadevayadAturA .. 3..\\
raNe dAruNavikrAnta pravIra plavatA.n vara . 
ki.n dInAmapurobhAgAmadya tvaM nAbhibhAShase .. 4..\\
uttiShTha harishArdUla bhajasva shayanottamam . 
naiva.nvidhAH sherate hi bhUmau nR^ipatisattamAH .. 5..\\
atIva khalu te kAntA vasudhA vasudhAdhipa . 
gatAsurapi yA.n gAtrairmA.n vihAya niShevase .. 6..\\
vyaktamanyA tvayA vIra dharmataH sampravartatA . 
kiShkindheva purI ramyA svargamArge vinirmitA .. 7..\\
yAnyasmAbhistvayA sArdha.n vaneShu madhugandhiShu . 
vihR^itAni tvayA kAle teShAmuparamaH kR^itaH .. 8..\\
nirAnandA nirAshAhaM nimagnA shokasAgare . 
tvayi pa~nchatvamApanne mahAyUthapayUthape .. 9..\\
hR^idaya.n susthiraM mahya.n dR^iShTvA vinihataM bhuvi . 
yanna shokAbhisantapta.n sphuTate.adya sahasradhA .. 10..\\
sugrIvasya tvayA bhAryA hR^itA sa cha vivAsitaH . 
yattattasya tvayA vyuShTiH prApteyaM plavagAdhipa .. 11..\\
niHshreyasaparA mohAttvayA chAha.n vigarhitA . 
yaiShAbruva.n hitaM vAkyaM vAnarendrahitaiShiNI .. 12..\\
kAlo niHsaMshayo nUna.n jIvitAntakarastava . 
balAdyenAvapanno.asi sugrIvasyAvasho vasham .. 13..\\
vaidhavya.n shokasantApa.n kR^ipaNaM kR^ipaNA satI . 
aduHkhopachitA pUrva.n vartayiShyAmyanAthavat .. 14..\\
lAlitashchA~Ngado vIraH sukumAraH sukhochitaH . 
vatsyate kAmavasthAM me pitR^ivye krodhamUrchhite .. 15..\\
kuruShva pitaraM putra sudR^iShTa.n dharmavatsalam . 
durlabha.n darshanaM tvasya tava vatsa bhaviShyati .. 16..\\
samAshvAsaya putra.n tva.n sandeshaM sandishasva cha . 
mUrdhni chaina.n samAghrAya pravAsaM prasthito hyasi .. 17..\\
rAmeNa hi mahatkarma kR^ita.n tvAmabhinighnatA . 
AnR^iNya.n tu gataM tasya sugrIvasya pratishrave .. 18..\\
sakAmo bhava sugrIva rumA.n tvaM pratipatsyase . 
bhu~NkShva rAjyamanudvignaH shasto bhrAtA ripustava .. 19..\\
kiM mAmeva.n vilapatIM preMNA tvaM nAbhibhAShase . 
imAH pashya varA bahvIrbhAryAste vAnareshvara .. 20..\\
tasyA vilapita.n shrutvA vAnaryaH sarvatashcha tAH . 
parigR^ihyA~Ngada.n dInaM duHkhArtAH parichukrushuH .. 21..\\
kima~Ngada.n sA~Ngada vIra bAho 
vihAya yAsyadya chirapravAsaM . 
na yuktameva.n guNasaMnikR^iShTaM 
vihAya putraM priyaputra gantum .. 22..\\
kimapriya.n te priyachAruveSha 
kR^itaM mayA nAtha sutena vA te . 
sahAyinImadya vihAya vIra 
yamakShaya.n gachchhasi durvinItam .. 23..\\
yadyapriya.n kiM chidasampradhArya 
kR^itaM mayA syAttava dIrghabAho . 
kShamasva me taddharivaMsha nAtha 
vrajAmi mUrdhnA tava vIra pAdau .. 24..\\
tathA tu tArA karuNa.n rudantI 
bhartuH samIpe saha vAnarIbhiH . 
vyavasyata prAyamanindyavarNA 
upopaveShTuM bhuvi yatra vAlI .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}