\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 27
sa tadA vAlina.n hatvA sugrIvamabhiShichya cha . 
vasanmAlyavataH pR^iShTe rAmo lakShmaNamabravIt .. 1..\\
aya.n sa kAlaH samprAptaH samayo.adya jalAgamaH . 
sampashya tvaM nabho meghaiH sa.nvR^ita.n girisaMnibhaiH .. 2..\\
nava mAsa dhR^ita.n garbhaM bhAskArasya gabhastibhiH . 
pItvA rasa.n samudrANA.n dyauH prasUte rasAyanam .. 3..\\
shakyamambaramAruhya meghasopAnapa~NktibhiH . 
kuTajArjunamAlAbhirala~Nkartu.n divAkaram .. 4..\\
sandhyArAgotthitaistAmrairanteShvadhikapANDuraiH . 
snigdhairabhrapaTachchhadairbaddhavraNamivAmbaram .. 5..\\
mandamArutaniHshvAsa.n sandhyAchandanara~njitam . 
ApANDujaladaM bhAti kAmAturamivAmbaram .. 6..\\
eShA dharmaparikliShTA navavAripariplutA . 
sIteva shokasantaptA mahI bAShpa.n vimu~nchati .. 7..\\
meghodaravinirmuktAH kahlArasukhashItalAH . 
shakyama~njalibhiH pAtu.n vAtAH ketakigandhinaH .. 8..\\
eSha phullArjunaH shailaH ketakairadhivAsitaH . 
sugrIva iva shAntArirdhArAbhirabhiShichyate .. 9..\\
meghakR^iShNAjinadharA dhArAyaGYopavItinaH . 
mArutApUritaguhAH prAdhItA iva parvatAH .. 10..\\
kashAbhiriva haimIbhirvidyudbhiriva tADitam . 
antaHstanitanirghoSha.n savedanamivAmbaram .. 11..\\
nIlameghAshritA vidyutsphurantI pratibhAti me . 
sphurantI rAvaNasyA~Nke vaidehIva tapasvinI .. 12..\\
imAstA manmathavatA.n hitAH pratihatA dishaH . 
anuliptA iva ghanairnaShTagrahanishAkarAH .. 13..\\
kva chidbAShpAbhisa.nruddhAnvarShAgamasamutsukAn . 
kuTajAnpashya saumitre puShTitAngirisAnuShu . 
mama shokAbhibhUtasya kAmasandIpanAnsthitAn .. 14..\\
rajaH prashAnta.n sahimo.adya vAyur 
nidAghadoShaprasarAH prashAntAH . 
sthitA hi yAtrA vasudhAdhipAnAM 
pravAsino yAnti narAH svadeshAn .. 15..\\
samprasthitA mAnasavAsalubdhAH 
priyAnvitAH samprati chakravAkaH . 
abhIkShNavarShodakavikShateShu 
yAnAni mArgeShu na sampatanti .. 16..\\
kva chitprakAsha.n kva chidaprakAshaM 
nabhaH prakIrNAmbudhara.n vibhAti . 
kva chitkva chitparvatasaMniruddhaM 
rUpa.n yathA shAntamahArNavasya .. 17..\\
vyAmishrita.n sarjakadambapuShpair 
nava.n jalaM parvatadhAtutAmram . 
mayUrakekAbhiranuprayAtaM 
shailApagAH shIghratara.n vahanti .. 18..\\
rasAkula.n ShaTpadasaMnikAshaM 
prabhujyate jambuphalaM prakAmam . 
anekavarNaM pavanAvadhUtaM 
bhUmau patatyAmraphala.n vipakvam .. 19..\\
vidyutpatAkAH sabalAka mAlAH 
shailendrakUTAkR^itisaMnikAshAH . 
garjanti meghAH samudIrNanAdA 
mattagajendrA iva sa.nyugasthaH .. 20..\\
meghAbhikAmI parisampatantI 
saMmoditA bhAti balAkapa~NktiH . 
vAtAvadhUtA varapauNDarIkI 
lambeva mAlA rachitAmbarasya .. 21..\\
nidrA shanaiH keshavamabhyupaiti 
drutaM nadI sAgaramabhyupaiti . 
hR^iShTA balAkA ghanamabhyupaiti 
kAntA sakAmA priyamabhyupaiti .. 22..\\
jAtA vanAntAH shikhisupranR^ittA 
jAtAH kadambAH sakadambashAkhAH . 
jAtA vR^iShA goShu samAnakAmA 
jAtA mahI sasyavanAbhirAmA .. 23..\\
vahanti varShanti nadanti bhAnti 
dhyAyanti nR^ityanti samAshvasanti . 
nadyo ghanA mattagajA vanAntAH 
priyAvinIhAH shikhinaH plava~NgAH .. 24..\\
praharShitAH ketakapuShpagandham 
AghrAya hR^iShTA vananirjhareShu . 
prapAta shabdAkulitA gajendrAH 
sArdhaM mayUraiH samadA nadanti .. 25..\\
dhArAnipAtairabhihanyamAnAH 
kadambashAkhAsu vilambamAnAH . 
kShaNArjitaM puShparasAvagADhaM 
shanairmada.n ShaTcharaNAstyajanti .. 26..\\
a~NgArachUrNotkarasaMnikAshaiH 
phalaiH suparyApta rasaiH samR^iddhaiH . 
jambUdrumANAM pravibhAnti shAkhA 
nilIyamAnA iva ShaTpadaughaiH .. 27..\\
taDitpatAkAbhirala~NkR^itAnAm 
udIrNagambhIramahAravANAm . 
vibhAnti rUpANi balAhakAnAM 
raNodyatAnAmiva vAraNAnAm .. 28..\\
mArgAnugaH shailavanAnusArI 
samprasthito megharavaM nishamya . 
yuddhAbhikAmaH pratinAgasha~NkI 
matto gajendraH pratisaMnivR^ittaH .. 29..\\
muktAsakAsha.n salilaM patadvai 
sunirmalaM patrapuTeShu lagnam . 
hR^iShTA vivarNachchhadanA viha~NgAH 
surendradatta.n tR^iShitAH pibanti .. 30..\\
nIleShu nIlA navavAripUrNA 
megheShu meghAH pravibhAnti saktAH . 
davAgnidagdheShu davAgnidagdhAH 
shaileShu shailA iva baddhamUlAH .. 31..\\
mattA gajendrA muditA gavendrA 
vaneShu vishrAntatarA mR^igendrAH . 
ramyA nagendrA nibhR^itA nagendrAH 
prakrIDito vAridharaiH surendraH .. 32..\\
vR^ittA yAtrA narendrANA.n senA pratinivartate . 
vairANi chaiva mArgAshcha salilena samIkR^itAH .. 33..\\
mAsi prauShThapade brahma brAhmaNAnA.n vivakShatAm . 
ayamadhyAyasamayaH sAmagAnAmupasthitaH .. 34..\\
nivR^ittakarmAyatano nUna.n sa~ncitasa~ncayaH . 
AShADhImabhyupagato bharataH koShakAdhipaH .. 35..\\
nUnamApUryamANAyAH sarayvA vadhate rayaH . 
mA.n samIkShya samAyAntamayodhyAyA iva svanaH .. 36..\\
imAH sphItaguNA varShAH sugrIvaH sukhamashnute . 
vijitAriH sadArashcha rAjye mahati cha sthitaH .. 37..\\
aha.n tu hR^itadArashcha rAjyAchcha mahatashchyutaH . 
nadIkUlamiva klinnamavasIdAmi lakShmaNa .. 38..\\
shokashcha mama vistIrNo varShAshcha bhR^ishadurgamAH . 
rAvaNashcha mahA~nshatrurapAraM pratibhAti me .. 39..\\
ayAtrA.n chaiva dR^iShTvemAM mArgAMshcha bhR^ishadurgamAn . 
praNate chaiva sugrIve na mayA ki.n chidIritam .. 40..\\
api chAtiparikliShTa.n chirAddAraiH samAgatam . 
AtmakAryagarIyastvAdvaktuM nechchhAmi vAnaram .. 41..\\
svayameva hi vishramya GYAtvA kAlamupAgatam . 
upakAra.n cha sugrIvo vetsyate nAtra saMshayaH .. 42..\\
tasmAtkAlapratIkSho.aha.n sthito.asmi shubhalakShaNa . 
sugrIvasya nadInA.n cha prasAdamanupAlayan .. 43..\\
upakAreNa vIro hi pratikAreNa yujyate . 
akR^itaGYo.apratikR^ito hanti sattvavatAM manaH .. 44..\\
athaivamuktaH praNidhAya lakShmaNaH 
kR^itA~njalistatpratipUjya bhAShitam . 
uvAcha rAma.n svabhirAma darshanaM 
pradarshayandarshanamAtmanaH shubham .. 45..\\
yathoktametattava sarvamIpsitaM 
narendra kartA nachirAddharIshvaraH . 
sharatpratIkShaH kShamatAmimaM bhavA~n 
jalaprapAta.n ripunigrahe dhR^itaH .. 46..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}