\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 29
guhAM praviShTe sugrIve vimukte gagane ghanaiH . 
varSharAtroShito rAmaH kAmashokAbhipIDitaH .. 1..\\
pANDura.n gaganaM dR^iShTvA vimalaM chandramaNDalam . 
shAradI.n rajanI.n chaiva dR^iShTvA jyotsnAnulepanAm .. 2..\\
kAmavR^itta.n cha sugrIvaM naShTAM cha janakAtmajAm . 
buddhvA kAlamatIta.n cha mumoha paramAturaH .. 3..\\
sa tu sa.nj~nAmupAgamya muhUrtAnmatimAnpunaH . 
manaHsthAmapi vaidehI.n chintayAmAsa rAghavaH .. 4..\\
AsInaH parvatasyAgre hemadhAtuvibhUShite . 
shArada.n gaganaM dR^iShTva jagAma manasA priyAm .. 5..\\
dR^iShTvA cha vimala.n vyoma gatavidyudbalAhakam . 
sArasAravasa~NghuShTa.n vilalApArtayA girA .. 6..\\
sArasAravasaMnAdaiH sArasAravanAdinI . 
yAshrame ramate bAlA sAdya me ramate katham .. 7..\\
puShpitAMshchAsanAndR^iShTvA kA~nchanAniva nirmalAn . 
katha.n sa ramate bAlA pashyantI mAmapashyatI .. 8..\\
yA purA kalaha.nsAnA.n svareNa kalabhAShiNI . 
budhyate chArusarvA~NgI sAdya me budhyate katham .. 9..\\
niHsvana.n chakravAkAnAM nishamya sahachAriNAm . 
puNDarIkavishAlAkShI kathameShA bhaviShyati .. 10..\\
sarA.nsi sarito vApIH kAnanAni vanAni cha . 
tA.n vinA mR^igashAvAkShI.n charannAdya sukhaM labhe .. 11..\\
api tAM madviyogAchcha saukumAryAchcha bhAminIm . 
na dUraM pIDayetkAmaH sharadguNanirantaraH .. 12..\\
evamAdi narashreShTho vilalApa nR^ipAtmajaH . 
viha~Nga iva sAra~NgaH salila.n tridasheshvarAt .. 13..\\
tatashcha~nchUrya ramyeShu phalArthI girisAnuShu . 
dadarsha paryupAvR^itto lakShmIvA.NllakShmaNo.agrajam .. 14..\\
ta.n chintayA duHsahayA parItaM 
visa.nj~nameka.n vijane manasvI . 
bhrAturviShAdAtparitApadInaH 
samIkShya saumitriruvAcha rAmam .. 15..\\
kimArya kAmasya vasha~Ngatena 
kimAtmapauruShyaparAbhavena . 
aya.n sadA sa.nhR^iiyate samAdhiH 
kimatra yogena nivartitena .. 16..\\
kriyAbhiyogaM manasaH prasAdaM 
samAdhiyogAnugata.n cha kAlam . 
sahAyasAmarthyamadInasattva 
svakarmahetu.n cha kuruShva hetum .. 17..\\
na jAnakI mAnavavaMshanAtha 
tvayA sanAthA sulabhA pareNa . 
na chAgnichUDA.n jvalitAm upetya 
na dahyate vIravarArha kash chit .. 18..\\
salakShmaNa.n lakShmaNamapradhR^iShyaM 
svabhAvaja.n vAkyamuvAcha rAmaH . 
hita.n cha pathyaM cha nayaprasaktaM 
sasAmadharmArthasamAhita.n cha .. 19..\\
niHsaMshaya.n kAryamavekShitavyaM 
kriyAvisheSho hyanuvartitavyaH . 
nanu pravR^ittasya durAsadasya 
kumArakAryasya phalaM na chintyam .. 20..\\
atha padmapalAshAkShIM maithilIm anuchintayan . 
uvAcha lakShmaNa.n rAmo mukhena parishuShyatA .. 21..\\
tarpayitvA sahasrAkShaH salilena vasundharAm . 
nirvartayitvA sasyAni kR^itakarmA vyavasthitaH .. 22..\\
snigdhagambhIranirghoShAH shailadrumapurogamAH . 
visR^ijya salilaM meghAH parishrAntA nR^ipAtmaja .. 23..\\
nIlotpaladalashyAmaH shyAmIkR^itvA disho dasha . 
vimadA iva mAta~NgAH shAntavegAH payodharAH .. 24..\\
jalagarbhA mahAvegAH kuTajArjunagandhinaH . 
charitvA viratAH saumya vR^iShTivAtAH samudyatAH .. 25..\\
ghanAnA.n vAraNAnA.n cha mayUrANAM cha lakShmaNa . 
nAdaH prasravaNAnA.n cha prashAntaH sahasAnagha .. 26..\\
abhivR^iShTA mahAmeghairnirmalAshchitrasAnavaH . 
anuliptA ivAbhAnti girayashchandrarashmibhiH .. 27..\\
darshayanti sharannadyaH pulinAni shanaiH shanaiH . 
navasa~NgamasavrIDA jaghanAnIva yoShitaH .. 28..\\
prasannasalilAH saumya kurarIbhirvinAditAH . 
chakravAkagaNAkIrNA vibhAnti salilAshayAH .. 29..\\
anyonyabaddhavairANA.n jigIShUNAM nR^ipAtmaja . 
udyogasamayaH saumya pArthivAnAmupasthitaH .. 30..\\
iya.n sA prathamA yAtrA pArthivAnAM nR^ipAtmaja . 
na cha pashyAmi sugrIvamudyoga.n vA tathAvidham .. 31..\\
chatvAro vArShikA mAsA gatA varShashatopamAH . 
mama shokAbhitaptasya saumya sItAmapashyataH .. 32..\\
priyAvihIne duHkhArte hR^itarAjye vivAsite . 
kR^ipAM na kurute rAjA sugrIvo mayi lakShmaNa .. 33..\\
anAtho hR^itarAjyo.aya.n rAvaNena cha dharShitaH . 
dIno dUragR^ihaH kAmI mA.n chaiva sharaNaM gataH .. 34..\\
ityetaiH kAraNaiH saumya sugrIvasya durAtmanaH . 
aha.n vAnararAjasya paribhUtaH parantapa .. 35..\\
sa kAlaM parisa~NkhyAya sItAyAH parimArgaNe . 
kR^itArthaH samaya.n kR^itvA durmatirnAvabudhyate .. 36..\\
tvaM pravishya cha kiShkindhAM brUhi vAnarapu~Ngavam . 
mUrkha.n grAmya sukhe sakta.n sugrIvaM vachanAnmama .. 37..\\
arthinAmupapannAnAM pUrva.n chApyupakAriNAm . 
AshA.n saMshrutya yo hanti sa loke puruShAdhamaH .. 38..\\
shubha.n vA yadi vA pApaM yo hi vAkyamudIritam . 
satyena parigR^ihNAti sa vIraH puruShottamaH .. 39..\\
kR^itArthA hyakR^itArthAnAM mitrANAM na bhavanti ye . 
tAnmR^itAnapi kravyAdaH kR^itaghnAnnopabhu~njate .. 40..\\
nUna.n kA~nchanapR^iShThasya vikR^iShTasya mayA raNe . 
draShTumichchhanti chApasya rUpa.n vidyudgaNopamam .. 41..\\
ghora.n jyAtalanirghoShaM kruddhasya mama sa.nyuge . 
nirghoShamiva vajrasya punaH saMshrotumichchhati .. 42..\\
kAmameva.n gate.apyasya pariGYAte parAkrame . 
tvatsahAyasya me vIra na chintA syAnnR^ipAtmaja .. 43..\\
yadarthamayamArambhaH kR^itaH parapura~njaya . 
samayaM nAbhijAnAti kR^itArthaH plavageshvaraH .. 44..\\
varShAsamayakAla.n tu pratiGYAya harIshvaraH . 
vyatItAMshchaturo mAsAnviharannAvabudhyate .. 45..\\
sAmAtyapariShatkrIDanpAnamevopasevate . 
shokadIneShu nAsmAsu sugrIvaH kurute dayAm .. 46..\\
uchyatA.n gachchha sugrIvastvayA vatsa mahAbala . 
mama roShasya yadrUpaM brUyAshchainamida.n vachaH .. 47..\\
na cha sa~NkuchitaH panthA yena vAlI hato gataH . 
samaye tiShTha sugrIvamA vAlipathamanvagAH .. 48..\\
eka eva raNe vAlI shareNa nihato mayA . 
tvA.n tu satyAdatikrAnta.n haniShyAmi sabAndhavam .. 49..\\
tadeva.n vihite kArye yaddhitaM puruSharShabha . 
tattadbrUhi narashreShTha tvara kAlavyatikramaH .. 50..\\
kuruShva satyaM mayi vAnareshvara 
pratishruta.n dharmamavekShya shAshvatam . 
mA vAlinaM pretya gato yamakShayaM 
tvamadya pashyermama choditaiH sharaiH .. 51..\\
sa pUrvaja.n tIvravivR^iddhakopaM 
lAlapyamAnaM prasamIkShya dInam . 
chakAra tIvrAM matimugratejA 
harIshvaramAnavavaMshanAthaH .. 52..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}