\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 30
sa kAmina.n dInamadInasattvaH 
shokAbhipanna.n samudIrNakopam . 
narendrasUnurnaradevaputraM 
rAmAnujaH pUrvajamityuvAcha .. 1..\\
na vAnaraH sthAsyati sAdhuvR^itte 
na ma.nsyate kAryaphalAnuSha~NgAn . 
na bhakShyate vAnararAjyalakShmIM 
tathA hi nAbhikramate.asya buddhiH .. 2..\\
matikShayAdgrAmyasukheShu saktas 
tava prasAdApratikArabuddhiH . 
hato.agrajaM pashyatu vAlina.n sa 
na rAjyameva.n viguNasya deyam .. 3..\\
na dhAraye kopamudIrNavegaM 
nihanmi sugrIvamasatyamadya . 
haripravIraiH saha vAliputro 
narendrapatnyA vichaya.n karotu .. 4..\\
tamAttabANAsanamutpatantaM 
niveditArtha.n raNachaNDakopam . 
uvacha rAmaH paravIrahantA 
svavekShita.n sAnunaya.n cha vAkyam .. 5..\\
na hi vai tvadvidho loke pApameva.n samAcharet . 
pApamAryeNa yo hanti sa vIraH puruShottamaH .. 6..\\
nedamadya tvayA grAhya.n sAdhuvR^ittena lakShmaNa . 
tAM prItimanuvartasva pUrvavR^itta.n cha sa~Ngatam .. 7..\\
sAmopahitayA vAchA rUkShANi parivarjayan . 
vaktumarhasi sugrIva.n vyatIta.n kAlaparyaye .. 8..\\
so.a grajenAnushiShTArtho yathAvatpuruSharShabhaH . 
pravivesha purI.n vIro lakShmaNaH paravIrahA .. 9..\\
tataH shubhamatiH prAGYo bhrAtuH priyahite rataH . 
lakShmaNaH pratisa.nrabdho jagAma bhavana.n kapeH .. 10..\\
shakrabANAsanaprakhya.n dhanuH kAlAntakopamaH . 
pragR^ihya girishR^i~NgAbhaM mandaraH sAnumAniva .. 11..\\
yathoktakArI vachanamuttara.n chaiva sottaram . 
bR^ihaspatisamo buddhyA mattvA rAmAnujastadA .. 12..\\
kAmakrodhasamutthena bhrAtuH kopAgninA vR^itaH . 
prabha~njana ivAprItaH prayayau lakShmaNastadA .. 13..\\
sAlatAlAshvakarNAMshcha tarasA pAtayanbahUn . 
paryasyangirikUTAni drumAnanyAMshcha vegataH .. 14..\\
shilAshcha shakalIkurvanpadbhyA.n gaja ivAshugaH . 
dUramekapada.n tyaktvA yayau kAryavashAddrutam .. 15..\\
tAmapashyadbalAkIrNA.n harirAjamahApurIm . 
durgAmikShvAkushArdUlaH kiShkindhA.n girisa~NkaTe .. 16..\\
roShAtprasphuramANauShThaH sugrIvaM prati kalShmaNaH . 
dadarsha vAnarAnbhImAnkiShkindhAyA bahishcharAn .. 17..\\
shailashR^i~NgANi shatashaH pravR^iddhAMshcha mahIruhAn . 
jagR^ihuH ku~njaraprakhyA vAnarAH parvatAntare .. 18..\\
tAngR^ihItapraharaNAnharIndR^iShTvA tu lakShmaNaH . 
babhUva dviguNa.n kruddho bahvindhana ivAnalaH .. 19..\\
ta.n te bhayaparItA~NgAH kruddhaM dR^iShTvA plava~NgamAH . 
kAlamR^ityuyugAntAbha.n shatasho vidrutA dishaH .. 20..\\
tataH sugrIvabhavanaM pravishya haripu~NgavAH . 
krodhamAgamana.n chaiva lakShmaNasya nyavedayan .. 21..\\
tArayA sahitaH kAmI saktaH kapivR^iSho rahaH . 
na teShA.n kapivIrANA.n shushrAva vachanaM tadA .. 22..\\
tataH sachivasandiShTA harayo romaharShaNAH . 
giriku~njarameghAbhA nagaryA niryayustadA .. 23..\\
nakhadaMShTrAyudhA ghorAH sarve vikR^itadarshanAH . 
sarve shArdUladarpAshcha sarve cha vikR^itAnanAH .. 24..\\
dashanAgabalAH ke chitke chiddashaguNottarAH . 
ke chinnAgasahasrasya babhUvustulyavikramAH .. 25..\\
kR^itsnA.n hi kapibhirvyAptA.n drumahastairmahAbalaiH . 
apashyallakShmaNaH kruddhaH kiShkindhA.n tAM durAsadam .. 26..\\
tataste harayaH sarve prAkAraparikhAntarAt . 
niShkramyodagrasattvAstu tasthurAviShkR^ita.n tadA .. 27..\\
sugrIvasya pramAda.n cha pUrvajaM chArtamAtmavAn . 
buddhvA kopavasha.n vIraH punareva jagAma saH .. 28..\\
sa dIrghoShNamahochchhvAsaH kopasa.nraktalochanaH . 
babhUva narashArdUlasadhUma iva pAvakaH .. 29..\\
bANashalyasphurajjihvaH sAyakAsanabhogavAn . 
svatejoviShasa~NghAtaH pa~nchAsya iva pannagaH .. 30..\\
ta.n dIptamiva kAlAgniM nAgendramiva kopitam . 
samAsAdyA~NgadastrAsAdviShAdamagamadbhR^isham .. 31..\\
so.a~Ngada.n roShatAmrAkShaH sandidesha mahAyashAH . 
sugrIvaH kathyatA.n vatsa mamAgamanamityuta .. 32..\\
eSha rAmAnujaH prAptastvatsakAshamarindamaH . 
bhrAturvyasanasantapto dvAri tiShThati lakShmaNaH .. 33..\\
lakShmaNasya vachaH shrutvA shokAviShTo.a~Ngado.abravIt . 
pituH samIpamAgamya saumitrirayamAgataH .. 34..\\
te mahaughanibha.n dR^iShTvA vajrAshanisamasvanam . 
si.nhanAda.n sama.n chakrurlakShmaNasya samIpataH .. 35..\\
tena shabdena mahatA pratyabudhyata vAnaraH . 
madavihvalatAmrAkSho vyAkulasragvibhUShaNaH .. 36..\\
athA~NgadavachaH shrutvA tenaiva cha samAgatau . 
mantriNo vAnarendrasya saMmatodAradarshinau .. 37..\\
plakShashchaiva prabhAvashcha mantriNAvarthadharmayoH . 
vaktumuchchAvachaM prApta.n lakShmaNa.n tau shasha.nsatuH .. 38..\\
prasAdayitvA sugrIva.n vachanaiH sAmanishchitaiH . 
AsInaM paryupAsInau yathA shakraM marutpatim .. 39..\\
satyasandhau mahAbhAgau bhrAtarau rAmalakShmaNau . 
vayasya bhAva.n samprAptau rAjyArhau rAjyadAyinau .. 40..\\
tayoreko dhanuShpANirdvAri tiShThati lakShmaNaH . 
yasya bhItAH pravepante nAdAnmu~nchanti vAnarAH .. 41..\\
sa eSha rAghavabhrAtA lakShmaNo vAkyasArathiH . 
vyavasAya rathaH prAptastasya rAmasya shAsanAt .. 42..\\
tasya mUrdhnA praNamya tva.n saputraH saha bandhubhiH . 
rAja.nstiShTha svasamaye bhava satyapratishravaH .. 43..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}