\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 32
atha pratisamAdiShTo lakShmaNaH paravIrahA . 
pravivesha guhA.n ghorAM kiShkindhA.n rAmashAsanAt .. 1..\\
dvArasthA harayastatra mahAkAyA mahAbalAH . 
babhUvurlakShmaNa.n dR^iShTvA sarve prA~njalayaH sthitAH .. 2..\\
niHshvasanta.n tu taM dR^iShTvA kruddhaM dasharathAtmajam . 
babhUvurharayastrastA na chainaM paryavArayan .. 3..\\
sa ta.n ratnamayIM shrImAndivyAM puShpitakAnanAm . 
ramyA.n ratnasamAkIrNA.n dadarsha mahatIM guhAm .. 4..\\
harmyaprAsAdasambAdhAM nAnApaNyopashobhitAm . 
sarvakAmaphalairvR^ikShaiH puShpitairupashobhitAm .. 5..\\
devagandharvaputraishcha vAnaraiH kAmarUpibhiH . 
divya mAlyAmbaradhAraiH shobhitAM priyadarshanaiH .. 6..\\
chandanAgarupadmAnA.n gandhaiH surabhigandhinAm . 
maireyANAM madhUnA.n cha saMmoditamahApathAm .. 7..\\
vindhyamerugiriprasthaiH prAsAdairnaikabhUmibhiH . 
dadarsha girinadyashcha vimalAstatra rAghavaH .. 8..\\
a~Ngadasya gR^iha.n ramyaM maindasya dvividasya cha . 
gavayasya gavAkShasya gajasya sharabhasya cha .. 9..\\
vidyunmAleshcha sampAteH sUryAkShasya hanUmataH . 
vIrabAhoH subAhoshcha nalasya cha mahAtmanaH .. 10..\\
kumudasya suSheNasya tArajAmbavatostathA . 
dadhivaktrasya nIlasya supATalasunetrayoH .. 11..\\
eteShA.n kapimukhyAnA.n rAjamArge mahAtmanAm . 
dadarsha gR^ihamukhyAni mahAsArANi lakShmaNaH .. 12..\\
pANDurAbhraprakAshAni divyamAlyayutAni cha . 
prabhUtadhanadhAnyAni strIratnaiH shobhitAni cha .. 13..\\
pANDureNa tu shailena parikShipta.n durAsadam . 
vAnarendragR^iha.n ramyaM mahendrasadanopamam .. 14..\\
shulkaiH prAsAdashikharaiH kailAsashikharopamaiH . 
sarvakAmaphalairvR^ikShaiH puShTitairupashobhitam .. 15..\\
mahendradattaiH shrImadbhirnIlajImUtasaMnibhaiH . 
divyapuShpaphalairvR^ikShaiH shItachchhAyairmanoramaiH .. 16..\\
haribhiH sa.nvR^itadvAraM balibhiH shastrapANibhiH . 
divyamAlyAvR^ita.n shubhra.n taptakA~nchanatoraNam .. 17..\\
sugrIvasya gR^iha.n ramyaM pravivesha mahAbalaH . 
avAryamANaH saumitrirmahAbhramiva bhAskaraH .. 18..\\
sa sapta kakShyA dharmAtmA yAnAsanasamAvR^itAH . 
pravishya sumahadgupta.n dadarshAntaHpuraM mahat .. 19..\\
haimarAjataparya~Nkairbahubhishcha varAsanaiH . 
mahArhAstaraNopetaistatra tatropashobhitam .. 20..\\
pravishanneva satata.n shushrAva madhurasvaram . 
tantrIgItasamAkIrNa.n samagItapadAkSharam .. 21..\\
bahvIshcha vividhAkArA rUpayauvanagarvitAH . 
striyaH sugrIvabhavane dadarsha sa mahAbalaH .. 22..\\
dR^iShTvAbhijanasampannAshchitramAlyakR^itasrajaH . 
varamAlyakR^itavyagrA bhUShaNottamabhUShitAH .. 23..\\
nAtR^iptAnnAti cha vyagrAnnAnudAttaparichchhadAn . 
sugrIvAnucharAMshchApi lakShayAmAsa lakShmaNaH .. 24..\\
tataH sugrIvamAsIna.n kA~nchane paramAsane . 
mahArhAstaraNopete dadarshAdityasaMnibham .. 25..\\
divyAbharaNachitrA~Nga.n divyarUpa.n yashasvinam . 
divyamAlyAmbaradharaM mahendramiva durjayam . 
divyAbharaNamAlyAbhiH pramadAbhiH samAvR^itam .. 26..\\
rumA.n tu vIraH parirabhya gADhaM 
varAsanastho varahemavarNaH . 
dadarsha saumitrimadInasattvaM 
vishAlanetraH suvishAlanetram .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}