\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 33
tamapratihata.n kruddhaM praviShTaM puruSharShabham . 
sugrIvo lakShmaNa.n dR^iShTvA babhUva vyathitendriyaH .. 1..\\
kruddhaM niHshvasamAna.n taM pradIptamiva tejasA . 
bhrAturvyasanasantapta.n dR^iShTvA dasharathAtmajam .. 2..\\
utpapAta harishreShTho hitvA sauvarNamAsanam . 
mahAnmahendrasya yathA svala~NkR^ita iva dhvajaH .. 3..\\
utpatantamanUtpetU rumAprabhR^itayaH striyaH . 
sugrIva.n gagane pUrNaM chandraM tArAgaNA iva .. 4..\\
sa.nraktanayanaH shrImAnvichachAla kR^itA~njaliH . 
babhUvAvasthitastatra kalpavR^ikSho mahAniva .. 5..\\
rumA dvitIya.n sugrIvaM nArImadhyagataM sthitam . 
abravIllakShmaNaH kruddhaH satAra.n shashinaM yathA .. 6..\\
sattvAbhijanasampannaH sAnukrosho jitendriyaH . 
kR^itaGYaH satyavAdI cha rAjA loke mahIyate .. 7..\\
yastu rAjA sthito.adharme mitrANAmupakAriNAm . 
mithyApratiGYA.n kurute ko nR^isha.nsatarastataH .. 8..\\
shatamashvAnR^ite hanti sahasra.n tu gavAnR^ite . 
AtmAna.n svajanaM hanti puruShaH puruShAnR^ite .. 9..\\
pUrva.n kR^itArtho mitrANAM na tatpratikaroti yaH . 
kR^itaghnaH sarvabhUtAnA.n sa vadhyaH plavageshvara .. 10..\\
gIto.ayaM brahmaNA shlokaH sarvalokanamaskR^itaH . 
dR^iShTvA kR^itaghna.n kruddhena taM nibodha plava~Ngama .. 11..\\
brahmaghne cha surApe cha chore bhagnavrate tathA . 
niShkR^itirvihitA sadbhiH kR^itaghne nAsti niShkR^itiH .. 12..\\
anAryastva.n kR^itaghnashcha mithyAvAdI cha vAnara . 
pUrva.n kR^itArtho rAmasya na tatpratikaroShi yat .. 13..\\
nanu nAma kR^itArthena tvayA rAmasya vAnara . 
sItAyA mArgaNe yatnaH kartavyaH kR^itamichchhatA .. 14..\\
sa tva.n grAmyeShu bhogeShu sakto mithyA pratishravaH . 
na tvA.n rAmo vijAnIte sarpaM maNDUkarAviNam .. 15..\\
mahAbhAgena rAmeNa pApaH karuNavedinA . 
harINAM prApito rAjya.n tvaM durAtmA mahAtmanA .. 16..\\
kR^ita.n chennAbhijAnIShe rAmasyAkliShTakarmaNaH . 
sadyastvaM nishitairbANairhato drakShyasi vAlinam .. 17..\\
na cha sa~NkuchitaH panthA yena vAlI hato gataH . 
samaye tiShTha sugrIva mA vAlipathamanvagAH .. 18..\\
na nUnamikShvAkuvarasya kArmukAch 
chyutA~nsharAnpashyasi vajrasaMnibhAn . 
tataH sukhaM nAma niShevase sukhI 
na rAmakAryaM manasApyavekShase .. 19..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}