\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 36
evamuktastu sugrIvo lakShmaNena mahAtmanA . 
hanumanta.n sthitaM pArshve sachivaM vAkyamabravIt .. 1..\\
mahendrahimavadvindhyakailAsashikhareShu cha . 
mandare pANDushikhare pa~nchashaileShu ye sthitAH .. 2..\\
taruNAdityavarNeShu bhrAjamAneShu sarvashaH . 
parvateShu samudrAnte pashchimasyA.n tu ye dishi .. 3..\\
Adityabhavane chaiva girau sandhyAbhrasaMnibhe . 
padmatAlavanaM bhIma.n saMshritA haripu~NgavAH .. 4..\\
a~njanAmbudasa~NkAshAH ku~njarapratimaujasaH . 
a~njane parate chaiva ye vasanti plava~NgamAH .. 5..\\
manaHshilA guhAvAsA vAnarAH kanakaprabhAH . 
merupArshvagatAshchaiva ye cha dhUmragiri.n shritAH .. 6..\\
taruNAdityavarNAshcha parvate ye mahAruNe . 
pibanto madhumaireyaM bhImavegAH plava~NgamAH .. 7..\\
vaneShu cha suramyeShu sugandhiShu mahatsu cha . 
tApasAnA.n cha ramyeShu vanAnteShu samantataH .. 8..\\
tA.nstA.nstvamAnaya kShipraM pR^ithivyA.n sarvavAnarAn . 
sAmadAnAdibhiH kalpairAshu preShaya vAnarAn .. 9..\\
preShitAH prathama.n ye cha mayA dUtA mahAjavAH . 
tvaraNArtha.n tu bhUyastva.n harInsampreShayAparAn .. 10..\\
ye prasaktAshcha kAmeShu dIrghasUtrAshcha vAnarAH . 
ihAnayasva tAnsarvA~nshIghra.n tu mama shAsanAt .. 11..\\
ahobhirdashabhirye cha nAgachchhanti mamAGYayA . 
hantavyAste durAtmAno rAjashAsanadUShakAH .. 12..\\
shatAnyatha sahasrANi koTyashcha mama shAsanAt . 
prayAntu kapisi.nhAnA.n disho mama mate sthitAH .. 13..\\
meghaparvatasa~NkAshAshchhAdayanta ivAmbaram . 
ghorarUpAH kapishreShThA yAntu machchhAsanAditaH .. 14..\\
te gatiGYA gati.n gatvA pR^ithivyA.n sarvavAnarAH . 
Anayantu harInsarvA.nstvaritAH shAsanAnmama .. 15..\\
tasya vAnararAjasya shrutvA vAyusuto vachaH . 
dikShu sarvAsu vikrAntAnpreShayAmAsa vAnarAn .. 16..\\
te pada.n viShNuvikrAntaM patatrijyotiradhvagAH . 
prayAtAH prahitA rAGYA harayastatkShaNena vai .. 17..\\
te samudreShu giriShu vaneShu cha saritsu cha . 
vAnarA vAnarAnsarvAnrAmahetorachodayan .. 18..\\
mR^ityukAlopamasyAGYA.n rAjarAjasya vAnarAH . 
sugrIvasyAyayuH shrutvA sugrIvabhayadarshinaH .. 19..\\
tataste.a~njanasa~NkAshA girestasmAnmahAjavAH . 
tisraH koTyaH plava~NgAnAM niryayuryatra rAghavaH .. 20..\\
asta.n gachchhati yatrArkastasmingirivare ratAH . 
taptahemasamAbhAsAstasmAtkoTyo dashachyutAH .. 21..\\
kailAsa shikharebhyashcha si.nhakesaravarchasAm . 
tataH koTisahasrANi vAnarANAmupAgaman .. 22..\\
phalamUlena jIvanto himavantamupAshritAH . 
teShA.n koTisahasrANA.n sahasraM samavartata .. 23..\\
a~NgAraka samAnAnAM bhImAnAM bhImakarmaNAm . 
vindhyAdvAnarakoTInA.n sahasrANyapatandrutam .. 24..\\
kShIrodavelAnilayAstamAlavanavAsinaH . 
nArikelAshanAshchaiva teShA.n sa~NkhyA na vidyate .. 25..\\
vanebhyo gahvarebhyashcha saridbhyashcha mahAjavAH . 
AgachchhadvAnarI senA pibantIva divAkaram .. 26..\\
ye tu tvarayitu.n yAtA vAnarAH sarvavAnarAn . 
te vIrA himavachchhaila.n dadR^ishustaM mahAdrumam .. 27..\\
tasmingirivare ramye yaGYo maheshvaraH purA . 
sarvadevamanastoSho babhau divyo manoharaH .. 28..\\
annaviShyandajAtAni mUlAni cha phalAni cha . 
amR^itasvAdukalpAni dadR^ishustatra vAnarAH .. 29..\\
tadanna sambhava.n divyaM phalaM mUlaM manoharam . 
yaH kashchitsakR^idashnAti mAsaM bhavati tarpitaH .. 30..\\
tAni mUlAni divyAni phalAni cha phalAshanAH . 
auShadhAni cha divyAni jagR^ihurhariyUthapAH .. 31..\\
tasmAchcha yaGYAyatanAtpuShpANi surabhINi cha . 
AninyurvAnarA gatvA sugrIvapriyakAraNAt .. 32..\\
te tu sarve harivarAH pR^ithivyA.n sarvavAnarAn . 
sa~ncodayitvA tvarita.n yUthAnA.n jagmuragrataH .. 33..\\
te tu tena muhUrtena yUthapAH shIghrakAriNaH . 
kiShkindhA.n tvarayA prAptAH sugrIvo yatra vAnaraH .. 34..\\
te gR^ihItvauShadhIH sarvAH phalaM mUla.n cha vAnarAH . 
taM pratigrAhayAmAsurvachana.n chedamabruvan .. 35..\\
sarve parigatAH shailAH samudrAshcha vanAni cha . 
pR^ithivyA.n vAnarAH sarve shAsanAdupayAnti te .. 36..\\
eva.n shrutvA tato hR^iShTaH sugrIvaH plavagAdhipaH . 
pratijagrAha cha prItasteShA.n sarvamupAyanam .. 37..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}