\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 37
pratigR^ihya cha tatsarvamupAnayamupAhR^itam . 
vAnarAnsAntvayitvA cha sarvAneva vyasarjayat .. 1..\\
visarjayitvA sa harI~nshUrA.nstAnkR^itakarmaNaH . 
mene kR^itArthamAtmAna.n rAghava.n cha mahAbalam .. 2..\\
sa lakShmaNo bhImabala.n sarvavAnarasattamam . 
abravItprashrita.n vAkyaM sugrIvaM sampraharShayan . 
kiShkindhAyA viniShkrAma yadi te saumya rochate .. 3..\\
tasya tadvachana.n shrutvA lakShmaNasya subhAShitam . 
sugrIvaH paramaprIto vAkyametaduvAcha ha .. 4..\\
evaM bhavatu gachchhAmaH stheya.n tvachchhAsane mayA . 
tamevamuktvA sugrIvo lakShmaNa.n shubhalakShmaNam .. 5..\\
visarjayAmAsa tadA tArAmanyAshcha yoShitaH . 
etetyuchchairharivarAnsugrIvaH samudAharat .. 6..\\
tasya tadvachana.n shrutvA harayaH shIghramAyayuH . 
baddhA~njalipuTAH sarve ye syuH strIdarshanakShamAH .. 7..\\
tAnuvAcha tataH prAptAnrAjArkasadR^ishaprabhaH . 
upasthApayata kShipra.n shibikAM mama vAnarAH .. 8..\\
shrutvA tu vachana.n tasya harayaH shIghravikramAH . 
samupasthApayAmAsuH shibikAM priyadarshanAm .. 9..\\
tAmupasthApitA.n dR^iShTvA shibikA.n vAnarAdhipaH . 
lakShmaNAruhyatA.n shIghramiti saumitrimabravIt .. 10..\\
ityuktvA kA~nchana.n yAnaM sugrIvaH sUryasaMnibham . 
bR^ihadbhirharibhiryuktamAruroha salakShmaNaH .. 11..\\
pANDureNAtapatreNa dhriyamANena mUrdhani . 
shuklaishcha bAlavyajanairdhUyamAnaiH samantataH .. 12..\\
sha~NkhabherIninAdaishcha bandibhishchAbhivanditaH . 
niryayau prApya sugrIvo rAjyashriyamanuttamAm .. 13..\\
sa vAnarashataistIShkNairbahubhiH shastrapANibhiH . 
parikIrNo yayau tatra yatra rAmo vyavasthitaH .. 14..\\
sa ta.n deshamanuprApya shreShTha.n rAmaniShevitam . 
avAtaranmahAtejAH shibikAyAH salakShmaNaH .. 15..\\
AsAdya cha tato rAma.n kR^itA~njalipuTo.abhavat . 
kR^itA~njalau sthite tasminvAnarAshchabhava.nstathA .. 16..\\
taTAkamiva taddR^iShTvA rAmaH kuDmalapa~Nkajam . 
vAnarANAM mahatsainya.n sugrIve prItimAnabhUt .. 17..\\
pAdayoH patitaM mUrdhnA tamutthApya harIshvaram . 
preMNA cha bahumAnAchcha rAghavaH pariShasvaje .. 18..\\
pariShvajya cha dharmAtmA niShIdeti tato.abravIt . 
taM niShaNNa.n tato dR^iShTvA kShitau rAmo.abravIdvachaH .. 19..\\
dharmamartha.n cha kAmaM cha kAle yastu niShevate . 
vibhajya satata.n vIra sa rAjA harisattama .. 20..\\
hitvA dharma.n tathArthaM cha kAma.n yastu niShevate . 
sa vR^ikShAgre yathA suptaH patitaH pratibudhyate .. 21..\\
amitrANA.n vadhe yukto mitrANAM sa~Ngrahe rataH . 
trivargaphalabhoktA tu rAjA dharmeNa yujyate .. 22..\\
udyogasamayastveSha prAptaH shatruvinAshana . 
sa~ncintyatA.n hi pi~Ngesha haribhiH saha mantribhiH .. 23..\\
evamuktastu sugrIvo rAma.n vachanamabravIt .. 24..\\
pranaShTA shrIshcha kIrtishcha kapirAjya.n cha shAshvatam . 
tvatprasAdAnmahAbAho punaH prAptamidaM mayA .. 25..\\
tava devaprasadAchcha bhrAtushcha jayatA.n vara . 
kR^itaM na pratikuryAdyaH puruShANA.n sa dUShakaH .. 26..\\
ete vAnaramukhyAshcha shatashaH shatrusUdana . 
prAptAshchAdAya balinaH pR^ithivyA.n sarvavAnarAn .. 27..\\
R^ikShAshchAvahitAH shUrA golA~NgUlAshcha rAghava . 
kAntAra vanadurgANAmabhiGYA ghoradarshanAH .. 28..\\
devagandharvaputrAshcha vAnarAH kAmarUpiNaH . 
svaiH svaiH parivR^itAH sainyairvartante pathi rAghava .. 29..\\
shataiH shatasahasraishcha koTibhishcha plava~NgamAH . 
ayutaishchAvR^itA vIrA sha~Nkubhishcha parantapa .. 30..\\
arbudairarbudashatairmadhyaishchAntaishcha vAnarAH . 
samudraishcha parArdhaishcha harayo hariyUthapAH .. 31..\\
AgamiShyanti te rAjanmahendrasamavikramAH . 
merumandarasa~NkAshA vindhyamerukR^itAlayAH .. 32..\\
te tvAmabhigamiShyanti rAkShasa.n ye sabAndhavam . 
nihatya rAvaNa.n sa~Nkhye hyAnayiShyanti maithilIm .. 33..\\
tatastamudyogamavekShya buddhimAn 
haripravIrasya nideshavartinaH . 
babhUva harShAdvasudhAdhipAtmajaH 
prabuddhanIlotpalatulyadarshanaH .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}