\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 4
tataH prahR^iShTo hanumAnkR^ityavAniti tadvachaH . 
shrutvA madhurasambhASha.n sugrIvaM manasA gataH .. 1..\\
bhavyo rAjyAgamastasya sugrIvasya mahAtmanaH . 
yadaya.n kR^ityavAnprAptaH kR^ityaM chaitadupAgatam .. 2..\\
tataH paramasa.nhR^iShTo hanUmAnplavagarShabhaH . 
pratyuvAcha tato vAkya.n rAmaM vAkyavishAradaH .. 3..\\
kimartha.n tva.n vanaM ghoraM pampAkAnanamaNDitam . 
AgataH sAnujo durgaM nAnAvyAlamR^igAyutam .. 4..\\
tasya tadvachana.n shrutvA lakShmaNo rAmachoditaH . 
AchachakShe mahAtmAna.n rAma.n dasharathAtmajam .. 5..\\
rAjA dasharatho nAma dyutimAndharmavatsalaH . 
tasyAyaM pUrvajaH putro rAmo nAma janaiH shrutaH .. 6..\\
sharaNyaH sarvabhUtAnAM piturnirdeshapAragaH . 
vIro dasharathasyAyaM putrANA.n guNavattaraH .. 7..\\
rAjyAdbhraShTo vane vastuM mayA sArdhamihAgataH . 
bhAryayA cha mahAtejAH sItayAnugato vashI . 
dinakShaye mahAtejAH prabhayeva divAkaraH .. 8..\\
ahamasyAvaro bhrAtA guNairdAsyamupAgataH . 
kR^itaGYasya bahuGYasya lakShmaNo nAma nAmataH .. 9..\\
sukhArhasya mahArhasya sarvabhUtahitAtmanaH . 
aishvaryeNa vihInasya vanavAsAshritasya cha .. 10..\\
rakShasApahR^itA bhAryA rahite kAmarUpiNA . 
tachcha na GYAyate rakShaH patnI yenAsya sA hR^itA .. 11..\\
danurnAma shriyaH putraH shApAdrAkShasatA.n gataH . 
AkhyAtastena sugrIvaH samartho vAnarAdhipaH .. 12..\\
sa GYAsyati mahAvIryastava bhAryApahAriNam . 
evamuktvA danuH svargaM bhrAjamAno gataH sukham .. 13..\\
etatte sarvamAkhyAta.n yAthAtathyena pR^ichchhataH . 
aha.n chaiva hi rAmashcha sugrIva.n sharaNaM gatau .. 14..\\
eSha dattvA cha vittAni prApya chAnuttama.n yashaH . 
lokanAthaH purA bhUtvA sugrIvaM nAthamichchhati .. 15..\\
shokAbhibhUte rAme tu shokArte sharaNa.n gate . 
kartumarhati sugrIvaH prasAda.n saha yUthapaiH .. 16..\\
evaM bruvANa.n saumitri.n karuNaM sAshrupAtanam . 
hanUmAnpratyuvAcheda.n vAkyaM vAkyavishAradaH .. 17..\\
IdR^ishA buddhisampannA jitakrodhA jitendriyAH . 
draShTavyA vAnarendreNa diShTyA darshanamAgatAH .. 18..\\
sa hi rAjyAchcha vibhraShTaH kR^itavairashcha vAlinA . 
hR^itadAro vane trasto bhrAtrA vinikR^ito bhR^isham .. 19..\\
kariShyati sa sAhAyya.n yuvayorbhAskarAtmajaH . 
sugrIvaH saha chAsmAbhiH sItAyAH parimArgaNe .. 20..\\
ityevamuktvA hanumA~nshlakShNaM madhurayA girA . 
babhAShe so.abhigachchhAmaH sugrIvamiti rAghavam .. 21..\\
evaM bruvANa.n dharmAtmA hanUmanta.n sa lakShmaNaH . 
pratipUjya yathAnyAyamidaM provAcha rAghavam .. 22..\\
kapiH kathayate hR^iShTo yathAyaM mArutAtmajaH . 
kR^ityavAnso.api samprAptaH kR^itakR^ityo.asi rAghava .. 23..\\
prasannamukhavarNashcha vyakta.n hR^iShTashcha bhAShate . 
nAnR^ita.n vakShyate vIro hanUmAnmArutAtmajaH .. 24..\\
tataH sa tu mahAprAGYo hanUmAnmArutAtmajaH . 
jagAmAdAya tau vIrau harirAjAya rAghavau .. 25..\\
sa tu vipula yashAH kapipravIraH 
pavanasutaH kR^itakR^ityavatprahR^iShTaH . 
girivaramuruvikramaH prayAtaH 
sa shubhamatiH saha rAmalakShmaNAbhyAm .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}