\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 41
tataH prasthApya sugrIvastAnharIndakShiNA.n disham . 
buddhivikramasampannAnvAyuvegasamA~njave .. 1..\\
athAhUya mahAtejAH suSheNaM nAma yUthapam . 
tArAyAH pitara.n rAjA shvashurabhImavikramam .. 2..\\
abravItprA~njalirvAkyamabhigamya praNamya cha . 
sAhAyya.n kuru rAmasya kR^itye.asminsamupasthite .. 3..\\
vR^itaH shatasahasreNa vAnarANA.n tarasvinAm . 
abhigachchha disha.n saumya pashchimAM vAruNIM prabho .. 4..\\
surAShTrAnsaha bAhlIkA~nshUrAbhIrA.nstathaiva cha . 
sphItA~njanapadAnramyAnvipulAni purANi cha .. 5..\\
puMnAgagahana.n kukShiM bahuloddAlakAkulam . 
tathA ketakaShaNDAMshcha mArgadhva.n hariyUthapAH .. 6..\\
pratyaksrotogamAshchaiva nadyaH shItajalAH shivAH . 
tApasAnAmaraNyAni kAntArA girayash cha ye .. 7..\\
girijAlAvR^itA.n durgAM mArgitvA pashchimAM disham . 
tataH pashchimamAsAdya samudra.n draShTumarhatha . 
timi nakrAyuta jalamakShobhyamatha vAnaraH .. 8..\\
tataH ketakaShaNDeShu tamAlagahaneShu cha . 
kapayo vihariShyanti nArikelavaneShu cha .. 9..\\
tatra sItA.n cha mArgadhvaM nilaya.n rAvaNasya cha . 
marIchipattana.n chaiva ramyaM chaiva jaTIpuram .. 10..\\
avantIma~NgalopA.n cha tathA chAlakShita.n vanam . 
rAShTrANi cha vishAlAni pattanAni tatastataH .. 11..\\
sindhusAgarayoshchaiva sa~Ngame tatra parvataH . 
mahAnhemagirirnAma shatashR^i~Ngo mahAdrumaH .. 12..\\
tasya prastheShu ramyeShu si.nhAH pakShagamAH sthitAH . 
timimatsyagajAMshchaiva nIDAnyAropayanti te .. 13..\\
tAni nIDAni si.nhAnA.n girishR^i~NgagatAsh cha ye . 
dR^iptAstR^iptAshcha mAta~NgAstoyadasvananiHsvanAH . 
vicharanti vishAle.asmi.nstoyapUrNe samantataH .. 14..\\
tasya shR^i~Nga.n divasparshaM kA~nchanaM chitrapAdapam . 
sarvamAshu vichetavya.n kapibhiH kAmarUpibhiH .. 15..\\
koTi.n tatra samudre tu kA~nchanI.n shatayojanam . 
durdarshAM pariyAtrasya gatA drakShyatha vAnarAH .. 16..\\
koTyastatra chaturviMshadgandharvANA.n tarasvinAm . 
vasantyagninikAshAnA.n ghorANAM kAmarUpiNAm .. 17..\\
nAtyAsAdayitavyAste vAnarairbhImavikramaiH . 
nAdeya.n cha phalaM tasmAddeshAtkiM chitplava~NgamaiH .. 18..\\
durAsadA hi te vIrAH sattvavanto mahAbalAH . 
phalamUlAni te tatra rakShante bhImavikramAH .. 19..\\
tatra yatnashcha kartavyo mArgitavyA cha jAnakI . 
na hi tebhyo bhaya.n kiM chitkapitvamanuvartatAm .. 20..\\
chaturbhAge samudrasya chakravAnnAma parvataH . 
tatra chakra.n sahasrAraM nirmitaM vishvakarmaNA .. 21..\\
tatra pa~nchajana.n hatvA hayagrIva.n cha dAnavam . 
AjahAra tatashchakra.n sha~Nkha.n cha puruShottamaH .. 22..\\
tasya sAnuShu chitreShu vishAlAsu guhAsu cha . 
rAvaNaH saha vaidehyA mArgitavyastatastataH .. 23..\\
yojanAni chatuHShaShTirvarAho nAma parvataH . 
suvarNashR^i~NgaH sushrImAnagAdhe varuNAlaye .. 24..\\
tatra prAgjyotiShaM nAma jAtarUpamayaM puram . 
yasminvasti duShTAtmA narako nAma guhAsu cha .. 25..\\
tasya sAnuShu chitreShu vishAlAsu guhAsu cha . 
rAvaNaH saha vaidehyA mArgitavyastatastataH .. 26..\\
tamatikramya shailendra.n kA~nchanAntaranirdaraH . 
parvataH sarvasauvarNo dhArA prasravaNAyutaH .. 27..\\
ta.n gajAshcha varAhAshcha si.nhA vyAghrAshcha sarvataH . 
abhigarjanti satata.n tena shabdena darpitAH .. 28..\\
tasminharihayaH shrImAnmahendraH pAkashAsanaH . 
abhiShiktaH surai rAjA meghavAnnAma parvataH .. 29..\\
tamatikramya shailendraM mahendraparipAlitam . 
ShaShTi.n girisahasrANi kA~nchanAni gamiShyatha .. 30..\\
taruNAdityavarNAni bhrAjamAnAni sarvataH . 
jAtarUpamayairvR^ikShaiH shobhitAni supuShpitaiH .. 31..\\
teShAM madhye sthito rAjA meruruttamaparvataH . 
Adityena prasannena shailo dattavaraH purA .. 32..\\
tenaivamuktaH shailendraH sarva eva tvadAshrayAH . 
matprasAdAdbhaviShyanti divArAtrau cha kA~nchanAH .. 33..\\
tvayi ye chApi vatsyanti devagandharvadAnavAH . 
te bhaviShyanti raktAshcha prabhayA kA~nchanaprabhAH .. 34..\\
AdityA vasavo rudrA marutashcha divaukasaH . 
Agamya pashchimA.n sandhyAM merumuttamaparvatam .. 35..\\
AdityamupatiShThanti taishcha sUryo.abhipUjitaH . 
adR^ishyaH sarvabhUtAnAmasta.n gachchhati parvatam .. 36..\\
yojanAnA.n sahasrANi dashatAni divAkaraH . 
muhUrtArdhena ta.n shIghramabhiyAti shilochchayam .. 37..\\
shR^i~Nge tasya mahaddivyaM bhavana.n sUryasaMnibham . 
prAsAdaguNasambAdha.n vihitaM vishvakarmaNA .. 38..\\
shobhita.n tarubhishchitrairnAnApakShisamAkulaiH . 
niketaM pAshahastasya varuNasya mahAtmanaH .. 39..\\
antarA merumasta.n cha tAlo dashashirA mahAn . 
jAtarUpamayaH shrImAnbhrAjate chitravedikaH .. 40..\\
teShu sarveShu durgeShu saraHsu cha saritsu cha . 
rAvaNaH saha vaidehyA mArgitavyastatastataH .. 41..\\
yatra tiShThati dharmAtmA tapasA svena bhAvitaH . 
merusAvarNirityeva khyAto vai brahmaNA samaH .. 42..\\
praShTavyo merusAvarNirmaharShiH sUryasaMnibhaH . 
praNamya shirasA bhUmau pravR^ittiM maithilIM prati .. 43..\\
etAvajjIvalokasya bhAskaro rajanIkShaye . 
kR^itvA vitimira.n sarvamasta.n gachchhati parvatam .. 44..\\
etAvadvAnaraiH shakya.n gantu.n vAnarapu~NgavAH . 
abhAskaramamaryAdaM na jAnImastataH param .. 45..\\
adhigamya tu vaidehIM nilaya.n rAvaNasya cha . 
astaM parvatamAsAdya pUrNe mAse nivartata .. 46..\\
UrdhvaM mAsAnna vastavya.n vasanvadhyo bhavenmama . 
sahaiva shUro yuShmAbhiH shvashuro me gamiShyati .. 47..\\
shrotavya.n sarvametasya bhavadbhirdiShTa kAribhiH . 
gurureSha mahAbAhuH shvashuro me mahAbalaH .. 48..\\
bhavantashchApi vikrAntAH pramANa.n sarvakarmasu . 
pramANamena.n sa.nsthApya pashyadhvaM pashchimA.n disham .. 49..\\
dR^iShTAyA.n tu narendrasyA patnyAmamitatejasaH . 
kR^itakR^ityA bhaviShyAmaH kR^itasya pratikarmaNA .. 50..\\
ato.anyadapi yatki.n chitkAryasyAsya hitaM bhavet . 
sampradhArya bhavadbhishcha deshakAlArthasa.nhitam .. 51..\\
tataH suSheNa pramukhAH plava~NgamAH 
sugrIvavAkyaM nipuNaM nishamya . 
Amantrya sarve plavagAdhipa.n te 
jagmurdisha.n tA.n varuNAbhiguptAm .. 52..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}