\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 43
visheSheNa tu sugrIvo hanumatyarthamuktavAn . 
sa hi tasminharishreShThe nishchitArtho.arthasAdhane .. 1..\\
na bhUmau nAntarikShe vA nAmbare nAmarAlaye . 
nApsu vA gatisa~Nga.n te pashyAmi haripu~Ngava .. 2..\\
sAsurAH sahagandharvAH sanAganaradevatAH . 
viditAH sarvalokAste sasAgaradharAdharAH .. 3..\\
gatirvegashcha tejashcha lAghava.n cha mahAkape . 
pituste sadR^isha.n vIra mArutasya mahaujasaH .. 4..\\
tejasA vApi te bhUta.n samaM bhuvi na vidyate . 
tadyathA labhyate sItA tattvamevopapAdaya .. 5..\\
tvayyeva hanumannasti balaM buddhiH parAkramaH . 
deshakAlAnuvR^ittashcha nayashcha nayapaNDita .. 6..\\
tataH kAryasamAsa~Ngamavagamya hanUmati . 
viditvA hanumanta.n cha chintayAmAsa rAghavaH .. 7..\\
sarvathA nishchitArtho.aya.n hanUmati harIshvaraH . 
nishchitArthatarashchApi hanUmAnkAryasAdhane .. 8..\\
tadevaM prasthitasyAsya pariGYAtasya karmabhiH . 
bhartrA parigR^ihItasya dhruvaH kAryaphalodayaH .. 9..\\
ta.n samIkShya mahAtejA vyavasAyottaraM harim . 
kR^itArtha iva sa.nvR^ittaH prahR^iShTendriyamAnasaH .. 10..\\
dadau tasya tataH prItaH svanAmA~Nkopashobhitam . 
a~NgulIyamabhiGYAna.n rAjaputryAH parantapaH .. 11..\\
anena tvA.n harishreShTha chihnena janakAtmajA . 
matsakAshAdanuprAptamanudvignAnupashyati .. 12..\\
vyavasAyashcha te vIra sattvayuktashcha vikramaH . 
sugrIvasya cha sandeshaH siddhi.n kathayatIva me .. 13..\\
sa tadgR^ihya harishreShThaH sthApya mUrdhni kR^itA~njaliH . 
vanditvA charaNau chaiva prasthitaH plavagottamaH .. 14..\\
sa tatprakarShanhariNAM balaM mahad 
babhUva vIraH pavanAtmajaH kapi . 
gatAmbude vyomni vishuddhamaNDalaH 
shashIva nakShatragaNopashobhitaH .. 15..\\
atibalabalamAshritastavAhaM 
harivaravikramavikramairanalpaiH . 
pavanasuta yathAbhigamyate sA 
janakasutA hanuma.nstathA kuruShva .. 16..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}