\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 47
sahatArA~NgadAbhyA.n tu gatvA sa hanumAnkapiH . 
sugrIveNa yathoddiShTa.n taM deshamupachakrame .. 1..\\
sa tu dUramupAgamya sarvaistaiH kapisattamaiH . 
vichinoti sma vindhyasya guhAshcha gahanAni cha .. 2..\\
parvatAgrAnnadIdurgAnsarA.nsi vipulAndrumAn . 
vR^ikShaShaNDAMshcha vividhAnparvatAnghanapAdapAn .. 3..\\
anveShamANAste sarve vAnarAH sarvato disham . 
na sItA.n dadR^ishurvIrA maithilIM janakAtmajAm .. 4..\\
te bhakShayanto mUlAni phalAni vividhAni cha . 
anveShamANA durdharShA nyavasa.nstatra tatra ha . 
sa tu desho duranveSho guhAgahanavAnmahAn .. 5..\\
tyaktvA tu ta.n tadA desha.n sarve vai hariyUthapAH . 
deshamanya.n durAdharSha.n vivishushchAkutobhayAH .. 6..\\
yatra vandhyaphalA vR^ikShA vipuShpAH parNavarjitAH . 
nistoyAH sarito yatra mUla.n yatra sudurlabham .. 7..\\
na santi mahiShA yatra na mR^igA na cha hastinaH . 
shArdUlAH pakShiNo vApi ye chAnye vanagocharAH .. 8..\\
snigdhapatrAH sthale yatra padminyaH phullapa~NkajAH . 
prekShaNIyAH sugandhAshcha bhramaraishchApi varjitAH .. 9..\\
kaNDurnAma mahAbhAgaH satyavAdI tapodhanaH . 
maharShiH paramAmarShI niyamairduShpradharShaNaH .. 10..\\
tasya tasminvane putro bAlako dashavArShikaH . 
pranaShTo jIvitAntAya kruddhastatra mahAmuniH .. 11..\\
tena dharmAtmanA shapta.n kR^itsnaM tatra mahadvanam . 
asharaNya.n durAdharShaM mR^igapakShivivarjitam .. 12..\\
tasya te kAnanAntA.nstu girINA.n kandarANi cha . 
prabhavAni nadInA~nca vichinvanti samAhitAH .. 13..\\
tatra chApi mahAtmAno nApashya~njanakAtmajAm . 
hartAra.n rAvaNaM vApi sugrIvapriyakAriNaH .. 14..\\
te pravishya tu taM bhIma.n latAgulmasamAvR^itam . 
dadR^ishuH krUrakarmANamasura.n suranirbhayam .. 15..\\
ta.n dR^iShTvA vanarA ghora.n sthitaM shailamivAparam . 
gADhaM parihitAH sarve dR^iShTvA taM parvatopamam .. 16..\\
so.api tAnvAnarAnsarvAnnaShTAH sthetyabravIdbalI . 
abhyadhAvata sa~Nkruddho muShTimudyamya sa.nhitam .. 17..\\
tamApatanta.n sahasA vAliputro.a~NgadastadA .. 18..\\
rAvaNo.ayamiti GYAtvA talenAbhijaghAna ha . 
sa vAliputrAbhihato vaktrAchchhoNitamudvaman .. 19..\\
asuro nyapatadbhUmau paryasta iva parvataH . 
te tu tasminniruchchhvAse vAnarA jitakAshinaH . 
vyachinvanprAyashastatra sarva.n tadgirigahvaram .. 20..\\
vichita.n tu tataH kR^itvA sarve te kAnanaM punaH . 
anyadevApara.n ghora.n vivishurgirigahvaram .. 21..\\
te vichintya punaH khinnA viniShpatya samAgatAH . 
ekAnte vR^ikShamUle tu niShedurdInamAnasAH .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}