\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 48
athA~NgadastadA sarvAnvAnarAnidamabravIt .. 1..\\
parishrAnto mahAprAGYaH samAshvAsya shanairvachaH . 
vanAni girayo nadyo durgANi gahanAni cha .. 2..\\
daryo giriguhAshchaiva vichitA naH samantataH . 
tatra tatra sahAsmAbhirjAnakI na cha dR^ishyate . 
tadvA rakSho hR^itA yena sItA surasutopamA .. 3..\\
kAlashcha no mahAnyAtaH sugrIvashchograshAsanaH . 
tasmAdbhavantaH sahitA vichinvantu samantataH .. 4..\\
vihAya tandrI.n shoka.n cha nidrAM chaiva samutthitAm . 
vichinudhva.n yathA sItAM pashyAmo janakAtmajAm .. 5..\\
anirveda.n cha dAkShyaM cha manasashchAparAjayam . 
kAryasiddhikarANyAhustasmAdetadbravImyaham .. 6..\\
adyApIda.n vana.n durgaM vichinvantu vanaukasaH . 
kheda.n tyaktvA punaH sarva.n vanametadvichIyatAm .. 7..\\
avashya.n kriyamANasya dR^ishyate karmaNaH phalam . 
alaM nirvedamAgamya na hi no malina.n kShamam .. 8..\\
sugrIvaH krodhano rAjA tIkShNadaNDashcha vAnarAH . 
bhetavya.n tasya satata.n rAmasya cha mahAtmanaH .. 9..\\
hitArthametadukta.n vaH kriyatAM yadi rochate . 
uchyatA.n vA kShamaM yannaH sarveShAmeva vAnarAH .. 10..\\
a~Ngadasya vachaH shrutvA vachana.n gandhamAdanaH . 
uvAchAvyaktayA vAchA pipAsA shramakhinnayA .. 11..\\
sadR^isha.n khalu vo vAkyama~Ngado yaduvAcha ha . 
hita.n chaivAnukUlaM cha kriyatAmasya bhAShitam .. 12..\\
punarmArgAmahe shailAnkandarAMshcha darIstathA . 
kAnanAni cha shUnyAni giriprasravaNAni cha .. 13..\\
yathoddiShThAni sarvANi sugrIveNa mahAtmanA . 
vichinvantu vana.n sarve giridurgANi sarvashaH .. 14..\\
tataH samutthAya punarvAnarAste mahAbalAH . 
vindhyakAnanasa~NkIrNA.n vicherurdakShiNA.n disham .. 15..\\
te shAradAbhrapratima.n shrImadrajataparvatam . 
shR^i~Ngavanta.n darIvantamadhiruhya cha vAnarAH .. 16..\\
tatra lodhravana.n ramyaM saptaparNavanAni cha . 
vichinvanto harivarAH sItAdarshanakA~NkShiNaH .. 17..\\
tasyAgramadhirUDhAste shrAntA vipulavikramAH . 
na pashyanti sma vaidehI.n rAmasya mahiShIM priyAm .. 18..\\
te tu dR^iShTigata.n kR^itvA ta.n shailaM bahukandaram . 
avArohanta harayo vIkShamANAH samantataH .. 19..\\
avaruhya tato bhUmi.n shrAntA vigatachetasaH . 
sthitvA muhUrta.n tatrAtha vR^ikShamUlamupAshritAH .. 20..\\
te muhUrta.n samAshvastAH ki.n chidbhagnaparishramAH . 
punarevodyatAH kR^itsnAM mArgitu.n dakShiNAM disham .. 21..\\
hanumatpramukhAste tu prasthitAH plavagarShabhAH . 
vindhyamevAditastAvadvicheruste samantataH .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}