\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 52
evamuktaH shubha.n vAkya.n tApasyA dharmasa.nhitam . 
uvAcha hanumAnvAkya.n tAmaninditacheShTitAm .. 1..\\
sharaNa.n tvAM prapannAH smaH sarve vai dharmachAriNi . 
yaH kR^itaH samayo.asmAka.n sugrIveNa mahAtmanA . 
sa tu kAlo vyatikrAnto bile cha parivartatAm .. 2..\\
sA tvamasmAdbilAdghorAduttArayitumarhasi .. 3..\\
tasmAtsugrIvavachanAdatikrAntAngatAyuShaH . 
trAtumarhasi naH sarvAnsugrIvabhayasha~NkitAn .. 4..\\
mahachcha kAryamasmAbhiH kartavya.n dharmachAriNi . 
tachchApi na kR^ita.n kAryamasmAbhiriha vAsibhiH .. 5..\\
evamuktA hanumatA tApasI vAkyamabravIt . 
jIvatA duShkaraM manye praviShTena nivartitum .. 6..\\
tapasastu prabhAvena niyamopArjitena cha . 
sarvAneva bilAdasmAduddhariShyAmi vAnarAn .. 7..\\
nimIlayata chakShUMShi sarve vAnarapu~NgavAH . 
na hi niShkramitu.n shakyamanimIlitalochanaiH .. 8..\\
tataH saMmIlitAH sarve sukumArA~NgulaiH karaiH . 
sahasA pidadhurdR^iShTi.n hR^iShTA gamanakA~NkShiNaH .. 9..\\
vAnarAstu mahAtmAno hastaruddhamukhAstadA . 
nimeShAntaramAtreNa bilAduttAritAstayA .. 10..\\
tatastAnvAnarAnsarvA.nstApasI dharmachAriNI . 
niHsR^itAnviShamAttasmAtsamAshvAsyedamabravIt .. 11..\\
eSha vindhyo giriH shrImAnnAnAdrumalatAyutaH . 
eSha prasavaNaH shailaH sAgaro.ayaM mahodadhiH .. 12..\\
svasti vo.astu gamiShyAmi bhavana.n vAnararShabhAH . 
ityuktvA tadbila.n shrImatpravivesha svayamprabhA .. 13..\\
tataste dadR^ishurghora.n sAgaraM varuNAlayam . 
apAramabhigarjanta.n ghorairUrmibhirAkulam .. 14..\\
mayasya mAyA vihita.n giridurga.n vichinvatAm . 
teShAM mAso vyatikrAnto yo rAGYA samayaH kR^itaH .. 15..\\
vindhyasya tu gireH pAde samprapuShpitapAdape . 
upavishya mahAbhAgAshchintAmApedire tadA .. 16..\\
tataH puShpAtibhArAgrA.NllatAshatasamAvR^itAn . 
drumAnvAsantikAndR^iShTvA babhUvurbhayasha~NkitAH .. 17..\\
te vasantamanuprAptaM prativedya parasparam . 
naShTasandeshakAlArthA nipeturdharaNItale .. 18..\\
sa tu si.nharShabha skandhaH pInAyatabhujaH kapiH . 
yuvarAjo mahAprAGYa a~Ngado vAkyamabravIt .. 19..\\
shAsanAtkapirAjasya vaya.n sarve vinirgatAH . 
mAsaH pUrNo bilasthAnA.n harayaH kiM na budhyate .. 20..\\
tasminnatIte kAle tu sugrIveNa kR^ite svayam . 
prAyopaveshana.n yuktaM sarveShA.n cha vanaukasAm .. 21..\\
tIkShNaH prakR^ityA sugrIvaH svAmibhAve vyavasthitaH . 
na kShamiShyati naH sarvAnaparAdhakR^ito gatAn .. 22..\\
apravR^ittau cha sItAyAH pApameva kariShyati . 
tasmAtkShamamihAdyaiva prAyopavishana.n hi naH .. 23..\\
tyaktvA putrAMshcha dArAMshcha dhanAni cha gR^ihANi cha . 
yAvanna ghAtayedrAjA sarvAnpratigatAnitaH . 
vadhenApratirUpeNa shreyAnmR^ityurihaiva naH .. 24..\\
na chAha.n yauvarAjyena sugrIveNAbhiShechitaH . 
narendreNAbhiShikto.asmi rAmeNAkliShTakarmaNA .. 25..\\
sa pUrvaM baddhavairo mA.n rAjA dR^iShTvA vyatikramam . 
ghAtayiShyati daNDena tIkShNena kR^itanishchayaH .. 26..\\
kiM me suhR^idbhirvyasanaM pashyadbhirjIvitAntare . 
ihaiva prAyamAsiShye puNye sAgararodhasi .. 27..\\
etachchhrutvA kumAreNa yuvarAjena bhAShitam . 
sarve te vAnarashreShThAH karuNa.n vAkyamabruvan .. 28..\\
tIkShNaH prakR^ityA sugrIvaH priyAsaktashcha rAghavaH . 
adR^iShTAyA.n cha vaidehyAM dR^iShTvAsmAMshcha samAgatAn .. 29..\\
rAghavapriyakAmArtha.n ghAtayiShyatyasaMshayam . 
na kShama.n chAparAddhAnAM gamana.n svAmipArshvataH .. 30..\\
plava~NgamAnA.n tu bhayArditAnAM 
shrutvA vachastAra idaM babhAShe . 
ala.n viShAdena bilaM pravishya 
vasAma sarve yadi rochate vaH .. 31..\\
ida.n hi mAyA vihitaM sudurgamaM 
prabhUtavR^ikShodakabhojyapeyam . 
ihAsti no naiva bhayaM purandarAn 
na rAghavAdvAnararAjato.api vA .. 32..\\
shrutvA~NgadasyApi vacho.anukUlam 
Uchushcha sarve harayaH pratItAH . 
yathA na hanyema tathAvidhAnam 
asaktamadyaiva vidhIyatAM naH .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}