\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 54
shrutvA hanumato vAkyaM prashrita.n dharmasa.nhitam . 
svAmisatkArasa.nyuktama~Ngado vAkyamabravIt .. 1..\\
sthairya.n sarvAtmanA shauchamAnR^isha.nsyamathArjavam . 
vikramaishchaiva dhairya.n cha sugrIve nopapadyate .. 2..\\
bhrAturjyeShThasya yo bhAryA.n jIvito mahiShIM priyAm . 
dharmeNa mAtara.n yastu svIkaroti jugupsitaH .. 3..\\
katha.n sa dharma.n jAnIte yena bhrAtrA durAtmanA . 
yuddhAyAbhiniyuktena bilasya pihitaM mukham .. 4..\\
satyAtpANigR^ihItashcha kR^itakarmA mahAyashAH . 
vismR^ito rAghavo yena sa kasya sukR^ita.n smaret .. 5..\\
lakShmaNasya bhayAdyena nAdharmabhayabhIruNA . 
AdiShTA mArgitu.n sItA.n dharmamasminkathaM bhavet .. 6..\\
tasminpApe kR^itaghne tu smR^itihIne chalAtmani . 
AryaH ko vishvasejjAtu tatkulIno jijIviShuH .. 7..\\
rAjye putraM pratiShThApya saguNo nirguNo.api vA . 
katha.n shatrukulInaM mAM sugrIvo jIvayiShyati .. 8..\\
bhinnamantro.aparAddhashcha hInashaktiH katha.n hyaham . 
kiShkindhAM prApya jIveyamanAtha iva durbalaH .. 9..\\
upAMshudaNDena hi mAM bandhanenopapAdayet . 
shaThaH krUro nR^isha.nsashcha sugrIvo rAjyakAraNAt .. 10..\\
bandhanAchchAvasAdAnme shreyaH prAyopaveshanam . 
anujAnIta mA.n sarve gR^ihAngachchhantu vAnarAH .. 11..\\
aha.n vaH pratijAnAmi na gamiShyAmyahaM purIm . 
ihaiva prAyamAsiShye shreyo maraNameva me .. 12..\\
abhivAdanapUrva.n tu rAjA kushalameva cha . 
vAchyastato yavIyAnme sugrIvo vAnareshvaraH .. 13..\\
ArogyapUrva.n kushala.n vAchyA mAtA rumA cha me . 
mAtara.n chaiva me tArAmAshvAsayitumarhatha .. 14..\\
prakR^ityA priyaputrA sA sAnukroshA tapasvinI . 
vinaShTaM mAmiha shrutvA vyakta.n hAsyati jIvitam .. 15..\\
etAvaduktvA vachana.n vR^iddhAnapyabhivAdya cha . 
sa.nviveshA~Ngado bhUmau rudandarbheShu durmanAH .. 16..\\
tasya sa.nvishatastatra rudanto vAnararShabhAH . 
nayanebhyaH pramumuchuruShNa.n vai vAriduHkhitAH .. 17..\\
sugrIva.n chaiva nindantaH prasha.nsantashcha vAlinam . 
parivAryA~Ngado sarve vyavasyanprAyamAsitum .. 18..\\
mata.n tadvAliputrasya viGYAya plavagarShabhAH . 
upaspR^ishyodaka.n sarve prA~NmukhAH samupAvishan . 
dakShiNAgreShu darbheShu udaktIra.n samAshritAH .. 19..\\
sa sa.nvishadbhirbahubhirmahIdharo 
mahAdrikUTapramitaiH plava~NgamaiH .. 20..\\
babhUva saMnAditanirjharAntaro 
bhR^ishaM nadadbhirjaladairivolbaNaiH .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}