\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 57
ityuktaH karuNa.n vAkyaM vAnaraistyaktajIvitaiH . 
sabAShpo vAnarAngR^idhraH pratyuvAcha mahAsvanaH .. 1..\\
yavIyAnmama sa bhrAtA jaTAyurnAma vAnarAH . 
yamAkhyAta hata.n yuddhe rAvaNena balIyasA .. 2..\\
vR^iddhabhAvAdapakShatvAchchhR^iNva.nstadapi marShaye . 
na hi me shaktiradyAsti bhrAturvairavimokShaNe .. 3..\\
purA vR^itravadhe vR^itte sa chAha.n cha jayaiShiNau . 
AdityamupayAtau svo jvalanta.n rashmimAlinam .. 4..\\
AvR^ityAkAshamArgeNa javena sma gatau bhR^isham . 
madhyaM prApte cha sUrye cha jaTAyuravasIdati .. 5..\\
tamahaM bhrAtara.n dR^iShTvA sUryarashmibhirarditam . 
pakShAbhya.n chhAdayAmAsa snehAtparamavihvalam .. 6..\\
nirdagdhapakShaH patito vindhye.aha.n vAnarottamAH . 
ahamasminvasanbhrAtuH pravR^ittiM nopalakShaye .. 7..\\
jaTAyuShastvevamukto bhrAtrA sampAtinA tadA . 
yuvarAjo mahAprAGYaH pratyuvAchA~NgadastadA .. 8..\\
jaTAyuSho yadi bhrAtA shruta.n te gaditaM mayA . 
AkhyAhi yadi jAnAsi nilaya.n tasya rakShasaH .. 9..\\
adIrghadarshina.n ta.n vA rAvaNaM rAkShasAdhipam . 
antike yadi vA dUre yadi jAnAsi sha.nsa naH .. 10..\\
tato.abravInmahAtejA jyeShTho bhrAtA jaTAyuShaH . 
AtmAnurUpa.n vachanaM vAnarAnsampraharShayan .. 11..\\
nirdagdhapakSho gR^idhro.aha.n gatavIryaH plava~NgamAH . 
vA~NmAtreNa tu rAmasya kariShye sAhyamuttamam .. 12..\\
jAnAmi vAruNAllokAnviShNostraivikramAnapi . 
devAsuravimardAMshcha amR^itasya cha manthanam .. 13..\\
rAmasya yadida.n kAryaM kartavyaM prathamaM mayA . 
jarayA cha hR^ita.n tejaH prANAshcha shithilA mama .. 14..\\
taruNI rUpasampannA sarvAbharaNabhUShitA . 
hriyamANA mayA dR^iShTA rAvaNena durAtmanA .. 15..\\
kroshantI rAma rAmeti lakShmaNeti cha bhAminI . 
bhUShaNAnyapavidhyantI gAtrANi cha vidhunvatI .. 16..\\
sUryaprabheva shailAgre tasyAH kausheyamuttamam . 
asite rAkShase bhAti yathA vA taDidambude .. 17..\\
tA.n tu sItAmahaM manye rAmasya parikIrtanAt . 
shrUyatAM me kathayato nilaya.n tasya rakShasaH .. 18..\\
putro vishravasaH sAkShAdbhrAtA vaishravaNasya cha . 
adhyAste nagarI.n la~NkAM rAvaNo nAma rAkasaH .. 19..\\
ito dvIpe samudrasya sampUrNe shatayojane . 
tasmi.Nlla~NkA purI ramyA nirmitA vishvakarmaNA .. 20..\\
tasyA.n vasati vaidehI dInA kausheyavAsinI . 
rAvaNAntaHpure ruddhA rAkShasIbhiH surakShitA .. 21..\\
janakasyAtmajA.n rAGYastasyA.n drakShyatha maithilIm . 
la~NkAyAmatha guptAyA.n sAgareNa samantataH .. 22..\\
samprApya sAgarasyAnta.n sampUrNaM shatayojanam . 
AsAdya dakShiNa.n kUlaM tato drakShyatha rAvaNam .. 23..\\
tatraiva tvaritAH kShipra.n vikramadhvaM plava~NgamAH . 
GYAnena khalu pashyAmi dR^iShTvA pratyAgamiShyatha .. 24..\\
AdyaH panthAH kuli~NgAnA.n ye chAnye dhAnyajIvinaH . 
dvitIyo balibhojAnA.n ye cha vR^ikShaphalAshinaH .. 25..\\
bhAsAstR^itIya.n gachchhanti krau~nchAshcha kuraraiH saha . 
shyenAshchaturtha.n gachchhanti gR^idhrA gachchhanti pa~nchamam .. 26..\\
balavIryopapannAnA.n rUpayauvanashAlinAm . 
ShaShThastu panthA ha.nsAnA.n vainateyagatiH parA . 
vainateyAchcha no janma sarveShA.n vAnararShabhAH .. 27..\\
garhita.n tu kR^itaM karma yena sma pishitAshanAH . 
ihastho.ahaM prapashyAmi rAvaNa.n jAnakIM tathA .. 28..\\
asmAkamapi sauvarNa.n divyaM chakShurbalaM tathA . 
tasmAdAhAravIryeNa nisargeNa cha vAnarAH . 
AyojanashatAtsAgrAdvayaM pashyAma nityashaH .. 29..\\
asmAka.n vihitA vR^ittirnisArgeNa cha dUrataH . 
vihitA pAdamUle tu vR^ittishcharaNayodhinAm .. 30..\\
upAyo dR^ishyatA.n kashchilla~Nghane lavaNAmbhasaH . 
abhigamya tu vaidehI.n samR^iddhArthA gamiShyatha .. 31..\\
samudraM netumichchhAmi bhavadbhirvaruNAlayam . 
pradAsyAmyudakaM bhrAtuH svargatasya mahAtmanaH .. 32..\\
tato nItvA tu ta.n deshaM tIre nadanadIpateH . 
nirdagdhapakSha.n sampAtiM vAnarAH sumahaujasaH .. 33..\\
punaH pratyAnayitvA vai ta.n deshaM patageshvaram . 
babhUvurvAnarA hR^iShTAH pravR^ittimupalabhya te .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}