\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 62
etairanyaishcha bahubhirvAkyairvAkyavishAradaH . 
mAM prashasyAbhyanuGYApya praviShTaH sa svamAshramam .. 1..\\
kandarAttu visarpitvA parvatasya shanaiH shanaiH . 
aha.n vindhyaM samAruhya bhavataH pratipAlaye .. 2..\\
adya tvetasya kAlasya sAgra.n varShashata.n gatam . 
deshakAlapratIkSho.asmi hR^idi kR^itvA munervachaH .. 3..\\
mahAprasthAnamAsAdya svargate tu nishAkare . 
mAM nirdahati santApo vitarkairbahubhirvR^itam .. 4..\\
utthitAM maraNe buddhiM muni vAkyairnivartaye . 
buddhiryA tena me dattA prANasa.nrakShaNAya tu . 
sA me.apanayate duHkha.n dIptevAgnishikhA tamaH .. 5..\\
budhyatA cha mayA vIrya.n rAvaNasya durAtmanaH . 
putraH santarjito vAgbhirna trAtA maithilI katham .. 6..\\
tasyA vilapita.n shrutvA tau cha sItA vinAkR^itau . 
na me dasharathasnehAtputreNotpAditaM priyam .. 7..\\
tasya tvevaM bruvANasya sampAtervAnaraiH saha . 
utpetatustadA pakShau samakSha.n vanachAriNAm .. 8..\\
sa dR^iShTvA svA.n tanuM pakShairudgatairaruNachchhadaiH . 
praharShamatula.n lebhe vAnarAMshchedamabravIt .. 9..\\
nishAkarasya maharSheH prabhAvAdamitAtmanaH . 
Adityarashminirdagdhau pakShau me punarutthitau .. 10..\\
yauvane vartamAnasya mamAsIdyaH parAkramaH . 
tamevAdyAvagachchhAmi balaM pauruShameva cha .. 11..\\
sarvathA kriyatA.n yatnaH sItAmadhigamiShyatha . 
pakShalAbho mamAya.n vaH siddhipratyaya kArakaH .. 12..\\
ityuktvA tAnharInsarvAnsampAtiH patatA.n varaH . 
utpapAta gireH shR^i~NgAjjiGYAsuH khagamo gatim .. 13..\\
tasya tadvachana.n shrutvA prItisa.nhR^iShTamAnasAH . 
babhUvurharishArdUlA vikramAbhyudayonmukhAH .. 14..\\
atha pavanasamAnavikramAH 
plavagavarAH pratilabdha pauruShAH . 
abhijidabhimukhA.n disha.n yayur 
janakasutA parimArgaNonmukhAH .. 15..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}