\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 65
anekashatasAhasrI.n viShaNNAM harivAhinIm . 
jAmbavAnsamudIkShyaiva.n hanumantamathAbravIt .. 1..\\
vIra vAnaralokasya sarvashAstramathAbravIt . 
tUShNImekAntamAshritya hanumankiM na jalpasi .. 2..\\
hanumanharirAjasya sugrIvasya samo hyasi . 
rAmalakShmaNayoshchApi tejasA cha balena cha .. 3..\\
ariShTaneminaH putrau vainateyo mahAbalaH . 
garutmAniva vikhyAta uttamaH sarvapakShiNAm .. 4..\\
bahusho hi mayA dR^iShTaH sAgare sa mahAbalaH . 
bhujagAnuddharanpakShI mahAvego mahAyashAH .. 5..\\
pakShayoryadbala.n tasya tAvadbhujabalaM tava . 
vikramashchApi vegashcha na te tenApahIyate .. 6..\\
balaM buddhishcha tejashcha sattva.n cha harisattama . 
vishiShTa.n sarvabhUteShu kimAtmAnaM na budhyase .. 7..\\
apsarApsarasA.n shreShThA vikhyAtA pu~njikasthalA . 
aGYaneti parikhyAtA patnI kesariNo hareH .. 8..\\
abhishApAdabhUttAta vAnarI kAmarUpiNI . 
duhitA vAnarendrasya ku~njarasya mahAtmanaH .. 9..\\
kapitve chArusarvA~NgI kadA chitkAmarUpiNI . 
mAnuSha.n vigraha.n kR^itvA yauvanottamashAlinI .. 10..\\
acharatparvatasyAgre prAvR^iDambudasaMnibhe . 
vichitramAlyAbharaNA mahArhakShaumavAsinI .. 11..\\
tasyA vastra.n vishAlAkShyAH pItaM raktadashaM shubham . 
sthitAyAH parvatasyAgre mAruto.apaharachchhanaiH .. 12..\\
sa dadarsha tatastasyA vR^ittAvUrU susa.nhatau . 
stanau cha pInau sahitau sujAta.n chAru chAnanam .. 13..\\
tA.n vishAlAyatashroNI.n tanumadhyAM yashasvinIm . 
dR^iShTvaiva shubhasarvAgnIM pavanaH kAmamohitaH .. 14..\\
sa tAM bhujAbhyAM pInAbhyAM paryaShvajata mArutaH . 
manmathAviShTasarvA~Ngo gatAtmA tAmaninditAm .. 15..\\
sA tu tatraiva sambhrAntA suvR^ittA vAkyamabravIt . 
ekapatnIvratamida.n ko nAshayitumichchhati .. 16..\\
a~njanAyA vachaH shrutvA mArutaH pratyabhAShata . 
na tvA.n hi.nsAmi sushroNi mA bhUtte subhage bhayam .. 17..\\
manasAsmi gato yattvAM pariShvajya yashasvini . 
vIryavAnbuddhisampannaH putrastava bhaviShyati .. 18..\\
abhyutthita.n tataH sUryaM bAlo dR^iShTvA mahAvane . 
phala.n cheti jighR^ikShustvamutplutyAbhyapato divam .. 19..\\
shatAni trINi gatvAtha yojanAnAM mahAkape . 
tejasA tasya nirdhUto na viShAda.n tato gataH .. 20..\\
tAvadApatatastUrNamantarikShaM mahAkape . 
kShiptamindreNa te vajra.n krodhAviShTena dhImatA .. 21..\\
tataH shailAgrashikhare vAmo hanurabhajyata . 
tato hi nAmadheya.n te hanumAniti kIrtyate .. 22..\\
tatastvAM nihata.n dR^iShTvA vAyurgandhavahaH svayam . 
trailokye bhR^ishasa~Nkruddho na vavau vai prabha~njanaH .. 23..\\
sambhrAntAshcha surAH sarve trailokye kShubhite sati . 
prasAdayanti sa~NkruddhaM mArutaM bhuvaneshvarAH .. 24..\\
prasAdite cha pavane brahmA tubhya.n vara.n dadau . 
ashastravadhyatA.n tAta samare satyavikrama .. 25..\\
vajrasya cha nipAtena viruja.n tvA.n samIkShya cha . 
sahasranetraH prItAtmA dadau te varamuttamam .. 26..\\
svachchhandatashcha maraNa.n te bhUyAditi vai prabho . 
sa tva.n kesariNaH putraH kShetrajo bhImavikramaH .. 27..\\
mArutasyaurasaH putrastejasA chApi tatsamaH . 
tva.n hi vAyusuto vatsa plavane chApi tatsamaH .. 28..\\
vayamadya gataprANA bhavAnasmAsu sAmpratam . 
dAkShyavikramasampannaH pakShirAja ivAparaH .. 29..\\
trivikrame mayA tAta sashailavanakAnanA . 
triH saptakR^itvaH pR^ithivI parikrAntA pradakShiNam .. 30..\\
tadA chauShadhayo.asmAbhiH sa~ncitA devashAsanAt . 
niShpannamamR^ita.n yAbhistadAsInno mahadbalam .. 31..\\
sa idAnImaha.n vR^iddhaH parihInaparAkramaH . 
sAmprata.n kAlamasmAkaM bhavAnsarvaguNAnvitaH .. 32..\\
tadvijR^imbhasva vikrAntaH plavatAm uttamo hyasi . 
tvadvIrya.n draShTukAmeya.n sarvA vAnaravAhinI .. 33..\\
uttiShTha harishArdUla la~Nghayasva mahArNavam . 
parA hi sarvabhUtAnA.n hanumanyA gatistava .. 34..\\
viShANNA harayaH sarve hanumankimupekShase . 
vikramasva mahAvego viShNustrInvikramAniva .. 35..\\
tatastu vai jAmbavatAbhichoditaH 
pratItavegaH pavanAtmajaH kapiH . 
praharShaya.nstA.n harivIra vAhinIM 
chakAra rUpaM mahadAtmanastadA .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}