\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 66
sa.nstUyamAno hanumAnvyavardhata mahAbalaH . 
samAvidhya cha lA~NgUla.n harShAchcha balameyivAn .. 1..\\
tasya sa.nstUyamAnasya sarvairvAnarapu~NgavaiH . 
tejasApUryamANasya rUpamAsIdanuttamam .. 2..\\
yathA vijR^imbhate si.nho vivR^iddho girigahvare . 
mArutasyaurasaH putrastathA samprati jR^imbhate .. 3..\\
ashobhata mukha.n tasya jR^imbhamANasya dhImataH . 
ambarIShopama.n dIpta.n vidhUma iva pAvakaH .. 4..\\
harINAmutthito madhyAtsamprahR^iShTatanUruhaH . 
abhivAdya harInvR^iddhAnhanumAnidamabravIt .. 5..\\
arujanparvatAgrANi hutAshanasakho.anilaH . 
balavAnaprameyashcha vAyurAkAshagocharaH .. 6..\\
tasyAha.n shIghravegasya shIghragasya mahAtmanaH . 
mArutasyaurasaH putraH plavane nAsti me samaH .. 7..\\
utsaheya.n hi vistIrNamAlikhantamivAmbaram . 
meru.n girimasa~Ngena parigantu.n sahasrashaH .. 8..\\
bAhuvegapraNunnena sAgareNAhamutsahe . 
samAplAvayitu.n lokaM saparvatanadIhradam .. 9..\\
mamoruja~NghAvegena bhaviShyati samutthitaH . 
saMmUrchhitamahAgrAhaH samudro varuNAlayaH .. 10..\\
pannagAshanamAkAshe patantaM pakShisevitam . 
vainateyamaha.n shaktaH parigantuM sahasrashaH .. 11..\\
udayAtprasthita.n vApi jvalantaM rashmimAlinam . 
anastamitamAdityamabhigantu.n samutsahe .. 12..\\
tato bhUmimasa.nspR^ishya punarAgantumutsahe . 
pravegenaiva mahatA bhImena plavagarShabhAH .. 13..\\
utsaheyamatikrAntu.n sarvAnAkAshagocharAn . 
sAgara.n kShobhayiShyAmi dArayiShyAmi medinIm .. 14..\\
parvatAnkampayiShyAmi plavamAnaH plava~NgamAH . 
hariShye choruvegena plavamAno mahArNavam .. 15..\\
latAnA.n vIrudhAM puShpaM pAdapAnA.n cha sarvashaH . 
anuyAsyati mAmadya plavamAna.n vihAyasA . 
bhaviShyati hi me panthAH svAteH panthA ivAmbare .. 16..\\
charanta.n ghoramAkAshamutpatiShyantameva cha . 
drakShyanti nipatanta.n cha sarvabhUtAni vAnarAH .. 17..\\
mahAmerupratIkAshaM mA.n drakShyadhvaM plava~NgamAH . 
divamAvR^itya gachchhanta.n grasamAnamivAmbaram .. 18..\\
vidhamiShyAmi jImUtAnkampayiShyAmi parvatAn . 
sAgara.n kShobhayiShyAmi plavamAnaH samAhitaH .. 19..\\
vainateyasya vA shaktirmama vA mArutasya vA . 
R^ite suparNarAjAnaM mAruta.n vA mahAbalam . 
na hi bhUtaM prapashyAmi yo mAM plutamanuvrajet .. 20..\\
nimeShAntaramAtreNa nirAlambhanamambaram . 
sahasA nipatiShyAmi ghanAdvidyudivotthitA .. 21..\\
bhaviShyati hi me rUpaM plavamAnasya sAgaram . 
viShNoH prakramamANasya tadA trInvikramAniva .. 22..\\
buddhyA chAhaM prapashyAmi manashcheShTA cha me tathA . 
aha.n drakShyAmi vaidehIM pramodadhvaM plava~NgamAH .. 23..\\
mArutasya samo vege garuDasya samo jave . 
ayuta.n yojanAnA.n tu gamiShyAmIti me matiH .. 24..\\
vAsavasya savajrasya brahmaNo vA svayambhuvaH . 
vikramya sahasA hastAdamR^ita.n tadihAnaye . 
la~NkA.n vApi samutkShipya gachchheyamiti me matiH .. 25..\\
tameva.n vAnarashreShTha.n garjantamamitaujasaM . 
uvAcha parisa.nhR^iShTo jAmbavAnharisattamaH .. 26..\\
vIra kesariNaH putra vegavanmArutAtmaja . 
GYAtInA.n vipulaM shokastvayA tAta praNAshitaH .. 27..\\
tava kalyANaruchayaH kapimukhyAH samAgatAH . 
ma~Ngala.n kAryasiddhyarthaM kariShyanti samAhitAH .. 28..\\
R^iShINA.n cha prasAdena kapivR^iddhamatena cha . 
gurUNA.n cha prasAdena plavasva tvaM mahArNavam .. 29..\\
sthAsyAmashchaikapAdena yAvadAgamana.n tava . 
tvadgatAni cha sarveShA.n jIvitAni vanaukasAm .. 30..\\
tatastu harishArdUlastAnuvAcha vanaukasaH . 
neyaM mama mahI vegaM plavane dhArayiShyati .. 31..\\
etAni hi nagasyAsya shilAsa~NkaTashAlinaH . 
shikharANi mahendrasya sthirANi cha mahAnti cha .. 32..\\
etAni mama niShpeShaM pAdayoH patatA.n varAH . 
plavato dhArayiShyanti yojanAnAmitaH shatam .. 33..\\
tatastu mArutaprakhyaH sa harirmArutAtmajaH . 
Aruroha nagashreShThaM mahendramarimardanaH .. 34..\\
vR^itaM nAnAvidhairvR^ikShairmR^igasevitashAdvalam . 
latAkusumasambAdhaM nityapuShpaphaladrumam .. 35..\\
si.nhashArdUlacharitaM mattamAta~Ngasevitam . 
mattadvijagaNodghuShTa.n salilotpIDasa~Nkulam .. 36..\\
mahadbhiruchchhrita.n shR^i~NgairmahendraM sa mahAbalaH . 
vichachAra harishreShTho mahendrasamavikramaH .. 37..\\
pAdAbhyAM pIDitastena mahAshailo mahAtmanA . 
rarAsa si.nhAbhihato mahAnmatta iva dvipaH .. 38..\\
mumocha salilotpIDAnviprakIrNashilochchayaH . 
vitrastamR^igamAta~NgaH prakampitamahAdrumaH .. 39..\\
nAnAgandharvamithunaiH pAnasa.nsargakarkashaiH . 
utpatadbhirviha~Ngaishcha vidyAdharagaNairapi .. 40..\\
tyajyamAnamahAsAnuH saMnilInamahoragaH . 
shailashR^i~NgashilodghAtastadAbhUtsa mahAgiriH .. 41..\\
niHshvasadbhistadA taistu bhujagairardhaniHsR^itaiH . 
sapatAka ivAbhAti sa tadA dharaNIdharaH .. 42..\\
R^iShibhistrAsa sambhrAntaistyajyamAnaH shilochchayaH . 
sIdanmahati kAntAre sArthahIna ivAdhvagaH .. 43..\\
sa vegavAnvegasamAhitAtmA 
haripravIraH paravIrahantA . 
manaH samAdhAya mahAnubhAvo 
jagAma la~NkAM manasA manasvI .. 44..\\

##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}