\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 7
evamuktastu sugrIvo rAmeNArtena vAnaraH . 
abravItprA~njalirvAkya.n sabAShpaM bAShpagadgadaH .. 1..\\
na jAne nilaya.n tasya sarvathA pAparakShasaH . 
sAmarthya.n vikramaM vApi dauShkuleyasya vA kulam .. 2..\\
satya.n tu pratijAnAmi tyaja shokamarindama . 
kariShyAmi tathA yatna.n yathA prApsyasi maithilIm .. 3..\\
rAvaNa.n sagaNaM hatvA paritoShyAtmapauruSham . 
tathAsmi kartA nachirAdyathA prIto bhaviShyasi .. 4..\\
ala.n vaiklavyamAlambya dhairyamAtmagataM smara . 
tvadvidhAnAM na sadR^ishamIdR^ishaM buddhilAghavam .. 5..\\
mayApi vyasanaM prAptaM bhAryA haraNajaM mahat . 
na chAhameva.n shochAmi na cha dhairyaM parityaje .. 6..\\
nAha.n tAmanushochAmi prAkR^ito vAnaro.api san . 
mahAtmA cha vinItashchA kiM punardhR^itimAnbhavAn .. 7..\\
bAShpamApatita.n dhairyAnnigrahItuM tvamarhasi . 
maryAdA.n sattvayuktAnA.n dhR^itiM notsraShTumarhasi .. 8..\\
vyasane vArtha kR^ichchhre vA bhaye vA jIvitAntage . 
vimR^ishanvai svayA buddhyA dhR^itimAnnAvasIdati .. 9..\\
bAlishastu naro nitya.n vaiklavyaM yo.anuvartate . 
sa majjatyavashaH shoke bhArAkrAnteva naurjale .. 10..\\
eSho.a~njalirmayA baddhaH praNayAttvAM prasAdaye . 
pauruSha.n shraya shokasya nAntara.n dAtumarhasi .. 11..\\
ye shokamanuvartante na teShA.n vidyate sukham . 
tejashcha kShIyate teShAM na tva.n shochitumarhasi .. 12..\\
hita.n vayasya bhAvena brUhi nopadishAmi te . 
vayasyatAM pUjayanme na tva.n shochitumarhasi .. 13..\\
madhura.n sAntvitastena sugrIveNa sa rAghavaH . 
mukhamashrupariklinna.n vastrAntena pramArjayat .. 14..\\
prakR^itiShThastu kAkutsthaH sugrIvavachanAtprabhuH . 
sampariShvajya sugrIvamida.n vachanamabravIt .. 15..\\
kartavya.n yadvayasyena snigdhena cha hitena cha . 
anurUpa.n cha yuktaM cha kR^ita.n sugrIva tattvayA .. 16..\\
eSha cha prakR^itiShTho.ahamanunItastvayA sakhe . 
durlabho hIdR^isho bandhurasminkAle visheShataH .. 17..\\
ki.n tu yatnastvayA kAryo maithilyAH parimArgaNe . 
rAkShasasya cha raudrasya rAvaNasya durAtmanaH .. 18..\\
mayA cha yadanuShTheya.n visrabdhena taduchyatAm . 
varShAsviva cha sukShetre sarva.n sampadyate tava .. 19..\\
mayA cha yadida.n vAkyamabhimAnAtsamIritam . 
tattvayA harishArdUla tattvamityupadhAryatAm .. 20..\\
anR^itaM noktapUrvaM me na cha vakShye kadA chana . 
etatte pratijAnAmi satyenaiva shapAmi te .. 21..\\
tataH prahR^iShTaH sugrIvo vAnaraiH sachivaiH saha . 
rAghavasya vachaH shrutvA pratiGYAta.n visheShataH .. 22..\\
mahAnubhAvasya vacho nishamya 
harirnarANAmR^iShabhasya tasya . 
kR^ita.n sa mene harivIra mukhyas 
tadA svakArya.n hR^idayena vidvAn .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}