\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 8
parituShTastu sugrIvastena vAkyena vAnaraH . 
lakShmaNasyAgraja.n rAmamidaM vachanamabravIt .. 1..\\
sarvathAhamanugrAhyo devatAnAmasaMshayaH . 
upapannaguNopetaH sakhA yasya bhavAnmama .. 2..\\
shakya.n khalu bhavedrAma sahAyena tvayAnagha . 
surarAjyamapi prAptu.n svarAjya.n kiM punaH prabho .. 3..\\
so.aha.n sabhAjyo bandhUnAM suhR^idA.n chaiva rAghava . 
yasyAgnisAkShikaM mitra.n labdhaM rAghavavaMshajam .. 4..\\
ahamapyanurUpaste vayasyo GYAsyase shanaiH . 
na tu vaktu.n samartho.ahaM svayamAtmagatAnguNAn .. 5..\\
mahAtmanA.n tu bhUyiShThaM tvadvidhAnAM kR^itAtmanAm . 
nishchalA bhavati prItirdhairyamAtmavatAm iva .. 6..\\
rajata.n vA suvarNaM vA vastrANyAbharaNAni vA . 
avibhaktAni sAdhUnAmavagachchhanti sAdhavaH .. 7..\\
ADhyo vApi daridro vA duHkhitaH sukhito.api vA . 
nirdoSho vA sadoSho vA vayasyaH paramA gatiH .. 8..\\
dhanatyAgaH sukhatyAgo dehatyAgo.api vA punaH . 
vayasyArthe pravartante sneha.n dR^iShTvA tathAvidham .. 9..\\
tattathetyabravIdrAmaH sugrIvaM priyavAdinam . 
lakShmaNasyAgrato lakShmyA vAsavasyeva dhImataH .. 10..\\
tato rAma.n sthita.n dR^iShTvA lakShmaNaM cha mahAbalam . 
sugrIvaH sarvatashchakShurvane lolamapAtayat .. 11..\\
sa dadarsha tataH sAlamavidUre harIshvaraH . 
supuShpamIShatpatrADhyaM bhramarairupashobhitam .. 12..\\
tasyaikAM parNabahulAM bha~NktvA shAkhA.n supuShpitAm . 
sAlasyAstIrya sugrIvo niShasAda sarAghavaH .. 13..\\
tAvAsInau tato dR^iShTvA hanUmAnapi lakShmaNam . 
sAlashAkhA.n samutpATya vinItamupaveshayat .. 14..\\
tataH prahR^iShTaH sugrIvaH shlakShNaM madhurayA girA . 
uvAcha praNayAdrAma.n harShavyAkulitAkSharam .. 15..\\
aha.n vinikR^ito bhrAtrA charAmyeSha bhayArditaH . 
R^ishyamUka.n girivara.n hR^itabhAryaH suduHkhitaH .. 16..\\
so.aha.n trasto bhaye magno vasAmyudbhrAntachetanaH . 
vAlinA nikR^ito bhrAtrA kR^itavairashcha rAghava .. 17..\\
vAlino me bhayArtasya sarvalokAbhaya~Nkara . 
mamApi tvamanAthasya prasAda.n kartumarhasi .. 18..\\
evamuktastu tejasvI dharmaGYo dharmavatsalaH . 
pratyuvAcha sa kAkutsthaH sugrIvaM prahasanniva .. 19..\\
upakAraphalaM mitramapakAro.arilakShaNam . 
adyaiva ta.n haniShyAmi tava bhAryApahAriNam .. 20..\\
ime hi me mahAvegAH patriNastigmatejasaH . 
kArtikeyavanodbhUtAH sharA hemavibhUShitAH .. 21..\\
ka~NkapatrapratichchhannA mahendrAshanisaMnibhAH . 
suparvANaH sutIkShNAgrA saroShA bhujagA iva .. 22..\\
bhrAtR^isa.nj~namamitra.n te vAlinaM kR^itakilbiSham . 
sharairvinihataM pashya vikIrNamiva parvatam .. 23..\\
rAghavasya vachaH shrutvA sugrIvo vAhinIpatiH . 
praharShamatula.n lebhe sAdhu sAdhviti chAbravIt .. 24..\\
rAmashokAbhibhUto.aha.n shokArtAnAM bhavAngatiH . 
vayasya iti kR^itvA hi tvayyahaM paridevaye .. 25..\\
tva.n hi pANipradAnena vayasyo so.agnisAkShikaH . 
kR^itaH prANairbahumataH satyenApi shapAmyaham .. 26..\\
vayasya iti kR^itvA cha visrabdhaM pravadAmyaham . 
duHkhamantargata.n yanme mano dahati nityashaH .. 27..\\
etAvaduktvA vachanaM bAShpadUShitalochanaH . 
bAShpopahatayA vAchA nochchaiH shaknoti bhAShitum .. 28..\\
bAShpavega.n tu sahasA nadIvegamivAgatam . 
dhArayAmAsa dhairyeNa sugrIvo rAmasaMnidhau .. 29..\\
saMnigR^ihya tu taM bAShpaM pramR^ijya nayane shubhe . 
viniHshvasya cha tejasvI rAghavaM punarabravIt .. 30..\\
purAha.n valinA rAma rAjyAtsvAdavaropitaH . 
paruShANi cha saMshrAvya nirdhUto.asmi balIyasA .. 31..\\
hR^itA bhAryA cha me tena prANebhyo.api garIyasI . 
suhR^idashcha madIyA ye sa.nyatA bandhaneShu te .. 32..\\
yatnavAMshcha suduShTAtmA madvinAshAya rAghava . 
bahushastatprayuktAshcha vAnarA nihatA mayA .. 33..\\
sha~NkayA tvetayA chAha.n dR^iShTvA tvAmapi rAghava . 
nopasarpAmyahaM bhIto bhaye sarve hi bibhyati .. 34..\\
kevala.n hi sahAyA me hanumatpramukhAstvime . 
ato.aha.n dhArayAmyadya prANAnkR^ichchhra gato.api san .. 35..\\
ete hi kapayaH snigdhA mA.n rakShanti samantataH . 
saha gachchhanti gantavye nitya.n tiShThanti cha sthite .. 36..\\
sa~NkShepastveSha me rAma kimuktvA vistara.n hi te . 
sa me jyeShTho ripurbhrAtA vAlI vishrutapauruShaH .. 37..\\
tadvinAshAddhi me duHkhaM pranaShTa.n syAdanantaram . 
sukhaM me jIvita.n chaiva tadvinAshanibandhanam .. 38..\\
eSha me rAma shokAntaH shokArtena niveditaH . 
duHkhito.aduHkhito vApi sakhyurnitya.n sakhA gatiH .. 39..\\
shrutvaitachcha vacho rAmaH sugrIvamidamabravIt . 
kiMnimittamabhUdvaira.n shrotumichchhAmi tattvataH .. 40..\\
sukha.n hi kAraNaM shrutvA vairasya tava vAnara . 
Anantarya.n vidhAsyAmi sampradhArya balAbalam .. 41..\\
balavAnhi mamAmarShaH shrutvA tvAmavamAnitam . 
vardhate hR^idayotkampI prAvR^iDvega ivAmbhasaH .. 42..\\
hR^iShTaH kathaya visrabdho yAvadAropyate dhanuH . 
sR^iShTashcha hi mayA bANo nirastash cha ripustava .. 43..\\
evamuktastu sugrIvaH kAkutsthena mahAtmanA . 
praharShamatula.n lebhe chaturbhiH saha vAnaraiH .. 44..\\
tataH prahR^iShTavadanaH sugrIvo lakShmaNAgraje . 
vairasya kAraNa.n tattvamAkhyAtumupachakrame .. 45..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}