\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{3}##
##\begin{center}##
\section{kiShkindhaakaaNDa}
##\end{center}##
\medskip
 9
vAlI nAma mama bhrAtA jyeShThaH shatruniShUdanaH . 
piturbahumato nityaM mama chApi tathA purA .. 1..\\
pitaryuparate.asmAka.n jyeShTho.ayamiti mantribhiH . 
kapInAmIshvaro rAjye kR^itaH paramasaMmataH .. 2..\\
rAjyaM prashAsatastasya pitR^ipaitAmahaM mahat . 
aha.n sarveShu kAleShu praNataH preShyavatsthitaH .. 3..\\
mAyAvI nAma tejasvI pUrvajo dundubheH sutaH . 
tena tasya mahadvaira.n strIkR^itaM vishrutaM purA .. 4..\\
sa tu supte jane rAtrau kiShkindhAdvAramAgataH . 
nardati sma susa.nrabdho vAlina.n chAhvayadraNe .. 5..\\
prasuptastu mama bhrAtA narditaM bhairavasvanam . 
shrutvA na mamR^iShe vAlI niShpapAta javAttadA .. 6..\\
sa tu vai niHsR^itaH krodhAtta.n hantumasurottamam . 
vAryamANastataH strIbhirmayA cha praNatAtmanA .. 7..\\
sa tu nirdhUya sarvAnno nirjagAma mahAbalaH . 
tato.ahamapi sauhArdAnniHsR^ito vAlinA saha .. 8..\\
sa tu me bhrAtara.n dR^iShTvA mAM cha dUrAdavasthitam . 
asuro jAtasantrAsaH pradudrAva tadA bhR^isham .. 9..\\
tasmindravati santraste hyAvA.n drutataraM gatau . 
prakAsho.api kR^ito mArgashchandreNodgachchhatA tadA .. 10..\\
sa tR^iNairAvR^ita.n durgaM dharaNyA vivaraM mahat . 
praviveshAsuro vegAdAvAmAsAdya viShThitau .. 11..\\
taM praviShTa.n ripu.n dR^iShTvA bilaM roShavashaM gataH . 
mAmuvAcha tadA vAlI vachana.n kShubhitendriyaH .. 12..\\
iha tva.n tiShTha sugrIva biladvAri samAhitaH . 
yAvadatra pravishyAhaM nihanmi samare ripum .. 13..\\
mayA tvetadvachaH shrutvA yAchitaH sa parantapa . 
shApayitvA cha mAM padbhyAM pravivesha bila.n tadA .. 14..\\
tasya praviShTasya bila.n sAgraH sa.nvatsaro gataH . 
sthitasya cha mama dvAri sa kAlo vyatyavartata .. 15..\\
aha.n tu naShTaM ta.n GYAtvA snehAdAgatasambhramaH . 
bhrAtaraM na hi pashyAmi pApasha~Nki cha me manaH .. 16..\\
atha dIrghasya kAlasya bilAttasmAdviniHsR^itam . 
saphena.n rudhiraM raktamaha.n dR^iShTvA suduHkhitaH .. 17..\\
nardatAmasurANA.n cha dhvanirme shrotramAgataH . 
nirastasya cha sa~NgrAme kroshato niHsvano guroH .. 18..\\
aha.n tvavagato buddhyA chihnaistairbhrAtara.n hatam . 
pidhAya cha biladvAra.n shilayA girimAtrayA . 
shokArtashchodaka.n kR^itvA kiShkindhAmAgataH sakhe .. 19..\\
gUhamAnasya me tattva.n yatnato mantribhiH shrutam . 
tato.aha.n taiH samAgamya sametairabhiShechitaH .. 20..\\
rAjyaM prashAsatastasya nyAyato mama rAghava . 
AjagAma ripu.n hatvA vAlI tamasurottamam .. 21..\\
abhiShikta.n tu mAM dR^iShTvA krodhAtsa.nraktalochanaH . 
madIyAnmantriNo baddhvA paruSha.n vAkyamabravIt .. 22..\\
nigrahe.api samarthasya taM pApaM prati rAghava . 
na prAvartata me buddhirbhrAtR^igauravayantritA .. 23..\\
mAnaya.nstaM mahAtmAna.n yathAvachchAbhyavAdayam . 
uktAshcha nAshiShastena santuShTenAntarAtmanA .. 24..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}