\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 1
tato rAvaNanItAyAH sItAyAH shatrukarshanaH . 
iyeSha padamanveShTu.n chAraNAcharite pathi .. 1..\\
atha vaidUryavarNeShu shAdvaleShu mahAbalaH . 
dhIraH salilakalpeShu vichachAra yathAsukham .. 2..\\
dvijAnvitrAsayandhImAnurasA pAdapAnharan . 
mR^igAMshcha subahUnnighnanpravR^iddha iva kesarI .. 3..\\
nIlalohitamA~njiShThapadmavarNaiH sitAsitaiH . 
svabhAvavihitaishchitrairdhAtubhiH samala~NkR^itam .. 4..\\
kAmarUpibhirAviShTamabhIkShNa.n saparichchhadaiH . 
yakShakiMnaragandharvairdevakalpaishcha pannagaiH .. 5..\\
sa tasya girivaryasya tale nAgavarAyute . 
tiShThankapivarastatra hrade nAga ivAbabhau .. 6..\\
sa sUryAya mahendrAya pavanAya svayambhuve . 
bhUtebhyashchA~njali.n kR^itvA chakAra gamane matim .. 7..\\
a~njaliM prA~NmukhaH kurvanpavanAyAtmayonaye . 
tato hi vavR^idhe gantu.n dakShiNo dakShiNAM disham .. 8..\\
plava~NgapravarairdR^iShTaH plavane kR^itanishchayaH . 
vavR^idhe rAmavR^iddhyartha.n samudra iva parvasu .. 9..\\
niShpramANa sharIraH sa.Nllila~NghayiShurarNavam . 
bAhubhyAM pIDayAmAsa charaNAbhyA.n cha parvatam .. 10..\\
sa chachAlAchalAshchAru muhUrta.n kapipIDitaH . 
tarUNAM puShpitAgrANA.n sarvaM puShpamashAtayat .. 11..\\
tena pAdapamuktena puShpaugheNa sugandhinA . 
sarvataH sa.nvR^itaH shailo babhau puShpamayo yathA .. 12..\\
tena chottamavIryeNa pIDyamAnaH sa parvataH . 
salila.n samprasusrAva madaM matta iva dvipaH .. 13..\\
pIDyamAnastu balinA mahendrastena parvataH . 
rItirnirvartayAmAsa kA~nchanA~njanarAjatIH . 
mumocha cha shilAH shailo vishAlAH samanaHshilAH .. 14..\\
giriNA pIDyamAnena pIDyamAnAni sarvashaH . 
guhAviShTAni bhUtAni vinedurvikR^itaiH svaraiH .. 15..\\
sa mahAsattvasaMnAdaH shailapIDAnimittajaH . 
pR^ithivIM pUrayAmAsa dishashchopavanAni cha .. 16..\\
shirobhiH pR^ithubhiH sarpA vyaktasvastikalakShaNaiH . 
vamantaH pAvaka.n ghoraM dadaMshurdashanaiH shilAH .. 17..\\
tAstadA saviShairdaShTAH kupitaistairmahAshilAH . 
jajvaluH pAvakoddIptA vibhidushcha sahasradhA .. 18..\\
yAni chauShadhajAlAni tasmi~njAtAni parvate . 
viShaghnAnyapi nAgAnAM na shekuH shamitu.n viSham .. 19..\\
bhidyate.aya.n girirbhUtairiti matvA tapasvinaH . 
trastA vidyAdharAstasmAdutpetuH strIgaNaiH saha .. 20..\\
pAnabhUmigata.n hitvA haimamAsanabhAjanam . 
pAtrANi cha mahArhANi karakAMshcha hiraNmayAn .. 21..\\
lehyAnuchchAvachAnbhakShyAnmA.nsAni vividhAni cha . 
ArShabhANi cha charmANi khaDgAMshcha kanakatsarUn .. 22..\\
kR^itakaNThaguNAH kShIbA raktamAlyAnulepanAH . 
raktAkShAH puShkarAkShAshcha gaganaM pratipedire .. 23..\\
hAranUpurakeyUra pArihArya dharAH striyaH . 
vismitAH sasmitAstasthurAkAshe ramaNaiH saha .. 24..\\
darshayanto mahAvidyA.n vidyAdharamaharShayaH . 
sahitAstasthurAkAshe vIkShA.n chakrush cha parvatam .. 25..\\
shushruvushcha tadA shabdamR^iShINAM bhAvitAtmanAm . 
chAraNAnA.n cha siddhAnA.n sthitAnAM vimale.ambare .. 26..\\
eSha parvatasa~NkAsho hanUmAnmArutAtmajaH . 
titIrShati mahAvega.n samudraM makarAlayam .. 27..\\
rAmArtha.n vAnarArtha.n cha chikIrShankarma duShkaram . 
samudrasya paraM pAra.n duShprApaM prAptumichchhati .. 28..\\
dudhuve cha sa romANi chakampe chAchalopamaH . 
nanAda cha mahAnAda.n sumahAniva toyadaH .. 29..\\
AnupUrvyAchcha vR^itta.n cha lA~NgUla.n romabhish chitam . 
utpatiShyanvichikShepa pakShirAja ivoragam .. 30..\\
tasya lA~NgUlamAviddhamativegasya pR^iShThataH . 
dadR^ishe garuDeneva hriyamANo mahoragaH .. 31..\\
bAhU sa.nstambhayAmAsa mahAparighasaMnibhau . 
sasAda cha kapiH kaTyA.n charaNau sa~ncukopa cha .. 32..\\
sa.nhR^itya cha bhujau shrImA.nstathaiva cha shirodharAm . 
tejaH sattva.n tathA vIryamAvivesha sa vIryavAn .. 33..\\
mArgamAlokayandUrAdUrdhvapraNihitekShaNaH . 
rurodha hR^idaye prANAnAkAshamavalokayan .. 34..\\
padbhyA.n dR^iDhamavasthAnaM kR^itvA sa kapiku~njaraH . 
niku~nchya karNau hanumAnutpatiShyanmahAbalaH . 
vAnarAnvAnarashreShTha ida.n vachanamabravIt .. 35..\\
yathA rAghavanirmuktaH sharaH shvasanavikramaH . 
gachchhettadvadgamiShyAmi la~NkA.n rAvaNapAlitAm .. 36..\\
na hi drakShyAmi yadi tA.n la~NkAyA.n janakAtmajAm . 
anenaiva hi vegena gamiShyAmi surAlayam .. 37..\\
yadi vA tridive sItAM na drakShyAmi kR^itashramaH . 
baddhvA rAkShasarAjAnamAnayiShyAmi rAvaNam .. 38..\\
sarvathA kR^itakAryo.ahameShyAmi saha sItayA . 
AnayiShyAmi vA la~NkA.n samutpATya sarAvaNAm .. 39..\\
evamuktvA tu hanumAnvAnarAnvAnarottamaH . 
utpapAtAtha vegena vegavAnavichArayan .. 40..\\
samutpatati tasmi.nstu vegAtte nagarohiNaH . 
sa.nhR^itya viTapAnsarvAnsamutpetuH samantataH .. 41..\\
sa mattakoyaShTibhakAnpAdapAnpuShpashAlinaH . 
udvahannUruvegena jagAma vimale.ambare .. 42..\\
UruvegoddhatA vR^ikShA muhUrta.n kapimanvayuH . 
prasthita.n dIrghamadhvAna.n svabandhumiva bAndhavAH .. 43..\\
tamUruvegonmathitAH sAlAshchAnye nagottamAH . 
anujagmurhanUmanta.n sainyA iva mahIpatim .. 44..\\
supuShpitAgrairbahubhiH pAdapairanvitaH kapiH . 
hanumAnparvatAkAro babhUvAdbhutadarshanaH .. 45..\\
sAravanto.atha ye vR^ikShA nyamajja.NllavaNAmbhasi . 
bhayAdiva mahendrasya parvatA varuNAlaye .. 46..\\
sa nAnAkusumaiH kIrNaH kapiH sA~NkurakorakaiH . 
shushubhe meghasa~NkAshaH khadyotairiva parvataH .. 47..\\
vimuktAstasya vegena muktvA puShpANi te drumAH . 
avashIryanta salile nivR^ittAH suhR^ido yathA .. 48..\\
laghutvenopapanna.n tadvichitra.n sAgare.apatat . 
drumANA.n vividhaM puShpa.n kapivAyusamIritam .. 49..\\
puShpaugheNAnubaddhena nAnAvarNena vAnaraH . 
babhau megha ivodyanvai vidyudgaNavibhUShitaH .. 50..\\
tasya vegasamudbhUtaiH puShpaistoyamadR^ishyata . 
tArAbhirabhirAmAbhiruditAbhirivAmbaram .. 51..\\
tasyAmbaragatau bAhU dadR^ishAte prasAritau . 
parvatAgrAdviniShkrAntau pa~nchAsyAviva pannagau .. 52..\\
pibanniva babhau chApi sormijAlaM mahArNavam . 
pipAsuriva chAkAsha.n dadR^ishe sa mahAkapiH .. 53..\\
tasya vidyutprabhAkAre vAyumArgAnusAriNaH . 
nayane viprakAshete parvatasthAvivAnalau .. 54..\\
pi~Nge pi~NgAkShamukhyasya bR^ihatI parimaNDale . 
chakShuShI samprakashete chandrasUryAviva sthitau .. 55..\\
mukhaM nAsikayA tasya tAmrayA tAmramAbabhau . 
sandhyayA samabhispR^iShTa.n yathA sUryasya maNDalam .. 56..\\
lA~Ngala.n cha samAviddhaM plavamAnasya shobhate . 
ambare vAyuputrasya shakradhvaja ivochchhritaH .. 57..\\
lA~NgUlachakreNa mahA~nshukladaMShTro.anilAtmajaH . 
vyarochata mahAprAGYaH pariveShIva bhAskaraH .. 58..\\
sphigdeshenAbhitAmreNa rarAja sa mahAkapiH . 
mahatA dAriteneva girirgairikadhAtunA .. 59..\\
tasya vAnarasi.nhasya plavamAnasya sAgaram . 
kakShAntaragato vAyurjImUta iva garjati .. 60..\\
khe yathA nipatatyulkA uttarAntAdviniHsR^itA . 
dR^ishyate sAnubandhA cha tathA sa kapiku~njaraH .. 61..\\
patatpata~Ngasa~NkAsho vyAyataH shushubhe kapiH . 
pravR^iddha iva mAta~NgaH kakShyayA badhyamAnayA .. 62..\\
upariShTAchchharIreNa chhAyayA chAvagADhayA . 
sAgare mArutAviShTA naurivAsIttadA kapiH .. 63..\\
ya.n ya.n deshaM samudrasya jagAma sa mahAkapiH . 
sa sa tasyA~Ngavegena sonmAda iva lakShyate .. 64..\\
sAgarasyormijAlAnAmurasA shailavarShmaNAm . 
abhighna.nstu mahAvegaH pupluve sa mahAkapiH .. 65..\\
kapivAtashcha balavAnmeghavAtashcha niHsR^itaH . 
sAgaraM bhImanirghoSha.n kampayAmAsaturbhR^isham .. 66..\\
vikarShannUrmijAlAni bR^ihanti lavaNAmbhasi . 
atyakrAmanmahAvegastara~NgAngaNayanniva .. 67..\\
plavamAna.n samIkShyAtha bhuja~NgAH sAgarAlayAH . 
vyomni ta.n kapishArdUla.n suparNamiti menire .. 68..\\
dashayojanavistIrNA triMshadyojanamAyatA . 
chhAyA vAnarasi.nhasya jale chArutarAbhavat .. 69..\\
shvetAbhraghanarAjIva vAyuputrAnugAminI . 
tasya sA shushubhe chhAyA vitatA lavaNAmbhasi .. 70..\\
plavamAna.n tu taM dR^iShTvA plavagaM tvaritaM tadA . 
vavR^iShuH puShpavarShANi devagandharvadAnavAH .. 71..\\
tatApa na hi ta.n sUryaH plavantaM vAnareshvaram . 
siSheve cha tadA vAyU rAmakAryArthasiddhaye .. 72..\\
R^iShayastuShTuvushchainaM plavamAna.n vihAyasA . 
jagushcha devagandharvAH prasha.nsanto mahaujasaM .. 73..\\
nAgAshcha tuShTuvuryakShA rakShA.nsi vibudhAH khagAH . 
prekShyAkAshe kapivara.n sahasA vigataklamam .. 74..\\
tasminplavagashArdUle plavamAne hanUmati . 
ikShvAkukulamAnArthI chintayAmAsa sAgaraH .. 75..\\
sAhAyya.n vAnarendrasya yadi nAhaM hanUmataH . 
kariShyAmi bhaviShyAmi sarvavAchyo vivakShatAm .. 76..\\
ahamikShvAkunAthena sagareNa vivardhitaH . 
ikShvAkusachivashchAyaM nAvasIditumarhati .. 77..\\
tathA mayA vidhAtavya.n vishrameta yathA kapiH . 
sheSha.n cha mayi vishrAntaH sukhenAtipatiShyati .. 78..\\
iti kR^itvA mati.n sAdhvIM samudrash chhannamambhasi . 
hiraNyanAbhaM mainAkamuvAcha girisattamam .. 79..\\
tvamihAsurasa~NghAnAM pAtAlatalavAsinAm . 
devarAGYA girishreShTha parighaH saMniveshitaH .. 80..\\
tvameShA.n GYAtavIryANAM punarevotpatiShyatAm . 
pAtAlasyAprameyasya dvAramAvR^itya tiShThasi .. 81..\\
tiryagUrdhvamadhashchaiva shaktiste shailavardhitum . 
tasmAtsa~ncodayAmi tvAmuttiShTha nagasattama .. 82..\\
sa eSha kapishArdUlastvAmuparyeti vIryavAn . 
hanUmAnrAmakAryArthaM bhImakarmA khamAplutaH .. 83..\\
tasya sAhyaM mayA kAryamikShvAkukulavartinaH . 
mama ikShvAkavaH pUjyAH paraM pUjyatamAstava .. 84..\\
kuru sAchivyamasmAkaM na naH kAryamatikramet . 
kartavyamakR^ita.n kArya.n satAM manyumudIrayet .. 85..\\
salilAdUrdhvamuttiShTha tiShThatveSha kapistvayi . 
asmAkamatithishchaiva pUjyashcha plavatA.n varaH .. 86..\\
chAmIkaramahAnAbha devagandharvasevita . 
hanUmA.nstvayi vishrAntastataH sheSha.n gamiShyati .. 87..\\
kAkutsthasyAnR^isha.nsya.n cha maithilyAshcha vivAsanam . 
shrama.n cha plavagendrasya samIkShyotthAtumarhasi .. 88..\\
hiraNyanAbho mainAko nishamya lavaNAmbhasaH . 
utpapAta jalAttUrNaM mahAdrumalatAyutaH .. 89..\\
sa sAgarajalaM bhittvA babhUvAtyutthitastadA . 
yathA jaladharaM bhittvA dIptarashmirdivAkaraH .. 90..\\
shAtakumbhamayaiH shR^i~NgaiH sakiMnaramahoragaiH . 
Adityodayasa~NkAshairAlikhadbhirivAmbaram .. 91..\\
tasya jAmbUnadaiH shR^i~NgaiH parvatasya samutthitaiH . 
AkAsha.n shastrasa~NkAshamabhavatkA~nchanaprabham .. 92..\\
jAtarUpamayaiH shR^i~NgairbhrAjamAnaiH svayaM prabhaiH . 
Adityashatasa~NkAshaH so.abhavadgirisattamaH .. 93..\\
tamutthitamasa~Ngena hanUmAnagrataH sthitam . 
madhye lavaNatoyasya vighno.ayamiti nishchitaH .. 94..\\
sa tamuchchhritamatyarthaM mahAvego mahAkapiH . 
urasA pAtayAmAsa jImUtamiva mArutaH .. 95..\\
sa tadA pAtitastena kapinA parvatottamaH . 
buddhvA tasya kapervega.n jaharSha cha nananda cha .. 96..\\
tamAkAshagata.n vIramAkAshe samavasthitam . 
prIto hR^iShTamanA vAkyamabravItparvataH kapim . 
mAnuSha.n dharayanrUpamAtmanaH shikhare sthitaH .. 97..\\
duShkara.n kR^itavAnkarma tvamida.n vAnarottama . 
nipatya mama shR^i~NgeShu vishramasva yathAsukham .. 98..\\
rAghAvasya kule jAtairudadhiH parivardhitaH . 
sa tvA.n rAmahite yuktaM pratyarchayati sAgaraH .. 99..\\
kR^ite cha pratikartavyameSha dharmaH sanAtanaH . 
so.aya.n tatpratikArArthI tvattaH saMmAnamarhati .. 100..\\
tvannimittamanenAhaM bahumAnAtprachoditaH . 
yojanAnA.n shata.n chApi kapireSha samAplutaH . 
tava sAnuShu vishrAntaH sheShaM prakramatAm iti .. 101..\\
tiShTha tva.n harishArdUla mayi vishramya gamyatAm . 
tadida.n gandhavatsvAdu kandamUlaphalaM bahu . 
tadAsvAdya harishreShTha vishrAnto.anugamiShyasi .. 102..\\
asmAkamapi sambandhaH kapimukhyastvayAsti vai . 
prakhyatastriShu lokeShu mahAguNaparigrahaH .. 103..\\
vegavantaH plavanto ye plavagA mArutAtmaja . 
teShAM mukhyatamaM manye tvAmaha.n kapiku~njara .. 104..\\
atithiH kila pUjArhaH prAkR^ito.api vijAnatA . 
dharma.n jiGYAsamAnena kiM punaryAdR^isho bhavAn .. 105..\\
tva.n hi devavariShThasya mArutasya mahAtmanaH . 
putrastasyaiva vegena sadR^ishaH kapiku~njara .. 106..\\
pUjite tvayi dharmaGYa pUjAM prApnoti mArutaH . 
tasmAttvaM pUjanIyo me shR^iNu chApyatra kAraNam .. 107..\\
pUrva.n kR^itayuge tAta parvatAH pakShiNo.abhavan . 
te.api jagmurdishaH sarvA garuDAnilaveginaH .. 108..\\
tatasteShu prayAteShu devasa~NghAH saharShibhiH . 
bhUtAni cha bhaya.n jagmusteShAM patanasha~NkayA .. 109..\\
tataH kruddhaH sahasrAkShaH parvatAnA.n shatakratuH . 
pakShAMshchichchheda vajreNa tatra tatra sahasrashaH .. 110..\\
sa mAmupagataH kruddho vajramudyamya devarAT . 
tato.aha.n sahasA kShiptaH shvasanena mahAtmanA .. 111..\\
asmi.NllavaNatoye cha prakShiptaH plavagottama . 
guptapakShaH samagrashcha tava pitrAbhirakShitaH .. 112..\\
tato.ahaM mAnayAmi tvAM mAnyo hi mama mArutaH . 
tvayA me hyeSha sambandhaH kapimukhya mahAguNaH .. 113..\\
asminneva~Ngate kArye sAgarasya mamaiva cha . 
prItiM prItamanA kartu.n tvamarhasi mahAkape .. 114..\\
shramaM mokShaya pUjA.n cha gR^ihANa kapisattama . 
prIti.n cha bahumanyasva prIto.asmi tava darshanAt .. 115..\\
evamuktaH kapishreShThastaM nagottamamabravIt . 
prIto.asmi kR^itamAtithyaM manyureSho.apanIyatAm .. 116..\\
tvarate kAryakAlo me ahashchApyativartate . 
pratiGYA cha mayA dattA na sthAtavyamihAntarA .. 117..\\
ityuktvA pANinA shailamAlabhya haripu~NgavaH . 
jagAmAkAshamAvishya vIryavAnprahasanniva .. 118..\\
sa parvatasamudrAbhyAM bahumAnAdavekShitaH . 
pUjitashchopapannAbhirAshIrbhiranilAtmajaH .. 119..\\
athordhva.n dUramutpatya hitvA shailamahArNavau . 
pituH panthAnamAsthAya jagAma vimale.ambare .. 120..\\
bhUyashchordhvagatiM prApya giri.n tamavalokayan . 
vAyusUnurnirAlambe jagAma vimale.ambare .. 121..\\
taddvitIya.n hanumato dR^iShTvA karma suduShkaram . 
prashasha.nsuH surAH sarve siddhAshcha paramarShayaH .. 122..\\
devatAshchAbhavanhR^iShTAstatrasthAstasya karmaNA . 
kA~nchanasya sunAbhasya sahasrAkShashcha vAsavaH .. 123..\\
uvAcha vachana.n dhImAnparitoShAtsagadgadam . 
sunAbhaM parvatashreShTha.n svayameva shachIpatiH .. 124..\\
hiraNyanAbhashailendraparituShTo.asmi te bhR^isham . 
abhaya.n te prayachchhAmi tiShTha saumya yathAsukham .. 125..\\
sAhya.n kR^itaM te sumahadvikrAntasya hanUmataH . 
kramato yojanashataM nirbhayasya bhaye sati .. 126..\\
rAmasyaiSha hi dautyena yAti dAsharatherhariH . 
satkriyA.n kurvatA shakyA toShito.asmi dR^iDhaM tvayA .. 127..\\
tataH praharShamalabhadvipulaM parvatottamaH . 
devatAnAM pati.n dR^iShTvA parituShTa.n shatakratum .. 128..\\
sa vai dattavaraH shailo babhUvAvasthitastadA . 
hanUmAMshcha muhUrtena vyatichakrAma sAgaram .. 129..\\
tato devAH sagandharvAH siddhAshcha paramarShayaH . 
abruvansUryasa~NkAshA.n surasAM nAgamAtaram .. 130..\\
aya.n vAtAtmajaH shrImAnplavate sAgaropari . 
hanUmAnnAma tasya tvaM muhUrta.n vighnamAchara .. 131..\\
rAkShasa.n rUpamAsthAya sughoraM parvatopamam . 
daMShTrAkarAlaM pi~NgAkSha.n vaktra.n kR^itvA nabhaHspR^isham .. 132..\\
balamichchhAmahe GYAtuM bhUyashchAsya parAkramam . 
tvA.n vijeShyatyupAyena viShadaM vA gamiShyati .. 133..\\
evamuktA tu sA devI daivatairabhisatkR^itA . 
samudramadhye surasA bibhratI rAkShasa.n vapuH .. 134..\\
vikR^ita.n cha virUpaM cha sarvasya cha bhayAvaham . 
plavamAna.n hanUmantamAvR^ityedamuvAcha ha .. 135..\\
mama bhakShaH pradiShTastvamIshvarairvAnararShabha . 
aha.n tvAM bhakShayiShyAmi pravishedaM mamAnanam .. 136..\\
evamuktaH surasayA prA~njalirvAnararShabhaH . 
prahR^iShTavadanaH shrImAnida.n vachanamabravIt .. 137..\\
rAmo dAsharathirnAma praviShTo daNDakAvanam . 
lakShmaNena saha bhrAtrA vaidehyA chApi bhAryayA .. 138..\\
asya kAryaviShaktasya baddhavairasya rAkShasaiH . 
tasya sItA hR^itA bhAryA rAvaNena yashasvinI .. 139..\\
tasyAH sakAsha.n dUto.ahaM gamiShye rAmashAsanAt . 
kartumarhasi rAmasya sAhya.n viShayavAsini .. 140..\\
atha vA maithilI.n dR^iShTvA rAmaM chAkliShTakAriNam . 
AgamiShyAmi te vaktra.n satyaM pratishR^iNomi te .. 141..\\
evamuktA hanumatA surasA kAmarUpiNI . 
abravInnAtivartenmA.n kashchideSha varo mama .. 142..\\
evamuktaH surasayA kruddho vAnarapu~NgavaH . 
abravItkuru vai vaktra.n yena mAM viShahiShyase .. 143..\\
ityuktvA surasA.n kruddho dashayojanamAyataH . 
dashayojanavistAro babhUva hanumA.nstadA .. 144..\\
ta.n dR^iShTvA meghasa~NkAshaM dashayojanamAyatam . 
chakAra surasApyAsya.n viMshadyojanamAyatam .. 145..\\
hanumA.nstu tataH kruddhastriMshadyojanamAyataH . 
chakAra surasA vaktra.n chatvAriMshattathochchhritam .. 146..\\
babhUva hanumAnvIraH pa~nchAshadyojanochchhritaH . 
chakAra surasA vaktra.n ShaShTiyojanamAyatam .. 147..\\
tathaiva hanumAnvIraH saptati.n yojanochchhritaH . 
chakAra surasA vaktramashIti.n yojanAyatam .. 148..\\
hanUmAnachala prakhyo navati.n yojanochchhritaH . 
chakAra surasA vaktra.n shatayojanamAyatam .. 149..\\
taddR^iShTvA vyAdita.n tvAsya.n vAyuputraH sa buddhimAn . 
dIrghajihva.n surasayA sughoraM narakopamam .. 150..\\
sa sa~NkShipyAtmanaH kAya.n jImUta iva mArutiH . 
tasminmuhUrte hanumAnbabhUvA~NguShThamAtrakaH .. 151..\\
so.abhipatyAshu tadvaktraM niShpatya cha mahAjavaH . 
antarikShe sthitaH shrImAnida.n vachanamabravIt .. 152..\\
praviShTo.asmi hi te vaktra.n dAkShAyaNi namo.astu te . 
gamiShye yatra vaidehI satya.n chAstu vachastava .. 153..\\
ta.n dR^iShTvA vadanAnmuktaM chandra.n rAhumukhAdiva . 
abravItsurasA devI svena rUpeNa vAnaram .. 154..\\
arthasiddhyai harishreShTha gachchha saumya yathAsukham . 
samAnaya cha vaidehI.n rAghaveNa mahAtmanA .. 155..\\
tattR^itIya.n hanumato dR^iShTvA karma suduShkaram . 
sAdhu sAdhviti bhUtAni prashasha.nsustadA harim .. 156..\\
sa sAgaramanAdhR^iShyamabhyetya varuNAlayam . 
jagAmAkAshamAvishya vegena garuNopamaH .. 157..\\
sevite vAridhAribhiH patagaishcha niShevite . 
charite kaishikAchAryairairAvataniShevite .. 158..\\
si.nhaku~njarashArdUlapatagoragavAhanaiH . 
vimAnaiH sampatadbhishcha vimalaiH samala~NkR^ite .. 159..\\
vajrAshanisamAghAtaiH pAvakairupashobhite . 
kR^itapuNyairmahAbhAgaiH svargajidbhirala~NkR^ite .. 160..\\
bahatA havyamatyanta.n sevite chitrabhAnunA . 
grahanakShatrachandrArkatArAgaNavibhUShite .. 161..\\
maharShigaNagandharvanAgayakShasamAkule . 
vivikte vimale vishve vishvAvasuniShevite .. 162..\\
devarAjagajAkrAnte chandrasUryapathe shive . 
vitAne jIvalokasya vitato brahmanirmite .. 163..\\
bahushaH sevite vIrairvidyAdharagaNairvaraiH . 
kapinA kR^iShyamANAni mahAbhrANi chakAshire .. 164..\\
pravishannabhrajAlAni niShpataMshcha punaH punaH . 
prAvR^iShIndurivAbhAti niShpatanpravisha.nstadA .. 165..\\
plavamAna.n tu taM dR^iShTvA si.nhikA nAma rAkShasI . 
manasA chintayAmAsa pravR^iddhA kAmarUpiNI .. 166..\\
adya dIrghasya kAlasya bhaviShyAmyahamAshitA . 
ida.n hi me mahatsattva.n chirasya vashamAgatam .. 167..\\
iti sa~ncintya manasA chhAyAmasya samakShipat . 
chhAyAyA.n sa~NgR^ihItAyA.n chintayAmAsa vAnaraH .. 168..\\
samAkShipto.asmi sahasA pa~NgUkR^itaparAkramaH . 
pratilomena vAtena mahAnauriva sAgare .. 169..\\
tiryagUrdhvamadhashchaiva vIkShamANastataH kapiH . 
dadarsha sa mahAsattvamutthita.n lavaNAmbhasi .. 170..\\
kapirAGYA yadAkhyAta.n sattvamadbhutadarshanam . 
chhAyAgrAhi mahAvIrya.n tadidaM nAtra saMshayaH .. 171..\\
sa tAM buddhvArthatattvena si.nhikAM matimAnkapiH . 
vyavardhata mahAkAyaH prAvR^iShIva balAhakaH .. 172..\\
tasya sA kAyamudvIkShya vardhamAnaM mahAkapeH . 
vaktraM prasArayAmAsa pAtAlAmbarasaMnibham .. 173..\\
sa dadarsha tatastasyA vikR^ita.n sumahanmukham . 
kAyamAtra.n cha medhAvI marmANi cha mahAkapiH .. 174..\\
sa tasyA vivR^ite vaktre vajrasa.nhananaH kapiH . 
sa~NkShipya muhurAtmAnaM niShpapAta mahAbalaH .. 175..\\
Asye tasyA nimajjanta.n dadR^ishuH siddhachAraNAH . 
grasyamAna.n yathA chandraM pUrNaM parvaNi rAhuNA .. 176..\\
tatastasya nakhaistIkShNairmarmANyutkR^itya vAnaraH . 
utpapAtAtha vegena manaHsampAtavikramaH .. 177..\\
tA.n hatAM vAnareNAshu patitAM vIkShya si.nhikAm . 
bhUtAnyAkAshachArINi tamUchuH plavagarShabham .. 178..\\
bhImamadya kR^ita.n karma mahatsattvaM tvayA hatam . 
sAdhayArthamabhipretamariShTaM plavatA.n vara .. 179..\\
yasya tvetAni chatvAri vAnarendra yathA tava . 
dhR^itirdR^iShTirmatirdAkShya.n sa karmasu na sIdati .. 180..\\
sa taiH sambhAvitaH pUjyaH pratipannaprayojanaH . 
jagAmAkAshamAvishya pannagAshanavatkapiH .. 181..\\
prAptabhUyiShTha pArastu sarvataH pratilokayan . 
yojanAnA.n shatasyAnte vanarAji.n dadarsha saH .. 182..\\
dadarsha cha patanneva vividhadrumabhUShitam . 
dvIpa.n shAkhAmR^igashreShTho malayopavanAni cha .. 183..\\
sAgara.n sAgarAnUpAnsAgarAnUpajAndrumAn . 
sAgarasya cha patnInAM mukhAnyapi vilokayan .. 184..\\
sa mahAmeghasa~NkAsha.n samIkShyAtmAnamAtmanA . 
nirundhantamivAkAsha.n chakAra matimAnmatim .. 185..\\
kAyavR^iddhiM pravega.n cha mama dR^iShTvaiva rAkShasAH . 
mayi kautUhala.n kuryuriti mene mahAkapiH .. 186..\\
tataH sharIra.n sa~NkShipya tanmahIdharasaMnibham . 
punaH prakR^itimApede vItamoha ivAtmavAn .. 187..\\
sa chArunAnAvidharUpadhArI 
para.n samAsAdya samudratIram . 
parairashakyapratipannarUpaH 
samIkShitAtmA samavekShitArthaH .. 188..\\
tataH sa lambasya gireH samR^iddhe 
vichitrakUTe nipapAta kUTe . 
saketakoddAlakanAlikere 
mahAdrikUTapratimo mahAtmA .. 189..\\
sa sAgara.n dAnavapannagAyutaM 
balena vikramya mahormimAlinam . 
nipatya tIre cha mahodadhestadA 
dadarsha la~NkAmamarAvatIm iva .. 190..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}