\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 10
sa tasya madhye bhavanasya vAnaro 
latAgR^ihAMshchitragR^ihAnnishAgR^ihAn . 
jagAma sItAM prati darshanotsuko 
na chaiva tAM pashyati chArudarshanAm .. 1..\\
sa chintayAmAsa tato mahAkapiH 
priyAmapashyanraghunandanasya tAm . 
dhruvaM nu sItA mriyate yathA na me 
vichinvato darshanameti maithilI .. 2..\\
sA rAkShasAnAM pravareNa bAlA 
svashIlasa.nrakShaNa tatparA satI . 
anena nUnaM pratiduShTakarmaNA 
hatA bhavedAryapathe pare sthitA .. 3..\\
virUparUpA vikR^itA vivarchaso 
mahAnanA dIrghavirUpadarshanAH . 
samIkShya sA rAkShasarAjayoShito 
bhayAdvinaShTA janakeshvarAtmajA .. 4..\\
sItAmadR^iShTvA hyanavApya pauruShaM 
vihR^itya kAla.n saha vAnaraish chiram . 
na me.asti sugrIvasamIpagA gatiH 
sutIkShNadaNDo balavAMshcha vAnaraH .. 5..\\
dR^iShTamantaHpura.n sarva.n dR^iShTvA rAvaNayoShitaH . 
na sItA dR^ishyate sAdhvI vR^ithA jAto mama shramaH .. 6..\\
kiM nu mA.n vAnarAH sarve gataM vakShyanti sa~NgatAH . 
gatvA tatra tvayA vIra ki.n kR^itaM tadvadasva naH .. 7..\\
adR^iShTvA kiM pravakShyAmi tAmaha.n janakAtmajAm . 
dhruvaM prAyamupeShyanti kAlasya vyativartane .. 8..\\
ki.n vA vakShyati vR^iddhashcha jAmbavAna~Ngadashcha saH . 
gataM pAra.n samudrasya vAnarAshcha samAgatAH .. 9..\\
anirvedaH shriyo mUlamanirvedaH para.n sukham . 
bhUyastAvadvicheShyAmi na yatra vichayaH kR^itaH .. 10..\\
anirvedo hi satata.n sarvArtheShu pravartakaH . 
karoti saphala.n jantoH karma yachcha karoti saH .. 11..\\
tasmAdanirveda kR^ita.n yatna.n cheShTe.ahamuttamam . 
adR^iShTAMshcha vicheShyAmi deshAnrAvaNapAlitAn .. 12..\\
ApAnashAlAvichitAstathA puShpagR^ihANi cha . 
chitrashAlAshcha vichitA bhUyaH krIDAgR^ihANi cha .. 13..\\
niShkuTAntararathyAshcha vimAnAni cha sarvashaH . 
iti sa~ncintya bhUyo.api vichetumupachakrame .. 14..\\
bhUmIgR^ihAMshchaityagR^ihAngR^ihAtigR^ihakAnapi . 
utpatannipataMshchApi tiShThangachchhanpunaH kva chit .. 15..\\
apAvR^iNvaMshcha dvArANi kapATAnyavaghaTTayan . 
pravishanniShpataMshchApi prapatannutpatannapi . 
sarvamapyavakAsha.n sa vichachAra mahAkapiH .. 16..\\
chatura~NgulamAtro.api nAvakAshaH sa vidyate . 
rAvaNAntaHpure tasminya.n kapirna jagAma saH .. 17..\\
prAkarAntararathyAshcha vedikashchaityasaMshrayAH . 
shvabhrAshcha puShkariNyashcha sarva.n tenAvalokitam .. 18..\\
rAkShasyo vividhAkArA virUpA vikR^itAstathA . 
dR^iShTA hanUmatA tatra na tu sA janakAtmajA .. 19..\\
rUpeNApratimA loke varA vidyAdhara striyaH . 
dR^iTA hanUmatA tatra na tu rAghavanandinI .. 20..\\
nAgakanyA varArohAH pUrNachandranibhAnanAH . 
dR^iShTA hanUmatA tatra na tu sItA sumadhyamA .. 21..\\
pramathya rAkShasendreNa nAgakanyA balAddhR^itAH . 
dR^iShTA hanUmatA tatra na sA janakanandinI .. 22..\\
so.apashya.nstAM mahAbAhuH pashyaMshchAnyA varastriyaH . 
viShasAda mahAbAhurhanUmAnmArutAtmajaH .. 23..\\
udyoga.n vAnarendrANaM plavanaM sAgarasya cha . 
vyartha.n vIkShyAnilasutashchintAM punarupAgamat .. 24..\\
avatIrya vimAnAchcha hanUmAnmArutAtmajaH . 
chintAmupajagAmAtha shokopahatachetanaH .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}