\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 13
sa vIkShamANastatrastho mArgamANashcha maithilIm . 
avekShamANashcha mahI.n sarvA.n tAmanvavaikShata .. 1..\\
santAna kalatAbhishcha pAdapairupashobhitAm . 
divyagandharasopetA.n sarvataH samala~NkR^itAm .. 2..\\
tA.n sa nandanasa~NkAshAM mR^igapakShibhirAvR^itAm . 
harmyaprAsAdasambAdhA.n kokilAkulaniHsvanAm .. 3..\\
kA~nchanotpalapadmAbhirvApIbhirupashobhitAm . 
bahvAsanakuthopetAM bahubhUmigR^ihAyutAm .. 4..\\
sarvartukusumai ramyaiH phalavadbhishcha pAdapaiH . 
puShpitAnAmashokAnA.n shriyA sUryodayaprabhAm .. 5..\\
pradIptAmiva tatrastho mArutiH samudaikShata . 
niShpatrashAkhA.n vihagaiH kriyamANAmivAsakR^it . 
viniShpatadbhiH shatashashchitraiH puShpAvata.nsakaiH .. 6..\\
AmUlapuShpanichitairashokaiH shokanAshanaiH . 
puShpabhArAtibhAraishcha spR^ishadbhiriva medinIm .. 7..\\
karNikAraiH kusumitaiH kiMshukaishcha supuShpitaiH . 
sa deshaH prabhayA teShAM pradIpta iva sarvataH .. 8..\\
puMnAgAH saptaparNAshcha champakoddAlakAstathA . 
vivR^iddhamUlA bahavaH shobhante sma supuShpitAH .. 9..\\
shAtakumbhanibhAH ke chitke chidagnishikhopamAH . 
nIlA~njananibhAH ke chittatrAshokAH sahasrashaH .. 10..\\
nandana.n vividhodyAna.n chitraM chaitrarathaM yathA . 
ativR^ittamivAchintya.n divya.n ramyaM shriyA vR^itam .. 11..\\
dvitIyamiva chAkAshaM puShpajyotirgaNAyutam . 
puShparatnashataishchitraM pa~nchama.n sAgaraM yathA .. 12..\\
sarvartupuShpairnichitaM pAdapairmadhugandhibhiH . 
nAnAninAdairudyAna.n ramyaM mR^igagaNairdvijaiH .. 13..\\
anekagandhapravahaM puNyagandhaM manoramam . 
shailendramiva gandhADhya.n dvitIyaM gandhamAdanam .. 14..\\
ashokavanikAyA.n tu tasyA.n vAnarapu~NgavaH . 
sa dadarshAvidUrastha.n chaityaprAsAdamUrjitam .. 15..\\
madhye stambhasahasreNa sthita.n kailAsapANDuram . 
pravAlakR^itasopAna.n taptakA~nchanavedikam .. 16..\\
muShNantamiva chakShUMShi dyotamAnamiva shriyA . 
vimalaM prAMshubhAvatvAdullikhantamivAmbaram .. 17..\\
tato malinasa.nvItA.n rAkShasIbhiH samAvR^itAm . 
upavAsakR^ishA.n dInAM niHshvasAntIM punaH punaH . 
dadarsha shuklapakShAdau chandrarekhAmivAmalAm .. 18..\\
mandaprakhyAyamAnena rUpeNa ruchiraprabhAm . 
pinaddhA.n dhUmajAlena shikhAmiva vibhAvasoH .. 19..\\
pItenaikena sa.nvItA.n kliShTenottamavAsasA . 
sapa~NkAmanala~NkArA.n vipadmAmiva padminIm .. 20..\\
vrIDitA.n duHkhasantaptAM parimlAnAM tapasvinIm . 
graheNA~NgArakeNaiva pIDitAmiva rohiNIm .. 21..\\
ashrupUrNamukhI.n dInAM kR^ishAmananashena cha . 
shokadhyAnaparA.n dInAM nityaM duHkhaparAyaNAm .. 22..\\
priya.n janamapashyantIM pashyantI.n rAkShasIgaNam . 
svagaNena mR^igI.n hInAM shvagaNAbhivR^itAm iva .. 23..\\
nIlanAgAbhayA veNyA jaghana.n gatayaikayA . 
sukhArhA.n duHkhasantaptA.n vyasanAnAmakodivAm .. 24..\\
tA.n samIkShya vishAlAkShImadhikaM malinA.n kR^ishAm . 
tarkayAmAsa sIteti kAraNairupapAdibhiH .. 25..\\
hriyamANA tadA tena rakShasA kAmarUpiNA . 
yathArUpA hi dR^iShTA vai tathArUpeyama~NganA .. 26..\\
pUrNachandrAnanA.n subhrU.n chAruvR^ittapayodharAm . 
kurvantIM prabhayA devI.n sarvA vitimirA dishaH .. 27..\\
tAM nIlakeshIM bimbauShThI.n sumadhyAM supratiShThitAm . 
sItAM padmapalAshAkShIM manmathasya rati.n yathA .. 28..\\
iShTA.n sarvasya jagataH pUrNachandraprabhAm iva . 
bhUmau sutanumAsInAM niyatAmiva tApasIm .. 29..\\
niHshvAsabahulAM bhIruM bhujagendravadhUm iva . 
shokajAlena mahatA vitatena na rAjatIm .. 30..\\
sa.nsaktA.n dhUmajAlena shikhAmiva vibhAvasoH . 
tA.n smR^itImiva sandighdAmR^iddhiM nipatitAm iva .. 31..\\
vihatAmiva cha shraddhAmAshAM pratihatAm iva . 
sopasargA.n yathA siddhiM buddhiM sakaluShAm iva .. 32..\\
abhUtenApavAdena kIrtiM nipatitAm iva . 
rAmoparodhavyathitA.n rakShoharaNakarshitAm .. 33..\\
abalAM mR^igashAvAkShI.n vIkShamANA.n tatastataH . 
bAShpAmbupratipUrNena kR^iShNavaktrAkShipakShmaNA . 
vadanenAprasannena niHshvasantIM punaH punaH .. 34..\\
malapa~NkadharA.n dInAM maNDanArhAmamaNDitAm . 
prabhAM nakShatrarAjasya kAlameghairivAvR^itAm .. 35..\\
tasya sandidihe buddhirmuhuH sItAM nirIkShya tu . 
AmnAyAnAmayogena vidyAM prashithilAm iva .. 36..\\
duHkhena bubudhe sItA.n hanumAnanala~NkR^itAm . 
sa.nskAreNa yathAhInA.n vAchamarthAntara.n gatAm .. 37..\\
tA.n samIkShya vishAlAkShIM rAjaputrImaninditAm . 
tarkayAmAsa sIteti kAraNairupapAdayan .. 38..\\
vaidehyA yAni chA~NgeShu tadA rAmo.anvakIrtayat . 
tAnyAbharaNajAlAni gAtrashobhInyalakShayat .. 39..\\
sukR^itau karNaveShTau cha shvadaMShTrau cha susa.nsthitau . 
maNividrumachitrANi hasteShvAbharaNAni cha .. 40..\\
shyAmAni chirayuktatvAttathA sa.nsthAnavanti cha . 
tAnyevaitAni manye.aha.n yAni rAmo.avnakIrtayat .. 41..\\
tatra yAnyavahInAni tAnyahaM nopalakShaye . 
yAnyasyA nAvahInAni tAnImAni na saMshayaH .. 42..\\
pIta.n kanakapaTTAbha.n srastaM tadvasanaM shubham . 
uttarIyaM nagAsakta.n tadA dR^iShTaM plava~NgamaiH .. 43..\\
bhUShaNAni cha mukhyAni dR^iShTAni dharaNItale . 
anayaivApaviddhAni svanavanti mahAnti cha .. 44..\\
ida.n chiragR^ihItatvAdvasanaM kliShTavattaram . 
tathA hi nUna.n tadvarNaM tathA shrImadyathetarat .. 45..\\
iya.n kanakavarNA~NgI rAmasya mahiShI priyA . 
pranaShTApi satI yasya manaso na praNashyati .. 46..\\
iya.n sA yatkR^ite rAmashchaturbhiH paritapyate . 
kAruNyenAnR^isha.nsyena shokena madanena cha .. 47..\\
strI pranaShTeti kAruNyAdAshritetyAnR^isha.nsyataH . 
patnI naShTeti shokena priyeti madanena cha .. 48..\\
asyA devyA yathA rUpama~Ngapratya~NgasauShThavam . 
rAmasya cha yathArUpa.n tasyeyamasitekShaNA .. 49..\\
asyA devyA manastasmi.nstasya chAsyAM pratiShThitam . 
teneya.n sa cha dharmAtmA muhUrtamapi jIvati .. 50..\\
duShkara.n kurute rAmo ya imAM mattakAshinIm . 
sItA.n vinA mahAbAhurmuhUrtamapi jIvati .. 51..\\
eva.n sItA.n tadA dR^iShTvA hR^iShTaH pavanasambhavaH . 
jagAma manasA rAmaM prashasha.nsa cha taM prabhum .. 52..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}