\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 14
prashasya tu prashastavyA.n sItA.n tAM haripu~NgavaH . 
guNAbhirAma.n rAma.n cha punashchintAparo.abhavat .. 1..\\
sa muhUrtamiva dhyAtvA bAShpaparyAkulekShaNaH . 
sItAmAshritya tejasvI hanumAnvilalApa ha .. 2..\\
mAnyA guruvinItasya lakShmaNasya gurupriyA . 
yadi sItApi duHkhArtA kAlo hi duratikramaH .. 3..\\
rAmasya vyavasAyaGYA lakShmaNasya cha dhImataH . 
nAtyartha.n kShubhyate devI ga~Ngeva jaladAgame .. 4..\\
tulyashIlavayovR^ittA.n tulyAbhijanalakShaNAm . 
rAghavo.arhati vaidehI.n taM cheyamasitekShaNA .. 5..\\
tA.n dR^iShTvA navahemAbhA.n lokakAntAmiva shriyam . 
jagAma manasA rAma.n vachana.n chedamabravIt .. 6..\\
asyA hetorvishAlAkShyA hato vAlI mahAbalaH . 
rAvaNapratimo vIrye kabandhashcha nipAtitaH .. 7..\\
virAdhashcha hataH sa~Nkhye rAkShaso bhImavikramaH . 
vane rAmeNa vikramya mahendreNeva shambaraH .. 8..\\
chaturdashasahasrANi rakShasAM bhImakarmaNAm . 
nihatAni janasthAne sharairagnishikhopamaiH .. 9..\\
kharashcha nihataH sa~Nkhye trishirAshcha nipAtitaH . 
dUShaNashcha mahAtejA rAmeNa viditAtmanA .. 10..\\
aishvarya.n vAnarANA.n cha durlabhaM vAlipAlitam . 
asyA nimitte sugrIvaH prAptavA.NllokasatkR^itam .. 11..\\
sAgarashcha mayA krAntaH shrImAnnadanadIpatiH . 
asyA hetorvishAlAkShyAH purI cheyaM nirIkShitA .. 12..\\
yadi rAmaH samudrAntAM medinIM parivartayet . 
asyAH kR^ite jagachchApi yuktamityeva me matiH .. 13..\\
rAjya.n vA triShu lokeShu sItA vA janakAtmajA . 
trailokyarAjya.n sakalaM sItAyA nApnuyAtkalAm .. 14..\\
iya.n sA dharmashIlasya maithilasya mahAtmanaH . 
sutA janakarAjasya sItA bhartR^idR^iDhavratA .. 15..\\
utthitA medinIM bhittvA kShetre halamukhakShate . 
padmareNunibhaiH kIrNA shubhaiH kedArapA.nsubhiH .. 16..\\
vikrAntasyAryashIlasya sa.nyugeShvanivartinaH . 
snuShA dasharathasyaiShA jyeShThA rAGYo yashasvinI .. 17..\\
dharmaGYasya kR^itaGYasya rAmasya viditAtmanaH . 
iya.n sA dayitA bhAryA rAkShasI vashamAgatA .. 18..\\
sarvAnbhogAnparityajya bhartR^isnehabalAtkR^itA . 
achintayitvA duHkhAni praviShTA nirjana.n vanam .. 19..\\
santuShTA phalamUlena bhartR^ishushrUShaNe ratA . 
yA parAM bhajate prIti.n vane.api bhavane yathA .. 20..\\
seya.n kanakavarNA~NgI nitya.n susmitabhAShiNI . 
sahate yAtanAmetAmanarthAnAmabhAginI .. 21..\\
imA.n tu shIlasampannAM draShTumichchhati rAghavaH . 
rAvaNena pramathitAM prapAmiva pipAsitaH .. 22..\\
asyA nUnaM punarlAbhAdrAghavaH prItimeShyati . 
rAjA rAjyaparibhraShTaH punaH prApyeva medinIm .. 23..\\
kAmabhogaiH parityaktA hInA bandhujanena cha . 
dhArayatyAtmano deha.n tatsamAgamakA~NkShiNI .. 24..\\
naiShA pashyati rAkShasyo nemAnpuShpaphaladrumAn . 
ekasthahR^idayA nUna.n rAmamevAnupashyati .. 25..\\
bhartA nAma paraM nAryA bhUShaNaM bhUShaNAdapi . 
eShA hi rahitA tena shobhanArhA na shobhate .. 26..\\
duShkara.n kurute rAmo hIno yadanayA prabhuH . 
dhArayatyAtmano dehaM na duHkhenAvasIdati .. 27..\\
imAmasitakeshAntA.n shatapatranibhekShaNAm . 
sukhArhA.n duHkhitAM dR^iShTvA mamApi vyathitaM manaH .. 28..\\
kShitikShamA puShkarasaMnibhAkShI 
yA rakShitA rAghavalakShmaNAbhyAm . 
sA rAkShasIbhirvikR^itekShaNAbhiH 
sa.nrakShyate samprati vR^ikShamUle .. 29..\\
himahatanalinIva naShTashobhA 
vyasanaparamparayA nipIDyamAnA . 
sahachararahiteva chakravAkI 
janakasutA kR^ipaNA.n dashAM prapannA .. 30..\\
asyA hi puShpAvanatAgrashAkhAH 
shoka.n dR^iDha.n vai janayatyashokAH . 
himavyapAyena cha mandarashmir 
abhyutthito naikasahasrarashmiH .. 31..\\
ityevamartha.n kapiranvavekShya 
sIteyamityeva niviShTabuddhiH . 
saMshritya tasminniShasAda vR^ikShe 
balI harINAmR^iShabhastarasvI .. 32..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}