\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 15
tataH kumudaShaNDAbho nirmalaM nirmalaH svayam . 
prajagAma nabhashchandro ha.nso nIlamivodakam .. 1..\\
sAchivyamiva kurvansa prabhayA nirmalaprabhaH . 
chandramA rashmibhiH shItaiH siSheve pavanAtmajam .. 2..\\
sa dadarsha tataH sItAM pUrNachandranibhAnanAm . 
shokabhArairiva nyastAM bhArairnAvamivAmbhasi .. 3..\\
didR^ikShamANo vaidehI.n hanUmAnmArutAtmajaH . 
sa dadarshAvidUrasthA rAkShasIrghoradarshanAH .. 4..\\
ekAkShImekakarNA.n cha karNaprAvaraNAM tathA . 
akarNA.n sha~NkukarNA.n cha mastakochchhvAsanAsikAm .. 5..\\
atikAyottamA~NgI.n cha tanudIrghashirodharAm . 
dhvastakeshI.n tathAkeshIM keshakambaladhAriNIm .. 6..\\
lambakarNalalATA.n cha lambodarapayodharAm . 
lambauShThI.n chibukauShThIM cha lambAsyA.n lambajAnukAm .. 7..\\
hrasvA.n dIrghAM cha kubjAM cha vikaTA.n vAmanAM tathA . 
karAlAM bhugnavastrA.n cha pi~NgAkShI.n vikR^itAnanAm .. 8..\\
vikR^itAH pi~NgalAH kAlIH krodhanAH kalahapriyAH . 
kAlAyasamahAshUlakUTamudgaradhAriNIH .. 9..\\
varAhamR^igashArdUlamahiShAjashivA mukhAH . 
gajoShTrahayapAdAshcha nikhAtashiraso.aparAH .. 10..\\
ekahastaikapAdAshcha kharakarNyashvakarNikAH . 
gokarNIrhastikarNIshcha harikarNIstathAparAH .. 11..\\
anAsA atinAsAshcha tiryannAsA vinAsikAH . 
gajasaMnibhanAsAshcha lalATochchhvAsanAsikAH .. 12..\\
hastipAdA mahApAdA gopAdAH pAdachUlikAH . 
atimAtrashirogrIvA atimAtrakuchodarIH .. 13..\\
atimAtrAsya netrAshcha dIrghajihvAnakhAstathA . 
ajAmukhIrhastimukhIrgomukhIH sUkarImukhIH .. 14..\\
hayoShTrakharavaktrAshcha rAkShasIrghoradarshanAH . 
shUlamudgarahastAshcha krodhanAH kalahapriyAH .. 15..\\
karAlA dhUmrakeshIshcha rakShasIrvikR^itAnanAH . 
pibantIH satataM pAna.n sadA mA.nsasurApriyAH .. 16..\\
mA.nsashoNitadigdhA~NgIrmA.nsashoNitabhojanAH . 
tA dadarsha kapishreShTho romaharShaNadarshanAH .. 17..\\
skandhavantamupAsInAH parivArya vanaspatim . 
tasyAdhastAchcha tA.n devI.n rAjaputrImaninditAm .. 18..\\
lakShayAmAsa lakShmIvAnhanUmA~njanakAtmajAm . 
niShprabhA.n shokasantaptAM malasa~NkulamUrdhajAm .. 19..\\
kShINapuNyA.n chyutAM bhUmau tArAM nipatitAm iva . 
chAritrya vyapadeshADhyAM bhartR^idarshanadurgatAm .. 20..\\
bhUShaNairuttamairhInAM bhartR^ivAtsalyabhUShitAm . 
rAkShasAdhipasa.nruddhAM bandhubhishcha vinAkR^itAm .. 21..\\
viyUthA.n si.nhasa.nruddhAM baddhA.n gajavadhUm iva . 
chandralekhAM payodAnte shAradAbhrairivAvR^itAm .. 22..\\
kliShTarUpAmasa.nsparshAdayuktAmiva vallakIm . 
sItAM bhartR^ihite yuktAmayuktA.n rakShasAM vashe .. 23..\\
ashokavanikAmadhye shokasAgaramAplutAm . 
tAbhiH parivR^itA.n tatra sagrahAmiva rohiNIm .. 24..\\
dadarsha hanumAndevI.n latAmakusumAm iva . 
sA malena cha digdhA~NgI vapuShA chApyala~NkR^itA .. 25..\\
mR^iNAlI pa~Nkadighdeva vibhAti cha na bhAti cha . 
malinena tu vastreNa parikliShTena bhAminIm .. 26..\\
sa.nvR^itAM mR^igashAvAkShI.n dadarsha hanumAnkapiH . 
tA.n devIM dInavadanAmadInAM bhartR^itejasA .. 27..\\
rakShitA.n svena shIlena sItAmasitalochanAm . 
tA.n dR^iShTvA hanumAnsItAM mR^igashAvanibhekShaNAm .. 28..\\
mR^igakanyAmiva trastA.n vIkShamANAM samantataH . 
dahantImiva niHshvAsairvR^ikShAnpallavadhAriNaH .. 29..\\
sa~NghAtamiva shokAnA.n duHkhasyormimivotthitAm . 
tA.n kShAmA.n suvibhaktA~NgIM vinAbharaNashobhinIm .. 30..\\
praharShamatula.n lebhe mArutiH prekShya maithilIm . 
harShajAni cha so.ashrUNi tA.n dR^iShTvA madirekShaNAm .. 31..\\
mumocha hanumA.nstatra namashchakre cha rAghavam . 
namaskR^itvA cha rAmAya lakShmaNAya cha vIryavAn .. 32..\\
sItAdarshanasa.nhR^iShTo hanUmAnsa.nvR^ito.abhavat .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}