\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 16
tathA viprekShamANasya vanaM puShpitapAdapam . 
vichinvatashcha vaidehI.n kiM chichchheShA nishAbhavat .. 1..\\
ShaDa~NgavedaviduShA.n kratupravarayAjinAm . 
shushrAva brahmaghoShAMshcha virAtre brahmarakShasAm .. 2..\\
atha ma~NgalavAditraiH shabdaiH shrotramanoharaiH . 
prAbodhyata mahAbAhurdashagrIvo mahAbalaH .. 3..\\
vibudhya tu yathAkAla.n rAkShasendraH pratAvapAn . 
srastamAlyAmbaradharo vaidehIm anvachintayat .. 4..\\
bhR^ishaM niyuktastasyA.n cha madanena madotkaTaH . 
na sa ta.n rAkShasaH kAmaM shashAkAtmani gUhitum .. 5..\\
sa sarvAbharaNairyukto bibhrachchhriyamanuttamAm . 
tAM nagairvividhairjuShTA.n sarvapuShpaphalopagaiH .. 6..\\
vR^itAM puShkariNIbhishcha nAnApuShpopashobhitAm . 
sadAmadaishcha vihagairvichitrAM paramAdbhutAm .. 7..\\
IhAmR^igaishcha vividhaishvR^itA.n dR^iShTimanoharaiH . 
vIthIH samprekShamANashcha maNikA~nchanatoraNAH .. 8..\\
nAnAmR^igagaNAkIrNAM phalaiH prapatitairvR^itAm . 
ashokavanikAmeva prAvishatsantatadrumAm .. 9..\\
a~NganAshatamAtra.n tu ta.n vrajantamanuvrajat . 
mahendramiva paulastya.n devagandharvayoShitaH .. 10..\\
dIpikAH kA~nchanIH kAshchijjagR^ihustatra yoShitaH . 
bAlavyajanahastAshcha tAlavR^intAni chAparAH .. 11..\\
kA~nchanairapi bhR^i~NgArairjahruH salilamagrataH . 
maNDalAgrAnasIMshchaiva gR^ihyAnyAH pR^iShThato yayuH .. 12..\\
kA chidratnamayIM pAtrIM pUrNAM pAnasya bhAminI . 
dakShiNA dakShiNenaiva tadA jagrAha pANinA .. 13..\\
rAjaha.nsapratIkAsha.n chhatraM pUrNashashiprabham . 
sauvarNadaNDamaparA gR^ihItvA pR^iShThato yayau .. 14..\\
nidrAmadaparItAkShyo rAvaNasyottamastriyaH . 
anujagmuH pati.n vIra.n ghanaM vidyullatA iva .. 15..\\
tataH kA~nchIninAda.n cha nUpurANAM cha niHsvanam . 
shushrAva paramastrINA.n sa kapirmArutAtmajaH .. 16..\\
ta.n chApratimakarmANamachintyabalapauruSham . 
dvAradeshamanuprApta.n dadarsha hanumAnkapiH .. 17..\\
dIpikAbhiranekAbhiH samantAdavabhAsitam . 
gandhatailAvasiktAbhirdhriyamANAbhiragrataH .. 18..\\
kAmadarpamadairyukta.n jihmatAmrAyatekShaNam . 
samakShamiva kandarpamapaviddha sharAsanam .. 19..\\
mathitAmR^itaphenAbhamarajo vastramuttamam . 
salIlamanukarShanta.n vimuktaM saktama~Ngade .. 20..\\
taM patraviTape lInaH patrapuShpaghanAvR^itaH . 
samIpamupasa~NkrAntaM nidhyAtumupachakrame .. 21..\\
avekShamANashcha tato dadarsha kapiku~njaraH . 
rUpayauvanasampannA rAvaNasya varastriyaH .. 22..\\
tAbhiH parivR^ito rAjA surUpAbhirmahAyashAH . 
tanmR^igadvijasa~NghuShTaM praviShTaH pramadAvanam .. 23..\\
kShIbo vichitrAbharaNaH sha~NkukarNo mahAbalaH . 
tena vishravasaH putraH sa dR^iShTo rAkShasAdhipaH .. 24..\\
vR^itaH paramanArIbhistArAbhiriva chandramAH . 
ta.n dadarsha mahAtejAstejovantaM mahAkapiH .. 25..\\
rAvaNo.ayaM mahAbAhuriti sa~ncintya vAnaraH . 
avapluto mahAtejA hanUmAnmArutAtmajaH .. 26..\\
sa tathApyugratejAH sannirdhUtastasya tejasA . 
patraguhyAntare sakto hanUmAnsa.nvR^ito.abhavat .. 27..\\
sa tAmasitakeshAntA.n sushroNIM sa.nhatastanIm . 
didR^ikShurasitApA~NgImupAvartata rAvaNaH .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}