\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 18
sa tAM parivR^itA.n dInAM nirAnandAM tapasvinIm . 
sAkArairmadhurairvAkyairnyadarshayata rAvaNaH .. 1..\\
mA.n dR^iShTvA nAganAsorugUhamAnA stanodaram . 
adarshanamivAtmAnaM bhayAnnetu.n tvamichchhasi .. 2..\\
kAmaye tvA.n vishAlAkShi bahumanyasva mAM priye . 
sarvA~NgaguNasampanne sarvalokamanohare .. 3..\\
neha ke chinmanuShyA vA rAkShasAH kAmarUpiNaH . 
vyapasarpatu te sIte bhayaM mattaH samutthitam .. 4..\\
svadharme rakShasAM bhIru sarvathaiSha na saMshayaH . 
gamana.n vA parastrINAM haraNaM sampramathya vA .. 5..\\
eva.n chaitadakAmAM cha na tvA.n sprakShyAmi maithili . 
kAma.n kAmaH sharIre me yathAkAmaM pravartatAm .. 6..\\
devi neha bhaya.n kAryaM mayi vishvasihi priye . 
praNayasva cha tattvena maivaM bhUH shokalAlasA .. 7..\\
ekaveNI dharAshayyA dhyAnaM malinamambaram . 
asthAne.apyupavAsashcha naitAnyaupayikAni te .. 8..\\
vichitrANi cha mAlyAni chandanAnyagarUNi cha . 
vividhAni cha vAsA.nsi divyAnyAbharaNAni cha .. 9..\\
mahArhANi cha pAnAni yAnAni shayanAni cha . 
gItaM nR^itta.n cha vAdyaM cha labha mAM prApya maithili .. 10..\\
strIratnamasi maivaM bhUH kuru gAtreShu bhUShaNam . 
mAM prApya tu katha.n hi syAstvamanarhA suvigrahe .. 11..\\
ida.n te chArusa~njAta.n yauvanaM vyativartate . 
yadatItaM punarnaiti srotaH shIghramapAm iva .. 12..\\
tvA.n kR^itvoparato manye rUpakartA sa vishvakR^it . 
na hi rUpopamA tvanyA tavAsti shubhadarshane .. 13..\\
tvA.n samAsAdya vaidehi rUpayauvanashAlinIm . 
kaH pumAnativarteta sAkShAdapi pitAmahaH .. 14..\\
yadyatpashyAmi te gAtra.n shItAMshusadR^ishAnane . 
tasmi.nstasminpR^ithushroNi chakShurmama nibadhyate .. 15..\\
bhava maithili bhAryA me mohamena.n visarjaya . 
bahvInAmuttamastrINAM mamAgramahiShI bhava .. 16..\\
lokebhyo yAni ratnAni sampramathyAhR^itAni me . 
tAni te bhIru sarvANi rAjya.n chaitadahaM cha te .. 17..\\
vijitya pR^ithivI.n sarvAM nAnAnagaramAlinIm . 
janakAya pradAsyAmi tava hetorvilAsini .. 18..\\
neha pashyAmi loke.anya.n yo me pratibalo bhavet . 
pashya me sumahadvIryamapratidvandvamAhave .. 19..\\
asakR^itsa.nyuge bhagnA mayA vimR^iditadhvajAH . 
ashaktAH pratyanIkeShu sthAtuM mama surAsurAH .. 20..\\
ichchha mA.n kriyatAm adya pratikarma tavottamam . 
saprabhANyavasajjantA.n tavA~Nge bhUShaNAni cha . 
sAdhu pashyAmi te rUpa.n sa.nyuktaM pratikarmaNA .. 21..\\
pratikarmAbhisa.nyuktA dAkShiNyena varAnane . 
bhu~NkShva bhogAnyathAkAmaM piba bhIru ramasva cha . 
yatheShTa.n cha prayachchha tvaM pR^ithivI.n vA dhanAni cha .. 22..\\
lalasva mayi visrabdhA dhR^iShTamAGYApayasva cha . 
matprabhAvAllalantyAshcha lalantAM bAndhavAstava .. 23..\\
R^iddhiM mamAnupashya tva.n shriyaM bhadre yashash cha me . 
ki.n kariShyasi rAmeNa subhage chIravAsasA .. 24..\\
nikShiptavijayo rAmo gatashrIrvanagocharaH . 
vratI sthaNDilashAyI cha sha~Nke jIvati vA na vA .. 25..\\
na hi vaidehi rAmastvA.n draShTu.n vApyupalapsyate . 
puro balAkairasitairmeghairjyotsnAmivAvR^itAm .. 26..\\
na chApi mama hastAttvAM prAptumarhati rAghavaH . 
hiraNyakashipuH kIrtimindrahastagatAm iva .. 27..\\
chArusmite chArudati chArunetre vilAsini . 
mano harasi me bhIru suparNaH pannaga.n yathA .. 28..\\
kliShTakausheyavasanA.n tanvImapyanala~NkR^itAm . 
tA.n dR^iShTvA sveShu dAreShu ratiM nopalabhAmyaham .. 29..\\
antaHpuranivAsinyaH striyaH sarvaguNAnvitAH . 
yAvantyo mama sarvAsAmaishvarya.n kuru jAnaki .. 30..\\
mama hyasitakeshAnte trailokyapravarAH striyaH . 
tAstvAM parichariShyanti shriyamapsaraso yathA .. 31..\\
yAni vaishravaNe subhru ratnAni cha dhanAni cha . 
tAni lokAMshcha sushroNi mA.n cha bhu~NkShva yathAsukham .. 32..\\
na rAmastapasA devi na balena na vikramaiH . 
na dhanena mayA tulyastejasA yashasApi vA .. 33..\\
piba vihara ramasva bhu~NkShva bhogAn 
dhananichayaM pradishAmi medinI.n cha . 
mayi lala lalane yathAsukha.n tvaM 
tvayi cha sametya lalantu bAndhavAste .. 34..\\
kusumitatarujAlasantatAni 
bhramarayutAni samudratIrajAni . 
kanakavimalahArabhUShitA~NgI 
vihara mayA saha bhIru kAnanAni .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}