\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{4}## ##\begin{center}## \section{sundarakaaNDa} ##\end{center}## \medskip 2 sa sAgaramanAdhR^iShyamatikramya mahAbalaH . trikUTashikhare la~NkA.n sthitAM svastho dadarsha ha .. 1..\\ tataH pAdapamuktena puShpavarSheNa vIryavAn . abhivR^iShTaH sthitastatra babhau puShpamayo yathA .. 2..\\ yojanAnA.n shataM shrImA.nstIrtvApyuttamavikramaH . anishvasankapistatra na glAnimadhigachchhati .. 3..\\ shatAnyaha.n yojanAnA.n krameyaM subahUnyapi . kiM punaH sAgarasyAnta.n sa~NkhyAtaM shatayojanam .. 4..\\ sa tu vIryavatA.n shreShThaH plavatAmapi chottamaH . jagAma vegavA.Nlla~NkA.n la~NghayitvA mahodadhim .. 5..\\ shAdvalAni cha nIlAni gandhavanti vanAni cha . gaNDavanti cha madhyena jagAma nagavanti cha .. 6..\\ shailAMshcha tarusa~nchannAnvanarAjIshcha puShpitAH . abhichakrAma tejasvI hanumAnplavagarShabhaH .. 7..\\ sa tasminnachale tiShThanvanAnyupavanAni cha . sa nagAgre cha tA.n la~NkA.n dadarsha pavanAtmajaH .. 8..\\ saralAnkarNikArAMshcha kharjUrAMshcha supuShpitAn . priyAlAnmuchulindAMshcha kuTajAnketakAnapi .. 9..\\ priya~NgUngandhapUrNAMshcha nIpAnsaptachchhadA.nstathA . asanAnkovidArAMshcha karavIrAMshcha puShpitAn .. 10..\\ puShpabhAranibaddhAMshcha tathA mukulitAnapi . pAdapAnvihagAkIrNAnpavanAdhUtamastakAn .. 11..\\ ha.nsakAraNDavAkIrNA vApIH padmotpalAyutAH . AkrIDAnvividhAnramyAnvividhAMshcha jalAshayAn .. 12..\\ santatAnvividhairvR^ikShaiH sarvartuphalapuShpitaiH . udyAnAni cha ramyANi dadarsha kapiku~njaraH .. 13..\\ samAsAdya cha lakShmIvA.Nlla~NkA.n rAvaNapAlitAm . parikhAbhiH sapadmAbhiH sotpalAbhirala~NkR^itAm .. 14..\\ sItApaharaNArthena rAvaNena surakShitAm . samantAdvicharadbhishcha rAkShasairugradhanvibhiH .. 15..\\ kA~nchanenAvR^itA.n ramyAM prAkAreNa mahApurIm . aTTAlakashatAkIrNAM patAkAdhvajamAlinIm .. 16..\\ toraNaiH kA~nchanairdivyairlatApa~NktivichitritaiH . dadarsha hanumA.Nlla~NkA.n divi devapurIm iva .. 17..\\ girimUrdhni sthitA.n la~NkAM pANDurairbhavanaiH shubhaiH . dadarsha sa kapiH shrImAnpuramAkAshaga.n yathA .. 18..\\ pAlitA.n rAkShasendreNa nirmitAM vishvakarmaNA . plavamAnAmivAkAshe dadarsha hanumAnpurIm .. 19..\\ sampUrNA.n rAkShasairghorairnAgairbhogavatIm iva . achintyA.n sukR^itAM spaShTA.n kuberAdhyuShitAM purA .. 20..\\ daMShTribhirbahubhiH shUraiH shUlapaTTishapANibhiH . rakShitA.n rAkShasairghorairguhAmAshIviShairapi .. 21..\\ vapraprAkArajaghanA.n vipulAmbunavAmbarAm . shataghnIshUlakeshAntAmaTTAlakavata.nsakAm .. 22..\\ dvAramuttaramAsAdya chintayAmAsa vAnaraH . kailAsashikharaprakhyamAlikhantamivAmbaram . dhriyamANamivAkAshamuchchhritairbhavanottamaiH .. 23..\\ tasyAshcha mahatI.n gupti.n sAgaraM cha nirIkShya saH . rAvaNa.n cha ripuM ghoraM chintayAmAsa vAnaraH .. 24..\\ AgatyApIha harayo bhaviShyanti nirarthakAH . na hi yuddhena vai la~NkA shakyA jetu.n surairapi .. 25..\\ imA.n tu viShamAM durgA.n la~NkAM rAvaNapAlitAm . prApyApi sa mahAbAhuH ki.n kariShyati rAghavaH .. 26..\\ avakAsho na sAntvasya rAkShaseShvabhigamyate . na dAnasya na bhedasya naiva yuddhasya dR^ishyate .. 27..\\ chaturNAmeva hi gatirvAnarANAM mahAtmanAm . vAliputrasya nIlasya mama rAGYashcha dhImataH .. 28..\\ yAvajjAnAmi vaidehI.n yadi jIvati vA na vA . tatraiva chintayiShyAmi dR^iShTvA tA.n janakAtmajAm .. 29..\\ tataH sa chintayAmAsa muhUrta.n kapiku~njaraH . girishR^i~Nge sthitastasminrAmasyAbhyudaye rataH .. 30..\\ anena rUpeNa mayA na shakyA rakShasAM purI . praveShTu.n rAkShasairguptA krUrairbalasamanvitaiH .. 31..\\ ugraujaso mahAvIryo balavantashcha rAkShasAH . va~nchanIyA mayA sarve jAnakIM parimArgitA .. 32..\\ lakShyAlakShyeNa rUpeNa rAtrau la~NkA purI mayA . praveShTuM prAptakAlaM me kR^itya.n sAdhayituM mahat .. 33..\\ tAM purI.n tAdR^ishIM dR^iShTvA durAdharShA.n surAsuraiH . hanUmAMshchintayAmAsa viniHshvasya muhurmuhuH .. 34..\\ kenopAyena pashyeyaM maithilI.n janakAtmajAm . adR^iShTo rAkShasendreNa rAvaNena durAtmanA .. 35..\\ na vinashyetkatha.n kArya.n rAmasya viditAtmanaH . ekAmekashcha pashyeya.n rahite janakAtmajAm .. 36..\\ bhUtAshchArtho vipadyante deshakAlavirodhitAH . viklava.n dUtamAsAdya tamaH sUryodaye yathA .. 37..\\ arthAnarthAntare buddhirnishchitApi na shobhate . ghAtayanti hi kAryANi dUtAH paNDitamAninaH .. 38..\\ na vinashyetkatha.n kArya.n vaiklavyaM na kathaM bhavet . la~Nghana.n cha samudrasya kathaM nu na vR^ithA bhavet .. 39..\\ mayi dR^iShTe tu rakShobhI rAmasya viditAtmanaH . bhavedvyarthamida.n kArya.n rAvaNAnarthamichchhataH .. 40..\\ na hi shakya.n kva chitsthAtumaviGYAtena rAkShasaiH . api rAkShasarUpeNa kimutAnyena kena chit .. 41..\\ vAyurapyatra nAGYAtash charediti matirmama . na hyastyavidita.n kiM chidrAkShasAnAM balIyasAm .. 42..\\ ihAha.n yadi tiShThAmi svena rUpeNa sa.nvR^itaH . vinAshamupayAsyAmi bharturarthashcha hIyate .. 43..\\ tadaha.n svena rUpeNa rajanyAM hrasvatA.n gataH . la~NkAmabhipatiShyAmi rAghavasyArthasiddhaye .. 44..\\ rAvaNasya purI.n rAtrau pravishya sudurAsadAm . vichinvanbhavana.n sarva.n drakShyAmi janakAtmajAm .. 45..\\ iti sa~ncintya hanumAnsUryasyAstamaya.n kapiH . AchakA~NkShe tadA vIrA vaidehyA darshanotsukaH . pR^iShadaMshakamAtraH sanbabhUvAdbhutadarshanaH .. 46..\\ pradoShakAle hanumA.nstUrNamutpatya vIryavAn . pravivesha purI.n ramyAM suvibhaktamahApatham .. 47..\\ prAsAdamAlAvitatA.n stambhaiH kA~nchanarAjataiH . shAtakumbhamayairjAlairgandharvanagaropamAm .. 48..\\ saptabhaumAShTabhaumaishcha sa dadarsha mahApurIm . talaiH sphATikasampUrNaiH kArtasvaravibhUShitaiH .. 49..\\ vaidUryamaNichitraishcha muktAjAlavibhUShitaiH . talaiH shushubhire tAni bhavanAnyatra rakShasAm .. 50..\\ kA~nchanAni vichitrANi toraNAni cha rakShasAm . la~NkAmuddyotayAmAsuH sarvataH samala~NkR^itAm .. 51..\\ achintyAmadbhutAkArA.n dR^iShTvA la~NkAM mahAkapiH . AsIdviShaNNo hR^iShTashcha vaidehyA darshanotsukaH .. 52..\\ sa pANDurodviddhavimAnamAlinIM mahArhajAmbUnadajAlatoraNAm . yashasvinA.n rAvaNabAhupAlitAM kShapAcharairbhImabalaiH samAvR^itAm .. 53..\\ chandro.api sAchivyamivAsya kurva.ns tArAgaNairmadhyagato virAjan . jyotsnAvitAnena vitatya lokam uttiShThate naikasahasrarashmiH .. 54..\\ sha~Nkhaprabha.n kShIramR^iNAlavarNam udgachchhamAna.n vyavabhAsamAnam . dadarsha chandra.n sa kapipravIraH poplUyamAna.n sarasIva ha.nsaM .. 55..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}