\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 20
sItAyA vachana.n shrutvA paruShaM rAkShasAdhipaH . 
pratyuvAcha tataH sItA.n vipriyaM priyadarshanAm .. 1..\\
yathA yathA sAntvayitA vashyaH strINA.n tathA tathA . 
yathA yathA priya.n vaktA paribhUtastathA tathA .. 2..\\
saMniyachchhati me krodha.n tvayi kAmaH samutthitaH . 
dravato mArgamAsAdya hayAniva susArathiH .. 3..\\
vAmaH kAmo manuShyANA.n yasminkila nibadhyate . 
jane tasmi.nstvanukroshaH snehashcha kila jAyate .. 4..\\
etasmAtkAraNAnna tA.n ghatayAmi varAnane . 
vadhArhAmavamAnArhAM mithyApravrajite ratAm .. 5..\\
paruShANi hi vAkyAni yAni yAni bravIShi mAm . 
teShu teShu vadho yuktastava maithili dAruNaH .. 6..\\
evamuktvA tu vaidehI.n rAvaNo rAkShasAdhipaH . 
krodhasa.nrambhasa.nyuktaH sItAmuttaramabravIt .. 7..\\
dvau mAsau rakShitavyau me yo.avadhiste mayA kR^itaH . 
tataH shayanamAroha mama tva.n varavarNini .. 8..\\
dvAbhyAmUrdhva.n tu mAsAbhyAM bhartAraM mAmanichchhatIm . 
mama tvAM prAtarAshArthamArabhante mahAnase .. 9..\\
tA.n tarjyamAnA.n samprekShya rAkShasendreNa jAnakIm . 
devagandharvakanyAstA viShedurvipulekShaNAH .. 10..\\
oShThaprakArairaparA netravaktraistathAparAH . 
sItAmAshvAsayAmAsustarjitA.n tena rakShasA .. 11..\\
tAbhirAshvAsitA sItA rAvaNa.n rAkShasAdhipam . 
uvAchAtmahita.n vAkyaM vR^ittashauNDIryagarvitam .. 12..\\
nUnaM na te janaH kashchidasinniHshreyase sthitaH . 
nivArayati yo na tvA.n karmaNo.asmAdvigarhitAt .. 13..\\
mA.n hi dharmAtmanaH patnIM shachImiva shachIpateH . 
tvadanyastriShu lokeShu prArthayenmanasApi kaH .. 14..\\
rAkShasAdhama rAmasya bhAryAmamitatejasaH . 
uktavAnasi yatpApa.n kva gatastasya mokShyase .. 15..\\
yathA dR^iptashcha mAta~NgaH shashash cha sahitau vane . 
tathA dviradavadrAmastvaM nIcha shashavatsmR^itaH .. 16..\\
sa tvamikShvAkunAtha.n vai kShipanniha na lajjase . 
chakShuSho viShaya.n tasya na tAvadupagachchhasi .. 17..\\
ime te nayane krUre virUpe kR^iShNapi~Ngale . 
kShitau na patite kasmAnmAmanAryanirIkShitaH .. 18..\\
tasya dharmAtmanaH patnI.n snuShA.n dasharathasya cha . 
katha.n vyAharato mA.n te na jihvA pApa shIryate .. 19..\\
asandeshAttu rAmasya tapasashchAnupAlanAt . 
na tvA.n kurmi dashagrIva bhasma bhasmArhatejasA .. 20..\\
nApahartumaha.n shakyA tasya rAmasya dhImataH . 
vidhistava vadhArthAya vihito nAtra saMshayaH .. 21..\\
shUreNa dhanadabhrAtA balaiH samuditena cha . 
apohya rAma.n kasmAddhi dArachAurya.m tvayaa k.rtam .. 22..\\
sItAyA vachana.n shrutvA rAvaNo rAkShasAdhipaH . 
vivR^itya nayane krUre jAnakImanvavaikShata .. 23..\\
nIlajImUtasa~NkAsho mahAbhujashirodharaH . 
si.nhasattvagatiH shrImAndIptajihvogralochanaH .. 24..\\
chalAgramakuTaH prAMshushchitramAlyAnulepanaH . 
raktamAlyAmbaradharastaptA~NgadavibhUShaNaH .. 25..\\
shroNIsUtreNa mahatA mekakena susa.nvR^itaH . 
amR^itotpAdanaddhena bhuja~Ngeneva mandaraH .. 26..\\
taruNAdityavarNAbhyA.n kuNDalAbhyA.n vibhUShitaH . 
raktapallavapuShpAbhyAmashokAbhyAmivAchalaH .. 27..\\
avekShamANo vaidehI.n kopasa.nraktalochanaH . 
uvAcha rAvaNaH sItAM bhuja~Nga iva niHshvasan .. 28..\\
anayenAbhisampannamarthahInamanuvrate . 
nAshayAmyahamadya tvA.n sUryaH sandhyAmivaujasA .. 29..\\
ityuktvA maithilI.n rAjA rAvaNaH shatrurAvaNaH . 
sandidesha tataH sarvA rAkShasIrghoradarshanAH .. 30..\\
ekAkShImekakarNA.n cha karNaprAvaraNAM tathA . 
gokarNI.n hastikarNI.n cha lambakarNImakarNikAm .. 31..\\
hastipadya shvapadyau cha gopadIM pAdachUlikAm . 
ekAkShImekapAdI.n cha pR^ithupAdImapAdikAm .. 32..\\
atimAtrashirogrIvAmatimAtrakuchodarIm . 
atimAtrAsyanetrA.n cha dIrghajihvAmajihvikAm . 
anAsikA.n si.nhamukhI.n gomukhIM sUkarImukhIm .. 33..\\
yathA madvashagA sItA kShipraM bhavati jAnakI . 
tathA kuruta rAkShasyaH sarvAH kShipra.n sametya cha .. 34..\\
pratilomAnulomaishcha sAmadAnAdibhedanaiH . 
Avartayata vaidehI.n daNDasyodyamanena cha .. 35..\\
iti pratisamAdishya rAkShasendraH punaH punaH . 
kAmamanyuparItAtmA jAnakIM paryatarjayat .. 36..\\
upagamya tataH kShipra.n rAkShasI dhAnyamAlinI . 
pariShvajya dashagrIvamida.n vachanamabravIt .. 37..\\
mayA krIDa mahArAjasItayA ki.n tavAnayA . 
akAmA.n kAmayAnasya sharIramupatapyate . 
ichchhantI.n kAmayAnasya prItirbhavati shobhanA .. 38..\\
evamuktastu rAkShasyA samutkShiptastato balI . 
jvaladbhAskaravarNAbhaM pravivesha niveshanam .. 39..\\
devagandharvakanyAshcha nAgakanyAshcha tAstataH . 
parivArya dashagrIva.n vivishustadgR^ihottamam .. 40..\\
sa maithilI.n dharmaparAmavasthitAM 
pravepamAnAM paribhartsya rAvaNaH . 
vihAya sItAM madanena mohitaH 
svameva veshma pravivesha bhAsvaram .. 41..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}