\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 22
tataH sItAmupAgamya rAkShasyo vikR^itAnanAH . 
paruShaM paruShA nArya UchustA vAkyamapriyam .. 1..\\
ki.n tvamantaHpure sIte sarvabhUtamanohare . 
mahArhashayanopete na vAsamanumanyase .. 2..\\
mAnuShI mAnuShasyaiva bhAryAtvaM bahu manyase . 
pratyAhara mano rAmAnna tva.n jAtu bhaviShyasi .. 3..\\
mAnuShI mAnuSha.n taM tu rAmamichchhasi shobhane . 
rAjyAdbhraShTamasiddhArtha.n viklava.n tamanindite .. 4..\\
rAkShasInA.n vachaH shrutvA sItA padmanibhekShaNA . 
netrAbhyAmashrupUrNAbhyAmida.n vachanamabravIt .. 5..\\
yadida.n lokavidviShTamudAharatha sa~NgatAH . 
naitanmanasi vAkyaM me kilbiShaM pratitiShThati .. 6..\\
na mAnuShI rAkShasasya bhAryA bhavitumarhati . 
kAma.n khAdata mA.n sarvA na kariShyAmi vo vachaH . 
dIno vA rAjyahIno vA yo me bhartA sa me guruH .. 7..\\
sItAyA vachana.n shrutvA rAkShasyaH krodhamUrchhitAH . 
bhartsayanti sma paruShairvAkyai rAvaNachoditAH .. 8..\\
avalInaH sa nirvAkyo hanumA~nshiMshapAdrume . 
sItA.n santarjayantIstA rAkShasIrashR^iNotkapiH .. 9..\\
tAmabhikramya sa.nrabdhA vepamAnA.n samantataH . 
bhR^isha.n sa.nlilihurdIptAnpralambadashanachchhadAn .. 10..\\
Uchushcha paramakruddhAH pragR^ihyAshu parashvadhAn . 
neyamarhati bhartAra.n rAvaNaM rAkShasAdhipam .. 11..\\
sA bhartsyamAnA bhImAbhI rAkShasIbhirvarAnanA . 
sA bAShpamapamArjantI shiMshapA.n tAmupAgamat .. 12..\\
tatastA.n shiMshapAM sItA rAkShasIbhiH samAvR^itA . 
abhigamya vishAlAkShI tasthau shokapariplutA .. 13..\\
tA.n kR^ishAM dInavadanAM malinAmbaradhAriNIm . 
bhartsayA.n chakrire bhImA rAkShasyastAH samantataH .. 14..\\
tatastA.n vinatA nAma rAkShasI bhImadarshanA . 
abravItkupitAkArA karAlA nirNatodarI .. 15..\\
sIte paryAptametAvadbhartR^isneho nidarshitaH . 
sarvatrAtikR^itaM bhadre vyasanAyopakalpate .. 16..\\
parituShTAsmi bhadra.n te mAnuShaste kR^ito vidhiH . 
mamApi tu vachaH pathyaM bruvantyAH kuru maithili .. 17..\\
rAvaNaM bhaja bhartAraM bhartAra.n sarvarakShasAm . 
vikrAnta.n rUpavanta.n cha sureshamiva vAsavam .. 18..\\
dakShiNa.n tyAgashIlaM cha sarvasya priyavAdinam . 
mAnuSha.n kR^ipaNa.n rAmaM tyaktvA rAvaNamAshraya .. 19..\\
divyA~NgarAgA vaidehi divyAbharaNabhUShitA . 
adya prabhR^iti sarveShA.n lokAnAmIshvarI bhava . 
agneH svAhA yathA devI shachIvendrasya shobhane .. 20..\\
ki.n te rAmeNa vaidehi kR^ipaNena gatAyuShA .. 21..\\
etadukta.n cha me vAkya.n yadi tvaM na kariShyasi . 
asminmuhUrte sarvAstvAM bhakShayiShyAmahe vayam .. 22..\\
anyA tu vikaTA nAma lambamAnapayodharA . 
abravItkupitA sItAM muShTimudyamya garjatI .. 23..\\
bahUnyapratirUpANi vachanAni sudurmate . 
anukroshAnmR^idutvAchcha soDhAni tava maithili . 
na cha naH kuruShe vAkya.n hita.n kAlapuraskR^itam .. 24..\\
AnItAsi samudrasya pAramanyairdurAsadam . 
rAvaNAntaHpura.n ghoraM praviShTA chAsi maithili .. 25..\\
rAvaNasya gR^ihe rudhA asmAbhistu surakShitA . 
na tvA.n shaktaH paritrAtumapi sAkShAtpurandaraH .. 26..\\
kuruShva hitavAdinyA vachanaM mama maithili . 
alamashruprapAtena tyaja shokamanarthakam .. 27..\\
bhaja prItiM praharSha.n cha tyajaitAM nityadainyatAm . 
sIte rAkShasarAjena saha krIDa yathAsukham .. 28..\\
jAnAsi hi yathA bhIru strINA.n yauvanamadhruvam . 
yAvanna te vyatikrAmettAvatsukhamavApnuhi .. 29..\\
udyAnAni cha ramyANi parvatopavanAni cha . 
saha rAkShasarAjena chara tvaM madirekShaNe .. 30..\\
strIsahasrANi te sapta vashe sthAsyanti sundari . 
rAvaNaM bhaja bhartAraM bhartAra.n sarvarakShasAm .. 31..\\
utpATya vA te hR^idayaM bhakShayiShyAmi maithili . 
yadi me vyAhR^ita.n vAkyaM na yathAvatkariShyasi .. 32..\\
tatashchaNDodarI nAma rAkShasI krUradarshanA . 
bhrAmayantI mahachchhUlamida.n vachanamabravIt .. 33..\\
imA.n hariNalokAkShI.n trAsotkampapayodharAm . 
rAvaNena hR^itA.n dR^iShTvA daurhR^ido me mahAnabhUt .. 34..\\
yakR^itplIhamathotpIDa.n hR^idaya.n cha sabandhanam . 
antrANyapi tathA shIrSha.n khAdeyamiti me matiH .. 35..\\
tatastu praghasA nAma rAkShasI vAkyamabravIt . 
kaNThamasyA nR^isha.nsAyAH pIDayAmaH kimAsyate .. 36..\\
nivedyatA.n tato rAGYe mAnuShI sA mR^iteti ha . 
nAtra kashchana sandehaH khAdateti sa vakShyati .. 37..\\
tatastvajAmukhI nAma rAkShasI vAkyamabravIt . 
vishasyemA.n tataH sarvAnsamAnkuruta pIlukAn .. 38..\\
vibhajAma tataH sarvA vivAdo me na rochate . 
peyamAnIyatA.n kShipraM mAlyaM cha vividhaM bahu .. 39..\\
tataH shUrpaNakhA nAma rAkShasI vAkyamabravIt . 
ajAmukhA yadukta.n hi tadeva mama rochate .. 40..\\
surA chAnIyatA.n kShipra.n sarvashokavinAshinI . 
mAnuShaM mA.nsamAsAdya nR^ityAmo.atha nikumbhilAm .. 41..\\
eva.n sambhartsyamAnA sA sItA surasutopamA . 
rAkShasIbhiH sughorAbhirdhairyamutsR^ijya roditi .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}