\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 23
tathA tAsA.n vadantInAM paruSha.n dAruNaM bahu . 
rAkShasInAmasaumyAnA.n ruroda janakAtmajA .. 1..\\
evamuktA tu vaidehI rAkShasIbhirmanasvinI . 
uvAcha paramatrastA bAShpagadgadayA girA .. 2..\\
na mAnuShI rAkShasasya bhAryA bhavitumarhati . 
kAma.n khAdata mA.n sarvA na kariShyAmi vo vachaH .. 3..\\
sA rAkShasI madhyagatA sItA surasutopamA . 
na sharma lebhe duHkhArtA rAvaNena cha tarjitA .. 4..\\
vepate smAdhika.n sItA vishantIvA~NgamAtmanaH . 
vane yUthaparibhraShTA mR^igI kokairivArditA .. 5..\\
sA tvashokasya vipulA.n shAkhAmAlambya puShpitAm . 
chintayAmAsa shokena bhartAraM bhagnamAnasA .. 6..\\
sA snApayantI vipulau stanau netrajalasravaiH . 
chintayantI na shokasya tadAntamadhigachchhati .. 7..\\
sA vepamAnA patitA pravAte kadalI yathA . 
rAkShasInAM bhayatrastA vivarNavadanAbhavat .. 8..\\
tasyA sA dIrghavipulA vepantyAH sItayA tadA . 
dadR^ishe kampinI veNI vyAlIva parisarpatI .. 9..\\
sA niHshvasantI duHkhArtA shokopahatachetanA . 
ArtA vyasR^ijadashrUNi maithilI vilalApa ha .. 10..\\
hA rAmeti cha duHkhArtA punarhA lakShmaNeti cha . 
hA shvashru mama kausalye hA sumitreti bhAvini .. 11..\\
lokapravAdaH satyo.ayaM paNDitaiH samudAhR^itaH . 
akAle durlabho mR^ityuH striyA vA puruShasya vA .. 12..\\
yatrAhamAbhiH krUrAbhI rAkShasIbhirihArditA . 
jIvAmi hInA rAmeNa muhUrtamapi duHkhitA .. 13..\\
eShAlpapuNyA kR^ipaNA vinashiShyAmyanAthavat . 
samudramadhye nau pUrNA vAyuvegairivAhatA .. 14..\\
bhartAra.n tamapashyantI rAkShasIvashamAgatA . 
sIdAmi khalu shokena kUla.n toyahata.n yathA .. 15..\\
taM padmadalapatrAkSha.n si.nhavikrAntagAminam . 
dhanyAH pashyanti me nAtha.n kR^itaGYaM priyavAdinam .. 16..\\
sarvathA tena hInAyA rAmeNa viditAtmanA . 
tIShkNa.n viShamivAsvAdya durlabhaM mama jIvitam .. 17..\\
kIdR^isha.n tu mayA pApaM purA dehAntare kR^itam . 
yenedaM prApyate duHkhaM mayA ghora.n sudAruNam .. 18..\\
jIvita.n tyaktumichchhAmi shokena mahatA vR^itA . 
rAkShasIbhishcha rakShantyA rAmo nAsAdyate mayA .. 19..\\
dhigastu khalu mAnuShya.n dhigastu paravashyatAm . 
na shakya.n yatparityaktumAtmachchhandena jIvitam .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}