\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 25
ityuktAH sItayA ghora.n rAkShasyaH krodhamUrchhitAH . 
kAshchijjagmustadAkhyAtu.n rAvaNasya tarasvinaH .. 1..\\
tataH sItAmupAgamya rAkShasyo ghoradarshanAH . 
punaH paruShamekArthamanarthArthamathAbruvan .. 2..\\
hantedAnI.n tavAnArye sIte pApavinishchaye . 
rAkShasyo bhakShayiShyanti mA.nsametadyathAsukham .. 3..\\
sItA.n tAbhiranAryAbhirdR^iShTvA santarjitAM tadA . 
rAkShasI trijaTAvR^iddhA shayAnA vAkyamabravIt .. 4..\\
AtmAna.n khAdatAnAryA na sItAM bhakShayiShyatha . 
janakasya sutAmiShTA.n snuShA.n dasharathasya cha .. 5..\\
svapno hyadya mayA dR^iShTo dAruNo romaharShaNaH . 
rAkShasAnAmabhAvAya bharturasyA bhavAya cha .. 6..\\
evamuktAstrijaTayA rAkShasyaH krodhamUrchhitAH . 
sarvA evAbruvanbhItAstrijaTA.n tAmida.n vachaH .. 7..\\
kathayasva tvayA dR^iShTaH svapne.aya.n kIdR^isho nishi .. 8..\\
tAsA.n shrutvA tu vachanaM rAkShasInAM mukhodgatam . 
uvAcha vachana.n kAle trijaTAsvapnasaMshritam .. 9..\\
gajadantamayI.n divyA.n shibikAmantarikShagAm . 
yuktA.n vAjisahasreNa svayamAsthAya rAghavaH .. 10..\\
svapne chAdya mayA dR^iShTA sItA shuklAmbarAvR^itA . 
sAgareNa parikShipta.n shvetaparvatamAsthitA . 
rAmeNa sa~NgatA sItA bhAskareNa prabhA yathA .. 11..\\
rAghavashcha mayA dR^iShTashchaturdantaM mahAgajam . 
ArUDhaH shailasa~NkAsha.n chachAra sahalakShmaNaH .. 12..\\
tatastau narashArdUlau dIpyamAnau svatejasA . 
shuklamAlyAmbaradharau jAnakIM paryupasthitau .. 13..\\
tatastasya nagasyAgre AkAshasthasya dantinaH . 
bhartrA parigR^ihItasya jAnakI skandhamAshritA .. 14..\\
bhartura~NkAtsamutpatya tataH kamalalochanA . 
chandrasUryau mayA dR^iShTA pANibhyAM parimArjatI .. 15..\\
tatastAbhyA.n kumArAbhyAmAsthitaH sa gajottamaH . 
sItayA cha vishAlAkShyA la~NkAyA upari sthitaH .. 16..\\
pANDurarShabhayuktena rathenAShTayujA svayam . 
shuklamAlyAmbaradharo lakShmaNena samAgataH . 
lakShmaNena saha bhrAtrA sItayA saha bhAryayA .. 17..\\
vimAnAtpuShpakAdadya rAvaNaH patito bhuvi . 
kR^iShyapANaH striyA dR^iShTo muNDaH kR^iShNAmbaraH punaH .. 18..\\
rathena kharayuktena raktamAlyAnulepanaH . 
prayAto dakShiNAmAshAM praviShTaH kardama.n hradam .. 19..\\
kaNThe baddhvA dashagrIvaM pramadA raktavAsinI . 
kAlI kardamaliptA~NgI disha.n yAmyAM prakarShati .. 20..\\
varAheNa dashagrIvaH shiMshumAreNa chendrajit . 
uShTreNa kumbhakarNashcha prayAto dakShiNA.n disham .. 21..\\
samAjashcha mahAnvR^itto gItavAditraniHsvanaH . 
pibatA.n raktamAlyAnAM rakShasAM raktavAsasAm .. 22..\\
la~NkA cheyaM purI ramyA savAjirathasa~NkulA . 
sAgare patitA dR^iShTA bhagnagopuratoraNA .. 23..\\
pItva tailaM pranR^ittAshcha prahasantyo mahAsvanAH . 
la~NkAyAM bhasmarUkShAyA.n sarvA rAkShasayoShitaH .. 24..\\
kumbhakarNAdayashcheme sarve rAkShasapu~NgavAH . 
raktaM nivasana.n gR^ihya praviShTA gomayahrade .. 25..\\
apagachchhata nashyadhva.n sItAmApnoti rAghavaH . 
ghAtayetparamAmarShI sarvaiH sArdha.n hi rAkShasaiH .. 26..\\
priyAM bahumatAM bhAryA.n vanavAsamanuvratAm . 
bhartsitA.n tarjitA.n vApi nAnuma.nsyati rAghavaH .. 27..\\
tadala.n krUravAkyairvaH sAntvamevAbhidhIyatAm . 
abhiyAchAma vaidehIm etaddhi mama rochate .. 28..\\
yasyA hyeva.n vidhaH svapno duHkhitAyAH pradR^ishyate . 
sA duHkhairbahubhirmuktA priyaM prApnotyanuttamam .. 29..\\
bhartsitAmapi yAchadhva.n rAkShasyaH kiM vivakShayA . 
rAghavAddhi bhaya.n ghora.n rAkShasAnAm upasthitam .. 30..\\
praNipAta prasannA hi maithilI janakAtmajA . 
alameShA paritrAtu.n rAkShasyo mahato bhayAt .. 31..\\
api chAsyA vishAlAkShyA na ki.n chidupalakShaye . 
viruddhamapi chA~NgeShu susUkShmamapi lakShmaNam .. 32..\\
chhAyA vaiguNya mAtra.n tu sha~Nke duHkhamupasthitam . 
aduHkhArhAmimA.n devI.n vaihAyasamupasthitAm .. 33..\\
arthasiddhi.n tu vaidehyAH pashyAmyahamupasthitAm . 
rAkShasendravinAsha.n cha vijaya.n rAghavasya cha .. 34..\\
nimittabhUtametattu shrotumasyA mahatpriyam . 
dR^ishyate cha sphurachchakShuH padmapatramivAyatam .. 35..\\
IShachcha hR^iShito vAsyA dakShiNAyA hyadakShiNaH . 
akasmAdeva vaidehyA bAhurekaH prakampate .. 36..\\
kareNuhastapratimaH savyashchoruranuttamaH . 
vepansUchayatIvAsyA rAghavaM purataH sthitam .. 37..\\
pakShI cha shAkhA nilayaM praviShTaH 
punaH punashchottamasAntvavAdI . 
sukhAgatA.n vAchamudIrayANaH 
punaH punashchodayatIva hR^iShTaH .. 38..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}