\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 28
hanumAnapi vikrAntaH sarva.n shushrAva tattvataH . 
sItAyAstrijaTAyAshcha rAkShasInA.n cha tarjanam .. 1..\\
avekShamANastA.n devIM devatAm iva nandane . 
tato bahuvidhA.n chintAM chintayAmAsa vAnaraH .. 2..\\
yA.n kapInA.n sahasrANi subahUnyayutAni cha . 
dikShu sarvAsu mArgante seyamAsAditA mayA .. 3..\\
chAreNa tu suyuktena shatroH shaktimavekShitA . 
gUDhena charatA tAvadavekShitamidaM mayA .. 4..\\
rAkShasAnA.n visheShashcha purI cheyamavekShitA . 
rAkShasAdhipaterasya prabhAvo rAvaNasya cha .. 5..\\
yukta.n tasyAprameyasya sarvasattvadayAvataH . 
samAshvAsayituM bhAryAM patidarshanakA~NkShiNIm .. 6..\\
ahamAshvAsayAmyenAM pUrNachandranibhAnanAm . 
adR^iShTaduHkhA.n duHkhasya na hyantamadhigachchhatIm .. 7..\\
yadi hyahamimA.n devI.n shokopahatachetanAm . 
anAshvAsya gamiShyAmi doShavadgamanaM bhavet .. 8..\\
gate hi mayi tatreya.n rAjaputrI yashasvinI . 
paritrANamavindantI jAnakI jIvita.n tyajet .. 9..\\
mayA cha sa mahAbAhuH pUrNachandranibhAnanaH . 
samAshvAsayituM nyAyyaH sItAdarshanalAlasaH .. 10..\\
nishAcharINAM pratyakShamakShama.n chAbhibhAShaNam . 
kathaM nu khalu kartavyamida.n kR^ichchhra gato hyaham .. 11..\\
anena rAtrisheSheNa yadi nAshvAsyate mayA . 
sarvathA nAsti sandehaH parityakShyati jIvitam .. 12..\\
rAmashcha yadi pR^ichchhenmA.n kiM mA.n sItAbravIdvachaH . 
kimaha.n taM pratibrUyAmasambhAShya sumadhyamAm .. 13..\\
sItAsandesharahitaM mAmitastvarayA gatam . 
nirdahedapi kAkutsthaH kruddhastIvreNa chakShuShA .. 14..\\
yadi chedyojayiShyAmi bhartAra.n rAmakAraNAt . 
vyarthamAgamana.n tasya sasainyasya bhaviShyati .. 15..\\
antara.n tvahamAsAdya rAkShasInAmiha sthitaH . 
shanairAshvAsayiShyAmi santApabahulAmimAm .. 16..\\
aha.n hyatitanushchaiva vanarashcha visheShataH . 
vAcha.n chodAhariShyAmi mAnuShImiha sa.nskR^itAm .. 17..\\
yadi vAchaM pradAsyAmi dvijAtiriva sa.nskR^itAm . 
rAvaNaM manyamAnA mA.n sItA bhItA bhaviShyati .. 18..\\
avashyameva vaktavyaM mAnuSha.n vAkyamarthavat . 
mayA sAntvayitu.n shakyA nAnyatheyamaninditA .. 19..\\
seyamAlokya me rUpa.n jAnakI bhAShitaM tathA . 
rakShobhistrAsitA pUrvaM bhUyastrAsa.n gamiShyati .. 20..\\
tato jAtaparitrAsA shabda.n kuryAnmanasvinI . 
jAnamAnA vishAlAkShI rAvaNa.n kAmarUpiNam .. 21..\\
sItayA cha kR^ite shabde sahasA rAkShasIgaNaH . 
nAnApraharaNo ghoraH sameyAdantakopamaH .. 22..\\
tato mA.n samparikShipya sarvato vikR^itAnanAH . 
vadhe cha grahaNe chaiva kuryuryatna.n yathAbalam .. 23..\\
taM mA.n shAkhAH prashAkhAshcha skandhAMshchottamashAkhinAm . 
dR^iShTvA viparidhAvantaM bhaveyurbhayasha~NkitAH .. 24..\\
mama rUpa.n cha samprekShya vana.n vicharato mahat . 
rAkShasyo bhayavitrastA bhaveyurvikR^itAnanAH .. 25..\\
tataH kuryuH samAhvAna.n rAkShasyo rakShasAm api . 
rAkShasendraniyuktAnA.n rAkShasendraniveshane .. 26..\\
te shUlasharanistriMsha vividhAyudhapANayaH . 
Apateyurvimarde.asminvegenodvignakAriNaH .. 27..\\
sa~Nkruddhastaistu parito vidhamanrakShasAM balam . 
shaknuyaM na tu samprAptuM paraM pAraM mahodadheH .. 28..\\
mA.n vA gR^ihNIyurAplutya bahavaH shIghrakAriNaH . 
syAdiya.n chAgR^ihItArthA mama cha grahaNaM bhavet .. 29..\\
hi.nsAbhiruchayo hi.nsyurimA.n vA janakAtmajAm . 
vipanna.n syAttataH kAryaM rAmasugrIvayoridam .. 30..\\
uddeshe naShTamArge.asminrAkShasaiH parivArite . 
sAgareNa parikShipte gupte vasati jAnakI .. 31..\\
vishaste vA gR^ihIte vA rakShobhirmayi sa.nyuge . 
nAnyaM pashyAmi rAmasya sahAya.n kAryasAdhane .. 32..\\
vimR^ishaMshcha na pashyAmi yo hate mayi vAnaraH . 
shatayojanavistIrNa.n la~Nghayeta mahodadhim .. 33..\\
kAma.n hantuM samartho.asmi sahasrANyapi rakShasAm . 
na tu shakShyAmi samprAptuM paraM pAraM mahodadheH .. 34..\\
asatyAni cha yuddhAni saMshayo me na rochate . 
kashcha niHsaMshaya.n kAryaM kuryAtprAGYaH sasaMshayam .. 35..\\
eSha doSho mahAnhi syAnmama sItAbhibhAShaNe . 
prANatyAgashcha vaidehyA bhavedanabhibhAShaNe .. 36..\\
bhUtAshchArthA vinashyanti deshakAlavirodhitAH . 
viklava.n dUtamAsAdya tamaH sUryodaye yathA .. 37..\\
arthAnarthAntare buddhirnishchitApi na shobhate . 
ghAtayanti hi kAryANi dUtAH paNDitamAninaH .. 38..\\
na vinashyetkatha.n kArya.n vaiklavyaM na kathaM bhavet . 
la~Nghana.n cha samudrasya kathaM nu na vR^ithA bhavet .. 39..\\
kathaM nu khalu vAkyaM me shR^iNuyAnnodvijeta cha . 
iti sa~ncintya hanumAMshchakAra matimAnmatim .. 40..\\
rAmamakliShTakarmANa.n svabandhumanukIrtayan . 
nainAmudvejayiShyAmi tadbandhugatamAnasAm .. 41..\\
ikShvAkUNA.n variShThasya rAmasya viditAtmanaH . 
shubhAni dharmayuktAni vachanAni samarpayan .. 42..\\
shrAvayiShyAmi sarvANi madhurAM prabruvangiram . 
shraddhAsyati yathA hIya.n tathA sarva.n samAdadhe .. 43..\\
iti sa bahuvidhaM mahAnubhAvo 
jagatipateH pramadAmavekShamANaH . 
madhuramavitatha.n jagAda vAkyaM 
drumaviTapAntaramAsthito hanUmAn .. 44..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}