\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 3
sa lambashikhare lambe lambatoyadasaMnibhe . 
sattvamAsthAya medhAvI hanumAnmArutAtmajaH .. 1..\\
nishi la~NkAM mahAsattvo vivesha kapiku~njaraH . 
ramyakAnanatoyADhyAM purI.n rAvaNapAlitAm .. 2..\\
shAradAmbudharaprakhyairbhavanairupashobhitAm . 
sAgaropamanirghoShA.n sAgarAnilasevitAm .. 3..\\
supuShTabalasa~NguptA.n yathaiva viTapAvatIm . 
chArutoraNaniryUhAM pANDuradvAratoraNAm .. 4..\\
bhujagAcharitA.n guptA.n shubhAM bhogavatIm iva . 
tA.n savidyudghanAkIrNA.n jyotirmArganiShevitAm .. 5..\\
chaNDamArutanirhrAdA.n yathendrasyAmarAvatIm . 
shAtakumbhena mahatA prAkAreNAbhisa.nvR^itAm .. 6..\\
ki~NkiNIjAlaghoShAbhiH patAkAbhirala~NkR^itAm . 
AsAdya sahasA hR^iShTaH prAkAramabhipedivAn .. 7..\\
vismayAviShTahR^idayaH purImAlokya sarvataH . 
jAmbUnadamayairdvArairvaidUryakR^itavedikaiH .. 8..\\
maNisphaTika muktAbhirmaNikuTTimabhUShitaiH . 
taptahATakaniryUhai rAjatAmalapANDuraiH .. 9..\\
vaidUryatalasopAnaiH sphATikAntarapA.nsubhiH . 
chArusa~njavanopetaiH khamivotpatitaiH shubhaiH .. 10..\\
krau~nchabarhiNasa~NghuShTe rAjaha.nsaniShevitaiH . 
tUryAbharaNanirghoShaiH sarvataH pratinAditAm .. 11..\\
vasvokasArApratimA.n samIkShya nagarI.n tataH . 
khamivotpatitA.n la~NkA.n jaharSha hanumAnkapiH .. 12..\\
tA.n samIkShya purIM la~NkAM rAkShasAdhipateH shubhAm . 
anuttamAmR^iddhiyutA.n chintayAmAsa vIryavAn .. 13..\\
neyamanyena nagarI shakyA dharShayituM balAt . 
rakShitA rAvaNabalairudyatAyudhadhAribhiH .. 14..\\
kumudA~NgadayorvApi suSheNasya mahAkapeH . 
prasiddheyaM bhavedbhUmirmaindadvividayorapi .. 15..\\
vivasvatastanUjasya hareshcha kushaparvaNaH . 
R^ikShasya ketumAlasya mama chaiva gatirbhavet .. 16..\\
samIkShya tu mahAbAho rAghavasya parAkramam . 
lakShmaNasya cha vikrAntamabhavatprItimAnkapiH .. 17..\\
tA.n ratnavasanopetA.n koShThAgArAvata.nsakAm . 
yantrAgArastanImR^iddhAM pramadAmiva bhUShitAm .. 18..\\
tAM naShTatimirA.n dIpairbhAsvaraishcha mahAgR^ihaiH . 
nagarI.n rAkShasendrasya dadarsha sa mahAkapiH .. 19..\\
praviShTaH sattvasampanno nishAyAM mArutAtmajaH . 
sa mahApathamAsthAya muktApuShpavirAjitam .. 20..\\
hasitodghuShTaninadaistUryaghoSha puraH saraiH . 
vajrA~NkushanikAshaishcha vajrajAlavibhUShitaiH . 
gR^ihamedhaiH purI ramyA babhAse dyaurivAmbudaiH .. 21..\\
prajajvAla tadA la~NkA rakShogaNagR^ihaiH shubhaiH . 
sitAbhrasadR^ishaishchitraiH padmasvastikasa.nsthitaiH . 
vardhamAnagR^ihaishchApi sarvataH suvibhAShitaiH .. 22..\\
tA.n chitramAlyAbharaNAM kapirAjahita~NkaraH . 
rAghavArtha.n chara~nshrImAndadarsha cha nananda cha .. 23..\\
shushrAva madhura.n gItaM tristhAnasvarabhUShitam . 
strINAM madasamR^iddhAnA.n divi chApsarasAm iva .. 24..\\
shushrAva kA~nchIninAdaM nUpurANA.n cha niHsvanam . 
sopAnaninadAMshchaiva bhavaneShu mahAtmanam . 
AsphoTitaninAdAMshcha kShveDitAMshcha tatastataH .. 25..\\
svAdhyAya niratAMshchaiva yAtudhAnAndadarsha saH . 
rAvaNastavasa.nyuktAngarjato rAkShasAnapi .. 26..\\
rAjamArga.n samAvR^itya sthitaM rakShobalaM mahat . 
dadarsha madhyame gulme rAkShasasya charAnbahUn .. 27..\\
dIkShitA~njaTilAnmuNDAngo.ajinAmbaravAsasaH . 
darbhamuShTipraharaNAnagnikuNDAyudhA.nstathA .. 28..\\
kUTamudgarapANIMshcha daNDAyudhadharAnapi . 
ekAkShAnekakarNAMshcha chalallambapayodharAn .. 29..\\
karAlAnbhugnavaktrAMshcha vikaTAnvAmanA.nstathA . 
dhanvinaH khaDginashchaiva shataghnI musalAyudhAn . 
parighottamahastAMshcha vichitrakavachojjvalAn .. 30..\\
nAtiShThUlAnnAtikR^ishAnnAtidIrghAtihrasvakAn . 
virUpAnbahurUpAMshcha surUpAMshcha suvarchasaH .. 31..\\
shaktivR^ikShAyudhAMshchaiva paTTishAshanidhAriNaH . 
kShepaNIpAshahastAMshcha dadarsha sa mahAkapiH .. 32..\\
sragviNastvanuliptAMshcha varAbharaNabhUShitAn . 
tIkShNashUladharAMshchaiva vajriNashcha mahAbalAn .. 33..\\
shatasAhasramavyagramArakShaM madhyama.n kapiH . 
prAkArAvR^itamatyanta.n dadarsha sa mahAkapiH .. 34..\\
triviShTapanibha.n divyaM divyanAdavinAditam . 
vAjiheShitasa~NghuShTaM nAditaM bhUShaNaistathA .. 35..\\
rathairyAnairvimAnaishcha tathA gajahayaiH shubhaiH . 
vAraNaishcha chaturdantaiH shvetAbhranichayopamaiH .. 36..\\
bhUShita.n ruchiradvAraM mattaishcha mR^igapakShibhiH . 
rAkShasAdhipaterguptamAvivesha gR^iha.n kapiH .. 37..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}