\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 31
tAmabravInmahAtejA hanUmAnmArutAtmajaH . 
shirasya~njalimAdhAya sItAM madhurayA girA .. 1..\\
kA nu padmapalAshAkShI kliShTakausheyavAsinI . 
drumasya shAkhAmAlambya tiShThasi tvamaninditA .. 2..\\
kimartha.n tava netrAbhyA.n vAri sravati shokajam . 
puNDarIkapalAshAbhyA.n viprakIrNamivodakam .. 3..\\
surANAmasurANA.n cha nAgagandharvarakShasAm . 
yakShANA.n kiMnarANAM cha kA tvaM bhavasi shobhane .. 4..\\
kA tvaM bhavasi rudrANAM marutA.n vA varAnane . 
vasUnA.n vA varArohe devatA pratibhAsi me .. 5..\\
kiM nu chandramasA hInA patitA vibudhAlayAt . 
rohiNI jyotiShA.n shreShThA shreShThA sarvaguNAnvitA .. 6..\\
kopAdvA yadi vA mohAdbhartAramasitekShaNA . 
vasiShTha.n kopayitvA tvaM nAsi kalyANyarundhatI .. 7..\\
ko nau putraH pitA bhrAta bhartA vA te sumadhyame . 
asmAllokAdamu.n loka.n gataM tvamanushochasi .. 8..\\
vya~njanAni hi te yAni lakShaNAni cha lakShaye . 
mahiShI bhUmipAlasya rAjakanyAsi me matA .. 9..\\
rAvaNena janasthAnAdbalAdapahR^itA yadi . 
sItA tvamasi bhadra.n te tanmamAchakShva pR^ichchhataH .. 10..\\
sA tasya vachana.n shrutvA rAmakIrtanaharShitA . 
uvAcha vAkya.n vaidehI hanUmanta.n drumAshritam .. 11..\\
duhitA janakasyAha.n vaidehasya mahAtmanaH . 
sItA cha nAma nAmnAhaM bhAryA rAmasya dhImataH .. 12..\\
samA dvAdasha tatrAha.n rAghavasya niveshane . 
bhu~njAnA mAnuShAnbhogAnsarvakAmasamR^iddhinI .. 13..\\
tatastrayodashe varShe rAjyenekShvAkunandanam . 
abhiShechayitu.n rAjA sopAdhyAyaH prachakrame .. 14..\\
tasminsambhriyamANe tu rAghavasyAbhiShechane . 
kaikeyI nAma bhartAra.n devI vachanamabravIt .. 15..\\
na pibeyaM na khAdeyaM pratyahaM mama bhojanam . 
eSha me jIvitasyAnto rAmo yadyabhiShichyate .. 16..\\
yattadukta.n tvayA vAkyaM prItyA nR^ipatisattama . 
tachchenna vitatha.n kArya.n vanaM gachchhatu rAghavaH .. 17..\\
sa rAjA satyavAgdevyA varadAnamanusmaran . 
mumoha vachana.n shrutvA kaikeyyAH krUramapriyam .. 18..\\
tatastu sthaviro rAjA satyadharme vyavasthitaH . 
jyeShTha.n yashasvinaM putraM rudanrAjyamayAchata .. 19..\\
sa piturvachana.n shrImAnabhiShekAtparaM priyam . 
manasA pUrvamAsAdya vAchA pratigR^ihItavAn .. 20..\\
dadyAnna pratigR^ihNIyAnna brUyatki.n chidapriyam . 
api jIvitahetorhi rAmaH satyaparAkramaH .. 21..\\
sa vihAyottarIyANi mahArhANi mahAyashAH . 
visR^ijya manasA rAjya.n jananyai mA.n samAdishat .. 22..\\
sAha.n tasyAgratastUrNaM prasthitA vanachAriNI . 
na hi me tena hInAyA vAsaH svarge.api rochate .. 23..\\
prAgeva tu mahAbhAgaH saumitrirmitranandanaH . 
pUrvajasyAnuyAtrArthe drumachIrairala~NkR^itaH .. 24..\\
te vayaM bharturAdeshaM bahu mAnyadR^iDhavratAH . 
praviShTAH sma purAddR^iShTa.n vana.n gambhIradarshanam .. 25..\\
vasato daNDakAraNye tasyAhamamitaujasaH . 
rakShasApahR^itA bhAryA rAvaNena durAtmanA .. 26..\\
dvau mAsau tena me kAlo jIvitAnugrahaH kR^itaH . 
Urdhva.n dvAbhyAM tu mAsAbhyAM tatastyakShyAmi jIvitam .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}