\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 33
tA.n tu rAma kathA.n shrutvA vaidehI vAnararShabhAt . 
uvAcha vachana.n sAntvamidaM madhurayA girA .. 1..\\
kva te rAmeNa sa.nsargaH katha.n jAnAsi lakShmaNam . 
vAnarANAM narANA.n cha kathamAsItsamAgamaH .. 2..\\
yAni rAmasya li~NgAni lakShmaNasya cha vAnara . 
tAni bhUyaH samAchakShva na mA.n shokaH samAvishet .. 3..\\
kIdR^isha.n tasya sa.nsthAna.n rUpaM rAmasya kIdR^isham . 
kathamUrU kathaM bAhU lakShmaNasya cha sha.nsa me .. 4..\\
evamuktastu vaidehyA hanUmAnmArutAtmajaH . 
tato rAma.n yathAtattvamAkhyAtumupachakrame .. 5..\\
jAnantI bata diShTyA mA.n vaidehi paripR^ichchhasi . 
bhartuH kamalapatrAkShi sa~NkhyAna.n lakShmaNasya cha .. 6..\\
yAni rAmasya chihnAni lakShmaNasya cha yAni vai . 
lakShitAni vishAlAkShi vadataH shR^iNu tAni me .. 7..\\
rAmaH kamalapatrAkShaH sarvabhUtamanoharaH . 
rUpadAkShiNyasampannaH prasUto janakAtmaje .. 8..\\
tejasAdityasa~NkAshaH kShamayA pR^ithivIsamaH . 
bR^ihaspatisamo buddhyA yashasA vAsavopamaH .. 9..\\
rakShitA jIvalokasya svajanasya cha rakShitA . 
rakShitA svasya vR^ittasya dharmasya cha parantapaH .. 10..\\
rAmo bhAmini lokasya chAturvarNyasya rakShitA . 
maryAdAnA.n cha lokasya kartA kArayitA cha saH .. 11..\\
archiShmAnarchito.atyarthaM brahmacharyavrate sthitaH . 
sAdhUnAmupakAraGYaH prachAraGYashcha karmaNAm .. 12..\\
rAjavidyAvinItashcha brAhmaNAnAmupAsitA . 
shrutavA~nshIlasampanno vinItashcha parantapaH .. 13..\\
yajurvedavinItashcha vedavidbhiH supUjitaH . 
dhanurvede cha vede cha vedA~NgeShu cha niShThitaH .. 14..\\
vipulA.nso mahAbAhuH kambugrIvaH shubhAnanaH . 
gUDhajatruH sutAmrAkSho rAmo devi janaiH shrutaH .. 15..\\
dundubhisvananirghoShaH snigdhavarNaH pratApavAn . 
samaH samavibhaktA~Ngo varNa.n shyAmaM samAshritaH .. 16..\\
tristhirastripralambashcha trisamastriShu chonnataH . 
trivalIvA.nstryavaNatashchaturvya~NgastrishIrShavAn .. 17..\\
chatuShkalashchaturlekhashchatuShkiShkushchatuHsamaH . 
chaturdashasamadvandvashchaturdaShTashchaturgatiH .. 18..\\
mahauShThahanunAsashcha pa~nchasnigdho.aShTavaMshavAn . 
dashapadmo dashabR^ihattribhirvyApto dvishuklavAn . 
ShaDunnato navatanustribhirvyApnoti rAghavaH .. 19..\\
satyadharmaparaH shrImAnsa~NgrahAnugrahe rataH . 
deshakAlavibhAgaGYaH sarvalokapriya.nvadaH .. 20..\\
bhrAtA cha tasya dvaimAtraH saumitriraparAjitaH . 
anurAgeNa rUpeNa guNaishchaiva tathAvidhaH .. 21..\\
tvAmeva mArgamANo tau vicharantau vasundharAm . 
dadarshaturmR^igapatiM pUrvajenAvaropitam .. 22..\\
R^ishyamUkasya pR^iShThe tu bahupAdapasa~Nkule . 
bhrAturbhAryArtamAsIna.n sugrIvaM priyadarshanam .. 23..\\
vaya.n tu harirAjaM ta.n sugrIvaM satyasa~Ngaram . 
paricharyAmahe rAjyAtpUrvajenAvaropitam .. 24..\\
tatastau chIravasanau dhanuHpravarapANinau . 
R^ishyamUkasya shailasya ramya.n deshamupAgatau .. 25..\\
sa tau dR^iShTvA naravyAghrau dhanvinau vAnararShabhaH . 
abhipluto girestasya shikharaM bhayamohitaH .. 26..\\
tataH sa shikhare tasminvAnarendro vyavasthitaH . 
tayoH samIpaM mAmeva preShayAmAsa satvaraH .. 27..\\
tAvahaM puruShavyAghrau sugrIvavachanAtprabhU . 
rUpalakShaNasampannau kR^itA~njalirupasthitaH .. 28..\\
tau pariGYAtatattvArthau mayA prItisamanvitau . 
pR^iShThamAropya ta.n deshaM prApitau puruSharShabhau .. 29..\\
niveditau cha tattvena sugrIvAya mahAtmane . 
tayoranyonyasambhAShAdbhR^ishaM prItirajAyata .. 30..\\
tatra tau kIrtisampannau harIshvaranareshvarau . 
parasparakR^itAshvAsau kathayA pUrvavR^ittayA .. 31..\\
ta.n tataH sAntvayAmAsa sugrIva.n lakShmaNAgrajaH . 
strIhetorvAlinA bhrAtrA nirastamuru tejasA .. 32..\\
tatastvannAshaja.n shokaM rAmasyAkliShTakarmaNaH . 
lakShmaNo vAnarendrAya sugrIvAya nyavedayat .. 33..\\
sa shrutvA vAnarendrastu lakShmaNenerita.n vachaH . 
tadAsInniShprabho.atyartha.n grahagrasta ivAMshumAn .. 34..\\
tatastvadgAtrashobhIni rakShasA hriyamANayA . 
yAnyAbharaNajAlAni pAtitAni mahItale .. 35..\\
tAni sarvANi rAmAya AnIya hariyUthapAH . 
sa.nhR^iShTA darshayAmAsurgati.n tu na vidustava .. 36..\\
tAni rAmAya dattAni mayaivopahR^itAni cha . 
svanavantyavakIrNanti tasminvihatachetasi .. 37..\\
tAnya~Nke darshanIyAni kR^itvA bahuvidha.n tataH . 
tena devaprakAshena devena paridevitam .. 38..\\
pashyatastasyA rudatastAmyatashcha punaH punaH . 
prAdIpayandAsharathestAni shokahutAshanam .. 39..\\
shayita.n cha chiraM tena duHkhArtena mahAtmanA . 
mayApi vividhairvAkyaiH kR^ichchhrAdutthApitaH punaH .. 40..\\
tAni dR^iShTvA mahArhANi darshayitvA muhurmuhuH . 
rAghavaH sahasaumitriH sugrIve sa nyavedayat .. 41..\\
sa tavAdarshanAdArye rAghavaH paritapyate . 
mahatA jvalatA nityamagninevAgniparvataH .. 42..\\
tvatkR^ite tamanidrA cha shokashchintA cha rAghavam . 
tApayanti mahAtmAnamagnyagAramivAgnayaH .. 43..\\
tavAdarshanashokena rAghavaH pravichAlyate . 
mahatA bhUmikampena mahAniva shilochchayaH .. 44..\\
kAnAnAni suramyANi nadIprasravaNAni cha . 
charanna ratimApnoti tvamapashyannR^ipAtmaje .. 45..\\
sa tvAM manujashArdUlaH kShipraM prApsyati rAghavaH . 
samitrabAndhava.n hatvA rAvaNa.n janakAtmaje .. 46..\\
sahitau rAmasugrIvAvubhAvakurutA.n tadA . 
samaya.n vAlinaM hantu.n tava chAnveShaNaM tathA .. 47..\\
tato nihatya tarasA rAmo vAlinamAhave . 
sarvarkShaharisa~NghAnA.n sugrIvamakarotpatim .. 48..\\
rAmasugrIvayoraikya.n devyeva.n samajAyata . 
hanUmanta.n cha mA.n viddhi tayordUtamihAgatam .. 49..\\
svarAjyaM prApya sugrIvaH samanIya mahAharIn . 
tvadarthaM preShayAmAsa disho dasha mahAbalAn .. 50..\\
AdiShTA vAnarendreNa sugrIveNa mahaujasaH . 
adrirAjapratIkAshAH sarvataH prasthitA mahIm .. 51..\\
a~Ngado nAma lakShmIvAnvAlisUnurmahAbalaH . 
prasthitaH kapishArdUlastribhAgabalasa.nvR^itaH .. 52..\\
teShAM no vipranaShTAnA.n vindhye parvatasattame . 
bhR^isha.n shokaparItanAmahorAtragaNA gatAH .. 53..\\
te vaya.n kAryanairAshyAtkAlasyAtikrameNa cha . 
bhayAchcha kapirAjasya prANA.nstyaktu.n vyavasthitAH .. 54..\\
vichitya vanadurgANi giriprasravaNAni cha . 
anAsAdya pada.n devyAH prANA.nstyaktu.n vyavasthitAH .. 55..\\
bhR^isha.n shokArNave magnaH paryadevayada~NgadaH . 
tava nAsha.n cha vaidehi vAlinashcha tathA vadham . 
prAyopaveshamasmAkaM maraNa.n cha jaTAyuShaH .. 56..\\
teShAM naH svAmisandeshAnnirAshAnAM mumUrShatAm . 
kAryahetorivAyAtaH shakunirvIryavAnmahAn .. 57..\\
gR^idhrarAjasya sodaryaH sampAtirnAma gR^idhrarAT . 
shrutvA bhrAtR^ivadha.n kopAdida.n vachanamabravIt .. 58..\\
yavIyAnkena me bhrAtA hataH kva cha vinAshitaH . 
etadAkhyAtumichchhAmi bhavadbhirvAnarottamAH .. 59..\\
a~Ngado.akathayattasya janasthAne mahadvadham . 
rakShasA bhImarUpeNa tvAmuddishya yathAtatham .. 60..\\
jaTAyostu vadha.n shrutvA duhhitaH so.aruNAtmajaH . 
tvAmAha sa varArohe vasantI.n rAvaNAlaye .. 61..\\
tasya tadvachana.n shrutvA sampAteH prItivardhanam . 
a~NgadapramukhAH sarve tataH samprasthitA vayam . 
tvaddarshanakR^itotsAhA hR^iShTAstuShTAH plava~NgamAH .. 62..\\
athAha.n harisainyasya sAgara.n dR^ishya sIdataH . 
vyavadhUya bhaya.n tIvra.n yojanAnAM shataM plutaH .. 63..\\
la~NkA chApi mayA rAtrau praviShTA rAkShasAkulA . 
rAvaNashcha mayA dR^iShTastva.n cha shokanipIDitA .. 64..\\
etatte sarvamAkhyAta.n yathAvR^ittamanindite . 
abhibhAShasva mA.n devi dUto dAsharatheraham .. 65..\\
tvaM mA.n rAmakR^itodyoga.n tvannimittamihAgatam . 
sugrIva sachiva.n devi budhyasva pavanAtmajam .. 66..\\
kushalI tava kAkutsthaH sarvashastrabhR^itA.n varaH . 
gurorArAdhane yukto lakShmaNashcha sulakShaNaH .. 67..\\
tasya vIryavato devi bhartustava hite rataH . 
ahamekastu samprAptaH sugrIvavachanAdiha .. 68..\\
mayeyamasahAyena charatA kAmarUpiNA . 
dakShiNA diganukrAntA tvanmArgavichayaiShiNA .. 69..\\
diShTyAha.n harisainyAnA.n tvannAshamanushochatAm . 
apaneShyAmi santApa.n tavAbhigamasha.nsanAt .. 70..\\
diShTyA hi na mama vyartha.n devi sAgarala~Nghanam . 
prApsyAmyahamida.n diShTyA tvaddarshanakR^ita.n yashaH .. 71..\\
rAghavashcha mahAvIryaH kShipra.n tvAm abhipatsyate . 
samitrabAndhava.n hatvA rAvaNaM rAkShasAdhipam .. 72..\\
kaurajo nAma vaidehi girINAmuttamo giriH . 
tato gachchhati gokarNaM parvata.n kesarI hariH .. 73..\\
sa cha devarShibhirdR^iShTaH pitA mama mahAkapiH . 
tIrthe nadIpateH puNye shambasAdanamuddharat .. 74..\\
tasyAha.n hariNaH kShetre jAto vAtena maithili . 
hanUmAniti vikhyAto loke svenaiva karmaNA . 
vishvAsArtha.n tu vaidehi bharturuktA mayA guNAH .. 75..\\
eva.n vishvAsitA sItA hetubhiH shokakarshitA . 
upapannairabhiGYAnairdUta.n tamavagachchhati .. 76..\\
atula.n cha gatA harShaM praharSheNa tu jAnakI . 
netrAbhyA.n vakrapakShmAbhyAM mumochAnandaja.n jalam .. 77..\\
chAru tachchAnana.n tasyAstAmrashuklAyatekShaNam . 
ashobhata vishAlAkShyA rAhumukta ivoDurAT . 
hanUmanta.n kapi.n vyaktaM manyate nAnyatheti sA .. 78..\\
athovAcha hanUmA.nstAmuttaraM priyadarshanAm .. 79..\\
hate.asure sa.nyati shambasAdane 
kapipravIreNa maharShichodanAt . 
tato.asmi vAyuprabhavo hi maithili 
prabhAvatastatpratimashcha vAnaraH .. 80..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}