\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{4}## ##\begin{center}## \section{sundarakaaNDa} ##\end{center}## \medskip 35 sItA tadvachana.n shrutvA pUrNachandranibhAnanA . hanUmantamuvAcheda.n dharmArthasahita.n vachaH .. 1..\\ amR^ita.n viShasa.nsR^iShTa.n tvayA vAnarabhAShitam . yachcha nAnyamanA rAmo yachcha shokaparAyaNaH .. 2..\\ aishvarye vA suvistIrNe vyasane vA sudAruNe . rajjveva puruShaM baddhvA kR^itAntaH parikarShati .. 3..\\ vidhirnUnamasa.nhAryaH prANinAM plavagottama . saumitriM mA.n cha rAmaM cha vyasanaiH pashya mohitAn .. 4..\\ shokasyAsya kadA pAra.n rAghavo.adhigamiShyati . plavamAnaH parishrAnto hatanauH sAgare yathA .. 5..\\ rAkShasAnA.n kShayaM kR^itvA sUdayitvA cha rAvaNam . la~NkAmunmUlitA.n kR^itvA kadA drakShyati mAM patiH .. 6..\\ sa vAchyaH santvarasveti yAvadeva na pUryate . aya.n sa.nvatsaraH kAlastAvaddhi mama jIvitam .. 7..\\ vartate dashamo mAso dvau tu sheShau plava~Ngama . rAvaNena nR^isha.nsena samayo yaH kR^ito mama .. 8..\\ vibhIShaNena cha bhrAtrA mama niryAtanaM prati . anunItaH prayatnena na cha tatkurute matim .. 9..\\ mama pratipradAna.n hi rAvaNasya na rochate . rAvaNaM mArgate sa~Nkhye mR^ityuH kAlavasha.n gatam .. 10..\\ jyeShThA kanyAnalA nama vibhIShaNasutA kape . tayA mamaitadAkhyAtaM mAtrA prahitayA svayam .. 11..\\ avindhyo nAma medhAvI vidvAnrAkShasapu~NgavaH . dhR^itimA~nshIlavAnvR^iddho rAvaNasya susaMmataH .. 12..\\ rAmAtkShayamanuprApta.n rakShasAM pratyachodayat . na cha tasyApi duShTAtmA shR^iNoti vachana.n hitam .. 13..\\ Asha.nseti harishreShTha kShipraM mAM prApsyate patiH . antarAtmA hi me shuddhastasmiMshcha bahavo guNAH .. 14..\\ utsAhaH pauruSha.n sattvamAnR^isha.nsya.n kR^itaGYatA . vikramashcha prabhAvashcha santi vAnararAghave .. 15..\\ chaturdashasahasrANi rAkShasAnA.n jaghAna yaH . janasthAne vinA bhrAtrA shatruH kastasya nodvijet .. 16..\\ na sa shakyastulayitu.n vyasanaiH puruSharShabhaH . aha.n tasyAnubhAvaGYA shakrasyeva pulomajA .. 17..\\ sharajAlAMshumA~nshUraH kape rAmadivAkaraH . shatrurakShomaya.n toyamupashoShaM nayiShyati .. 18..\\ iti sa~njalpamAnA.n tA.n rAmArthe shokakarshitAm . ashrusampUrNavadanAmuvAcha hanumAnkapiH .. 19..\\ shrutvaiva tu vacho mahya.n kShiprameShyati rAghavaH . chamUM prakarShanmahatI.n haryR^ikShagaNasa~NkulAm .. 20..\\ atha vA mochayiShyAmi tAmadyaiva hi rAkShasAt . asmAdduHkhAdupAroha mama pR^iShThamanindite .. 21..\\ tva.n hi pR^iShThagatA.n kR^itvA santariShyAmi sAgaram . shaktirasti hi me voDhu.n la~NkAmapi sarAvaNAm .. 22..\\ ahaM prasravaNasthAya rAghavAyAdya maithili . prApayiShyAmi shakrAya havya.n hutamivAnalaH .. 23..\\ drakShyasyadyaiva vaidehi rAghava.n sahalakShmaNam . vyavasAya samAyukta.n viShNu.n daityavadhe yathA .. 24..\\ tvaddarshanakR^itotsAhamAshramasthaM mahAbalam . purandaramivAsInaM nAgarAjasya mUrdhani .. 25..\\ pR^iShThamAroha me devi mA vikA~NkShasva shobhane . yogamanvichchha rAmeNa shashA~Nkeneva rohiNI .. 26..\\ kathayantIva chandreNa sUryeNeva suvarchalA . matpR^iShThamadhiruhya tva.n tarAkAshamahArNavam .. 27..\\ na hi me samprayAtasya tvAmito nayato.a~Ngane . anugantu.n gati.n shaktAH sarve la~NkAnivAsinaH .. 28..\\ yathaivAhamiha prAptastathaivAhamasaMshayam . yAsyAmi pashya vaidehi tvAmudyamya vihAyasaM .. 29..\\ maithilI tu harishreShThAchchhrutvA vachanamadbhutam . harShavismitasarvA~NgI hanUmantamathAbravIt .. 30..\\ hanUmandUramadhvana.n kathaM mA.n voDhumichchhasi . tadeva khalu te manye kapitva.n hariyUthapa .. 31..\\ katha.n vAlpasharIrastvaM mAm ito netumichchhasi . sakAshaM mAnavendrasya bharturme plavagarShabha .. 32..\\ sItAyA vachana.n shrutvA hanUmAnmArutAtmajaH . chintayAmAsa lakShmIvAnnavaM paribhava.n kR^itam .. 33..\\ na me jAnAti sattva.n vA prabhAvaM vAsitekShaNA . tasmAtpashyatu vaidehI yadrUpaM mama kAmataH .. 34..\\ iti sa~ncintya hanumA.nstadA plavagasattamaH . darshayAmAsa vaidehyAH svarUpamarimardanaH .. 35..\\ sa tasmAtpAdapAddhImAnAplutya plavagarShabhaH . tato vardhitumArebhe sItApratyayakAraNAt .. 36..\\ merumandArasa~NkAsho babhau dIptAnalaprabhaH . agrato vyavatasthe cha sItAyA vAnararShabhaH .. 37..\\ hariH parvatasa~NkAshastAmravaktro mahAbalaH . vajradaMShTranakho bhImo vaidehImidamabravIt .. 38..\\ saparvatavanoddeshA.n sATTaprAkAratoraNAm . la~NkAmimA.n sanathAM vA nayituM shaktirasti me .. 39..\\ tadavasthApya tAM buddhirala.n devi vikA~NkShayA . vishoka.n kuru vaidehi rAghava.n sahalakShmaNam .. 40..\\ ta.n dR^iShTvAchalasa~NkAshamuvAcha janakAtmajA . padmapatravishAlAkShI mArutasyaurasa.n sutam .. 41..\\ tava sattvaM bala.n chaiva vijAnAmi mahAkape . vAyoriva gati.n chApi tejashchAgnirivAdbhutam .. 42..\\ prAkR^ito.anyaH katha.n chemAM bhUmimAgantumarhati . udadheraprameyasya pAra.n vAnarapu~Ngava .. 43..\\ jAnAmi gamane shaktiM nayane chApi te mama . avashya.n sAmpradhAryAshu kAryasiddhirihAtmanaH .. 44..\\ ayukta.n tu kapishreShTha mayA gantuM tvayA saha . vAyuvegasavegasya vego mAM mohayettava .. 45..\\ ahamAkAshamAsaktA uparyupari sAgaram . prapateya.n hi te pR^iShThAdbhayAdvegena gachchhataH .. 46..\\ patitA sAgare chAha.n timinakrajhaShAkule . bhayeyamAshu vivashA yAdasAm annamuttamam .. 47..\\ na cha shakShye tvayA sArdha.n gantu.n shatruvinAshana . kalatravati sandehastvayyapi syAdasaMshayam .. 48..\\ hriyamANA.n tu mAM dR^iShTvA rAkShasA bhImavikramAH . anugachchheyurAdiShTA rAvaNena durAtmanA .. 49..\\ taistvaM parivR^itaH shUraiH shUlamudgara pANibhiH . bhavestva.n saMshayaM prApto mayA vIra kalatravAn .. 50..\\ sAyudhA bahavo vyomni rAkShasAstvaM nirAyudhaH . katha.n shakShyasi sa.nyAtuM mA.n chaiva parirakShitum .. 51..\\ yudhyamAnasya rakShobhistatastaiH krUrakarmabhiH . prapateya.n hi te pR^iShThadbhayArtA kapisattama .. 52..\\ atha rakShA.nsi bhImAni mahAnti balavanti cha . katha.n chitsAmparAye tvAM jayeyuH kapisattama .. 53..\\ atha vA yudhyamAnasya pateya.n vimukhasya te . patitA.n cha gR^ihItvA mAM nayeyuH pAparAkShasAH .. 54..\\ mA.n vA hareyustvaddhastAdvishaseyurathApi vA . avyavasthau hi dR^ishyete yuddhe jayaparAjayau .. 55..\\ aha.n vApi vipadyeyaM rakShobhirabhitarjitA . tvatprayatno harishreShTha bhavenniShphala eva tu .. 56..\\ kAma.n tvamapi paryApto nihantu.n sarvarAkShasAn . rAghavasya yasho hIyettvayA shastaistu rAkShasaiH .. 57..\\ atha vAdAya rakShA.nsi nyasyeyuH sa.nvR^ite hi mAm . yatra te nAbhijAnIyurharayo nApi rAghavaH .. 58..\\ Arambhastu madartho.aya.n tatastava nirarthakaH . tvayA hi saha rAmasya mahAnAgamane guNaH .. 59..\\ mayi jIvitamAyatta.n rAghavasya mahAtmanaH . bhrAtR^INA.n cha mahAbAho tava rAjakulasya cha .. 60..\\ tau nirAshau madarthe tu shokasantApakarshitau . saha sarvarkShaharibhistyakShyataH prANasa~Ngraham .. 61..\\ bharturbhaktiM puraskR^itya rAmAdanyasya vAnara . nAha.n spraShTuM padA gAtramichchheyaM vAnarottama .. 62..\\ yadaha.n gAtrasa.nsparsha.n rAvaNasya gatA balAt . anIshA ki.n kariShyAmi vinAthA vivashA satI .. 63..\\ yadi rAmo dashagrIvamiha hatvA sarAkShasaM . mAmito gR^ihya gachchheta tattasya sadR^ishaM bhavet .. 64..\\ shrutA hi dR^iShTAshcha mayA parAkramA mahAtmanastasya raNAvamardinaH . na devagandharvabhuja~NgarAkShasA bhavanti rAmeNa samA hi sa.nyuge .. 65..\\ samIkShya ta.n sa.nyati chitrakArmukaM mahAbala.n vAsavatulyavikramam . salakShmaNa.n ko viShaheta rAghavaM hutAshana.n dIptamivAnileritam .. 66..\\ salakShmaNa.n rAghavamAjimardanaM dishAgajaM mattamiva vyavasthitam . saheta ko vAnaramukhya sa.nyuge yugAntasUryapratima.n sharArchiSham .. 67..\\ sa me harishreShTha salakShmaNaM patiM sayUthapa.n kShipramihopapAdaya . chirAya rAmaM prati shokakarshitAM kuruShva mA.n vAnaramukhya harShitAm .. 68..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}