\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{4}## ##\begin{center}## \section{sundarakaaNDa} ##\end{center}## \medskip 36 tataH sa kapishArdUlastena vAkyena harShitaH . sItAmuvAcha tachchhrutvA vAkya.n vAkyavishAradaH .. 1..\\ yuktarUpa.n tvayA devi bhAShita.n shubhadarshane . sadR^isha.n strIsvabhAvasya sAdhvInAM vinayasya cha .. 2..\\ strItvaM na tu samartha.n hi sAgaraM vyativartitum . mAmadhiShThAya vistIrNa.n shatayojanamAyatam .. 3..\\ dvitIya.n kAraNa.n yachcha bravIShi vinayAnvite . rAmAdanyasya nArhAmi sa.nsparshamiti jAnaki .. 4..\\ etatte devi sadR^ishaM patnyAstasya mahAtmanaH . kA hyanyA tvAmR^ite devi brUyAdvachanamIdR^isham .. 5..\\ shroShyate chaiva kAkutsthaH sarvaM niravasheShataH . cheShTita.n yattvayA devi bhAShitaM mama chAgrataH .. 6..\\ kAraNairbahubhirdevi rAma priyachikIrShayA . snehapraskannamanasA mayaitatsamudIritam .. 7..\\ la~NkAyA duShpraveshatvAddustaratvAnmahodadheH . sAmarthyAdAtmanashchaiva mayaitatsamudAhR^itam .. 8..\\ ichchhAmi tvA.n samAnetumadyaiva raghubandhunA . gurusnehena bhaktyA cha nAnyathA tadudAhR^itam .. 9..\\ yadi notsahase yAtuM mayA sArdhamanindite . abhiGYAnaM prayachchha tva.n jAnIyAdrAghavo hi yat .. 10..\\ evamuktA hanumatA sItA surasutopamA . uvAcha vachanaM mandaM bAShpapragrathitAkSharam .. 11..\\ ida.n shreShThamabhiGYAnaM brUyAstva.n tu mama priyam . shailasya chitrakUTasya pAde pUrvottare tadA .. 12..\\ tApasAshramavAsinyAH prAjyamUlaphalodake . tasminsiddhAshrame deshe mandAkinyA adUrataH .. 13..\\ tasyopavanaShaNDeShu nAnApuShpasugandhiShu . vihR^itya salilaklinnA tavA~Nke samupAvisham .. 14..\\ paryAyeNa prasuptashcha mamA~Nke bharatAgrajaH .. 15..\\ tato mA.nsasamAyukto vAyasaH paryatuNDayat . tamaha.n loShTamudyamya vArayAmi sma vAyasaM .. 16..\\ dArayansa cha mA.n kAkastatraiva parilIyate . na chApyuparamanmA.nsAdbhakShArthI balibhojanaH .. 17..\\ utkarShantyA.n cha rashanAM kruddhAyAM mayi pakShiNe . sra.nsamAne cha vasane tato dR^iShTA tvayA hyaham .. 18..\\ tvayA vihasitA chAha.n kruddhA sa.nlajjitA tadA . bhakShya gR^iddhena kAlena dAritA tvAmupAgatA .. 19..\\ AsInasya cha te shrAntA punarutsa~NgamAvisham . krudhyantI cha prahR^iShTena tvayAhaM parisAntvitA .. 20..\\ bAShpapUrNamukhI manda.n chakShuShI parimArjatI . lakShitAha.n tvayA nAtha vAyasena prakopitA .. 21..\\ AshIviSha iva kruddhaH shvasAnvAkyamabhAShathAH . kena te nAganAsoru vikShata.n vai stanAntaram . kaH krIDati saroSheNa pa~nchavaktreNa bhoginA .. 22..\\ vIkShamANastatasta.n vai vAyasaM samavaikShathAH . nakhaiH sarudhiraistIkShNairmAmevAbhimukha.n sthitam .. 23..\\ putraH kila sa shakrasya vAyasaH patatA.n varaH . dharAntaracharaH shIghraM pavanasya gatau samaH .. 24..\\ tatastasminmahAbAhuH kopasa.nvartitekShaNaH . vAyase kR^itavAnkrUrAM matiM matimatA.n vara .. 25..\\ sa darbhasa.nstarAdgR^ihya brahmaNo.astreNa yojayaH . sa dIpta iva kAlAgnirjajvAlAbhimukho dvijam .. 26..\\ chikShepitha pradIptA.n tAmiShIkA.n vAyasaM prati . anusR^iShTastadA kAlo jagAma vividhA.n gatim . trANakAma ima.n lokaM sarvaM vai vichachAra ha .. 27..\\ sa pitrA cha parityaktaH suraiH sarvairmaharShibhiH . trI.NllokAnsamparikramya tvAmeva sharaNa.n gataH .. 28..\\ ta.n tvaM nipatitaM bhUmau sharaNyaH sharaNAgatam . vadhArhamapi kAkutstha kR^ipayA paryapAlayaH . na sharma labdhvA lokeShu tvAmeva sharaNa.n gataH .. 29..\\ paridyUna.n viShaNNa.n cha sa tvamAyAntamuktavAn . mogha.n kartuM na shakyaM tu brAhmamastraM taduchyatAm .. 30..\\ tatastasyAkShi kAkasya hinasti sma sa dakShiNam .. 31..\\ sa te tadA namaskR^itvA rAGYe dasharathAya cha . tvayA vIra visR^iShTastu pratipede svamAlayam .. 32..\\ matkR^ite kAkamAtre.api brahmAstra.n samudIritam . kasmAdyo mA.n harattvattaH kShamase taM mahIpate .. 33..\\ sa kuruShva mahotsAha.n kR^ipAM mayi nararShabha . AnR^isha.nsyaM paro dharmastvatta eva mayA shrutaH .. 34..\\ jAnAmi tvAM mahAvIryaM mahotsAhaM mahAbalam . apArapAramakShobhya.n gAmbhIryAtsAgaropamam . bhartAra.n sasamudrAyA dharaNyA vAsavopamam .. 35..\\ evamastravidA.n shreShThaH sattvavAnbalavAnapi . kimarthamastra.n rakShaHsu na yojayasi rAghava .. 36..\\ na nAgA nApi gandharvA nAsurA na marudgaNAH . rAmasya samare vega.n shaktAH prati samAdhitum .. 37..\\ tasyA vIryavataH kashchidyadyasti mayi sambhramaH . kimarthaM na sharaistIkShNaiH kShayaM nayati rAkShasAn .. 38..\\ bhrAturAdeshamAdAya lakShmaNo vA parantapaH . kasya hetorna mA.n vIraH paritrAti mahAbalaH .. 39..\\ yadi tau puruShavyAghrau vAyvindrasamatejasau . surANAmapi durdharSho kimarthaM mAmupekShataH .. 40..\\ mamaiva duShkR^ita.n kiM chinmahadasti na saMshayaH . samarthAvapi tau yanmAM nAvekShete parantapau .. 41..\\ kausalyA lokabhartAra.n suShuve yaM manasvinI . taM mamArthe sukhaM pR^ichchha shirasA chAbhivAdaya .. 42..\\ srajashcha sarvaratnAni priyA yAshcha varA~NganAH . aishvarya.n cha vishAlAyAM pR^ithivyAm api durlabham .. 43..\\ pitaraM mAtara.n chaiva saMmAnyAbhiprasAdya cha . anupravrajito rAma.n sumitrA yena suprajAH . AnukUlyena dharmAtmA tyaktvA sukhamanuttamam .. 44..\\ anugachchhati kAkutsthaM bhrAtaraM pAlayanvane . si.nhaskandho mahAbAhurmanasvI priyadarshanaH .. 45..\\ pitR^ivadvartate rAme mAtR^ivanmA.n samAcharan . hriyamANA.n tadA vIro na tu mA.n veda lakShmaNaH .. 46..\\ vR^iddhopasevI lakShmIvA~nshakto na bahubhAShitA . rAjaputraH priyashreShThaH sadR^ishaH shvashurasya me .. 47..\\ mattaH priyataro nityaM bhrAtA rAmasya lakShmaNaH . niyukto dhuri yasyA.n tu tAmudvahati vIryavAn .. 48..\\ ya.n dR^iShTvA rAghavo naiva vR^iddhamAryamanusmarat . sa mamArthAya kushala.n vaktavyo vachanAnmama . mR^idurnitya.n shuchirdakShaH priyo rAmasya lakShmaNaH .. 49..\\ idaM brUyAshcha me nAtha.n shUraM rAmaM punaH punaH . jIvita.n dhArayiShyAmi mAsaM dasharathAtmaja . UrdhvaM mAsAnna jIveya.n satyenAhaM bravImi te .. 50..\\ rAvaNenoparuddhAM mAM nikR^ityA pApakarmaNA . trAtumarhasi vIra tvaM pAtAlAdiva kaushikIm .. 51..\\ tato vastragataM muktvA divya.n chUDAmaNi.n shubham . pradeyo rAghavAyeti sItA hanumate dadau .. 52..\\ pratigR^ihya tato vIro maNiratnamanuttamam . a~NgulyA yojayAmAsa na hyasyA prAbhavadbhujaH .. 53..\\ maNiratna.n kapivaraH pratigR^ihyAbhivAdya cha . sItAM pradakShiNa.n kR^itvA praNataH pArshvataH sthitaH .. 54..\\ harSheNa mahatA yuktaH sItAdarshanajena saH . hR^idayena gato rAma.n sharIreNa tu viShThitaH .. 55..\\ maNivaramupagR^ihya taM mahArhaM janakanR^ipAtmajayA dhR^itaM prabhAvAt . girivarapavanAvadhUtamuktaH sukhitamanAH pratisa~NkramaM prapede .. 56..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}