\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 37
maNi.n dattvA tataH sItA hanUmantamathAbravIt . 
abhiGYAnamabhiGYAtametadrAmasya tattvataH .. 1..\\
maNi.n tu dR^iShTvA rAmo vai trayANA.n sa.nsmariShyati . 
vIro jananyA mama cha rAGYo dasharathasya cha .. 2..\\
sa bhUyastva.n samutsAhe chodito harisattama . 
asminkAryasamArambhe prachintaya yaduttaram .. 3..\\
tvamasminkAryaniryoge pramANa.n harisattama . 
tasya chintaya yo yatno duHkhakShayakaro bhavet .. 4..\\
sa tatheti pratiGYAya mArutirbhImavikramaH . 
shirasAvandya vaidehI.n gamanAyopachakrame .. 5..\\
GYAtvA samprasthita.n devI vAnaraM mArutAtmajam . 
bAShpagadgadayA vAchA maithilI vAkyamabravIt .. 6..\\
kushala.n hanumanbrUyAH sahitau rAmalakShmaNau . 
sugrIva.n cha sahAmAtya.n vR^iddhAnsarvAMshcha vAnarAn .. 7..\\
yathA cha sa mahAbAhurmA.n tArayati rAghavaH . 
asmAdduHkhAmbusa.nrodhAttva.n samAdhAtumarhasi .. 8..\\
jIvantIM mA.n yathA rAmaH sambhAvayati kIrtimAn . 
tattvayA hanumanvAchya.n vAchA dharmamavApnuhi .. 9..\\
nityamutsAhayuktAshcha vAchaH shrutvA mayeritAH . 
vardhiShyate dAsharatheH pauruShaM madavAptaye .. 10..\\
matsandeshayutA vAchastvattaH shrutvaiva rAghavaH . 
parAkramavidhi.n vIro vidhivatsa.nvidhAsyati .. 11..\\
sItAyAstadvachaH shrutvA hanumAnmArutAtmajaH . 
shirasya~njalimAdhAya vAkyamuttaramabravIt .. 12..\\
kShiprameShyati kAkutstho haryR^ikShapravarairvR^itaH . 
yaste yudhi vijityArI~nshoka.n vyapanayiShyati .. 13..\\
na hi pashyAmi martyeShu nAmareShvasureShu vA . 
yastasya vamato bANAnsthAtumutsahate.agrataH .. 14..\\
apyarkamapi parjanyamapi vaivasvata.n yamam . 
sa hi soDhu.n raNe shaktastavahetorvisheShataH .. 15..\\
sa hi sAgaraparyantAM mahI.n shAsitumIhate . 
tvannimitto hi rAmasya jayo janakanandini .. 16..\\
tasya tadvachana.n shrutvA samyaksatyaM subhAShitam . 
jAnakI bahu mene.atha vachana.n chedamabravIt .. 17..\\
tatastaM prasthita.n sItA vIkShamANA punaH punaH . 
bhartuH snehAnvita.n vAkyaM sauhArdAdanumAnayat .. 18..\\
yadi vA manyase vIra vasaikAhamarindama . 
kasmiMshchitsa.nvR^ite deshe vishrAntaH shvo gamiShyasi .. 19..\\
mama chedalpabhAgyAyAH sAmnidhyAttava vIryavAn . 
asya shokasya mahato muhUrtaM mokShaNaM bhavet .. 20..\\
gate hi harishArdUla punarAgamanAya tu . 
prANAnAmapi sandeho mama syAnnAtra saMshayaH .. 21..\\
tavAdarshanajaH shoko bhUyo mAM paritApayet . 
duHkhAdduHkhaparAmR^iShTA.n dIpayanniva vAnara .. 22..\\
aya.n cha vIra sandehastiShThatIva mamAgrataH . 
sumahA.nstvatsahAyeShu haryR^ikSheShu harIshvara .. 23..\\
kathaM nu khalu duShpAra.n tariShyanti mahodadhim . 
tAni haryR^ikShasainyAni tau vA naravarAtmajau .. 24..\\
trayANAmeva bhUtAnA.n sAgarasyeha la~Nghane . 
shaktiH syAdvainateyasya tava vA mArutasya vA .. 25..\\
tadasminkAryaniryoge vIraiva.n duratikrame . 
kiM pashyasi samAdhAna.n tva.n hi kAryavidAM varaH .. 26..\\
kAmamasya tvamevaikaH kAryasya parisAdhane . 
paryAptaH paravIraghna yashasyaste balodayaH .. 27..\\
balaiH samagrairyadi mA.n rAvaNa.n jitya sa.nyuge . 
vijayI svapura.n yAyAttattu me syAdyashaskaram .. 28..\\
balaistu sa~NkulA.n kR^itvA la~NkAM parabalArdanaH . 
mAM nayedyadi kAkutsthastattasya sadR^ishaM bhavet .. 29..\\
tadyathA tasya vikrAntamanurUpaM mahAtmanaH . 
bhavedAhava shUrasya tathA tvamupapAdaya .. 30..\\
tadarthopahita.n vAkyaM sahitaM hetusa.nhitam . 
nishamya hanumA~nsheSha.n vAkyamuttaramabravIt .. 31..\\
devi haryR^ikShasainyAnAmIshvaraH plavatA.n varaH . 
sugrIvaH sattvasampannastavArthe kR^itanishchayaH .. 32..\\
sa vAnarasahasrANA.n koTIbhirabhisa.nvR^itaH . 
kShiprameShyati vaidehi rAkShasAnAM nibarhaNaH .. 33..\\
tasya vikramasampannAH sattvavanto mahAbalAH . 
manaHsa~NkalpasampAtA nideshe harayaH sthitAH .. 34..\\
yeShAM nopari nAdhastAnna tiryaksajjate gatiH . 
na cha karmasu sIdanti mahatsvamitatejasaH .. 35..\\
asakR^ittairmahotsahaiH sasAgaradharAdharA . 
pradakShiNIkR^itA bhUmirvAyumArgAnusAribhiH .. 36..\\
madvishiShTAshcha tulyAshcha santi tatra vanaukasaH . 
mattaH pratyavaraH kashchinnAsti sugrIvasaMnidhau .. 37..\\
aha.n tAvadiha prAptaH kiM punaste mahAbalAH . 
na hi prakR^iShTAH preShyante preShyante hItare janAH .. 38..\\
tadalaM paritApena devi shoko vyapaitu te . 
ekotpAtena te la~NkAmeShyanti hariyUthapAH .. 39..\\
mama pR^iShThagatau tau cha chandrasUryAvivoditau . 
tvatsakAshaM mahAsattvau nR^isi.nhAvAgamiShyataH .. 40..\\
tau hi vIrau naravarau sahitau rAmalakShmaNau . 
Agamya nagarI.n la~NkAM sAyakairvidhamiShyataH .. 41..\\
sagaNa.n rAvaNaM hatvA rAghavo raghunandanaH . 
tvAmAdAya varArohe svapuraM pratiyAsyati .. 42..\\
tadAshvasihi bhadra.n te bhava tvaM kAlakA~NkShiNI . 
nachirAddrakShyase rAmaM prajvajantamivAnilam .. 43..\\
nihate rAkShasendre cha saputrAmAtyabAndhave . 
tva.n sameShyasi rAmeNa shashA~Nkeneva rohiNI .. 44..\\
kShipra.n tvaM devi shokasya pAra.n yAsyasi maithili . 
rAvaNa.n chaiva rAmeNa nihataM drakShyase.achirAt .. 45..\\
evamAshvasya vaidehI.n hanUmAnmArutAtmajaH . 
gamanAya mati.n kR^itvA vaidehIM punarabravIt .. 46..\\
tamarighna.n kR^itAtmAnaM kShipraM drakShyasi rAghavam . 
lakShmaNa.n cha dhanuShpANi.n la~NkAdvAramupasthitam .. 47..\\
nakhadaMShTrAyudhAnvIrAnsi.nhashArdUlavikramAn . 
vAnarAnvAraNendrAbhAnkShipra.n drakShyasi sa~NgatAn .. 48..\\
shailAmbudanikAshAnA.n la~NkAmalayasAnuShu . 
nardatA.n kapimukhyAnAmArye yUthAnyanekashaH .. 49..\\
sa tu marmaNi ghoreNa tADito manmatheShuNA . 
na sharma labhate rAmaH si.nhArdita iva dvipaH .. 50..\\
mA rudo devi shokena mA bhUtte manaso.apriyam . 
shachIva pathyA shakreNa bhartrA nAthavatI hyasi .. 51..\\
rAmAdvishiShTaH ko.anyo.asti kashchitsaumitriNA samaH . 
agnimArutakalpau tau bhrAtarau tava saMshrayau .. 52..\\
nAsmiMshchira.n vatsyasi devi deshe 
rakShogaNairadhyuShito.atiraudre . 
na te chirAdAgamanaM priyasya 
kShamasva matsa~NgamakAlamAtram .. 53..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}