\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 38
shrutvA tu vachana.n tasya vAyusUnormahAtmanaH . 
uvAchAtmahita.n vAkyaM sItA surasutopamA .. 1..\\
tvA.n dR^iShTvA priyavaktAra.n samprahR^iShyAmi vAnara . 
ardhasa~njAtasasyeva vR^iShTiM prApya vasundharA .. 2..\\
yathA taM puruShavyAghra.n gAtraiH shokAbhikarshitaiH . 
sa.nspR^isheya.n sakAmAha.n tathA kuru dayAM mayi .. 3..\\
abhiGYAna.n cha rAmasya datta.n harigaNottama . 
kShiptAmIShikA.n kAkasya kopAdekAkShishAtanIm .. 4..\\
manaHshilAyAstikalo gaNDapArshve niveshitaH . 
tvayA pranaShTe tilake ta.n kila smartumarhasi .. 5..\\
sa vIryavAnkatha.n sItAM hR^itAM samanumanyase . 
vasantI.n rakShasAM madhye mahendravaruNopama .. 6..\\
eSha chUDAmaNirdivyo mayA suparirakShitaH . 
eta.n dR^iShTvA prahR^iShyAmi vyasane tvAmivAnagha .. 7..\\
eSha niryAtitaH shrImAnmayA te vArisambhavaH . 
ataH paraM na shakShyAmi jIvitu.n shokalAlasA .. 8..\\
asahyAni cha duHkhAni vAchashcha hR^idayachchhidaH . 
rAkShasInA.n sughorANA.n tvatkR^ite marShayAmyaham .. 9..\\
dhArayiShyAmi mAsa.n tu jIvita.n shatrusUdana . 
mAsAdUrdhvaM na jIviShye tvayA hInA nR^ipAtmaja .. 10..\\
ghoro rAkShasarAjo.aya.n dR^iShTishcha na sukhA mayi . 
tvA.n cha shrutvA vipadyantaM na jIveyamahaM kShaNam .. 11..\\
vaidehyA vachana.n shrutvA karuNaM sAshrubhAShitam . 
athAbravInmahAtejA hanumAnmArutAtmajaH .. 12..\\
tvachchhokavimukho rAmo devi satyena te shape . 
rAme shokAbhibhUte tu lakShmaNaH paritapyate .. 13..\\
dR^iShTA katha.n chidbhavatI na kAlaH parishochitum . 
imaM muhUrta.n duHkhAnAmantaM drakShyasi bhAmini .. 14..\\
tAvubhau puruShavyAghrau rAjaputrAvaninditau . 
tvaddarshanakR^itotsAhau la~NkAM bhasmIkariShyataH .. 15..\\
hatvA tu samare krUra.n rAvaNaM saha bAndhavam . 
rAghavau tvA.n vishAlAkShi svAM purIM prApayiShyataH .. 16..\\
yattu rAmo vijAnIyAdabhiGYAnamanindite . 
prItisa~njanana.n tasya bhUyastvaM dAtumarhasi .. 17..\\
sAbravIddattameveha mayAbhiGYAnamuttamam . 
etadeva hi rAmasya dR^iShTvA matkeshabhUShaNam . 
shraddheya.n hanumanvAkya.n tava vIra bhaviShyati .. 18..\\
sa taM maNivara.n gR^ihya shrImAnplavagasattamaH . 
praNamya shirasA devI.n gamanAyopachakrame .. 19..\\
tamutpAtakR^itotsAhamavekShya haripu~Ngavam . 
vardhamAnaM mahAvegamuvAcha janakAtmajA . 
ashrupUrNamukhI dInA bAShpagadgadayA girA .. 20..\\
hanUmansi.nhasa~NkAshau bhrAtarau rAmalakShmaNau . 
sugrIva.n cha sahAmAtya.n sarvAnbrUyA anAmayam .. 21..\\
yathA cha sa mahAbAhurmA.n tArayati rAghavaH . 
asmAdduHkhAmbusa.nrodhAttatsamAdhAtumarhasi .. 22..\\
ima.n cha tIvraM mama shokavegaM 
rakShobhirebhiH paribhartsana.n cha . 
brUyAstu rAmasya gataH samIpaM 
shivashcha te.adhvAstu haripravIra .. 23..\\
sa rAjaputryA prativeditArthaH 
kapiH kR^itArthaH parihR^iShTachetAH . 
tadalpasheShaM prasamIkShya kAryaM 
disha.n hyudIchIM manasA jagAma .. 24..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}