\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 42
sandiShTo rAkShasendreNa prahastasya suto balI . 
jambumAlI mahAdaMShTro nirjagAma dhanurdharaH .. 1..\\
raktamAlyAmbaradharaH sragvI ruchirakuNDalaH . 
mahAnvivR^ittanayanashchaNDaH samaradurjayaH .. 2..\\
dhanuH shakradhanuH prakhyaM mahadruchirasAyakam . 
visphArayANo vegena vajrAshanisamasvanam .. 3..\\
tasya visphAraghoSheNa dhanuSho mahatA dishaH . 
pradishashcha nabhashchaiva sahasA samapUryata .. 4..\\
rathena kharayuktena tamAgatamudIkShya saH . 
hanUmAnvegasampanno jaharSha cha nanAda cha .. 5..\\
ta.n toraNaviTa~Nkastha.n hanUmantaM mahAkapim . 
jambumAlI mahAbAhurvivyAdha nishitaiH sharaiH .. 6..\\
ardhachandreNa vadane shirasyekena karNinA . 
bAhvorvivyAdha nArAchairdashabhista.n kapIshvaram .. 7..\\
tasya tachchhushubhe tAmra.n shareNAbhihataM mukham . 
sharadIvAmbujaM phulla.n viddhaM bhAskararashminA .. 8..\\
chukopa bANAbhihato rAkShasasya mahAkapiH . 
tataH pArshve.ativipulA.n dadarsha mahatI.n shilAm .. 9..\\
tarasA tA.n samutpATya chikShepa balavadbalI . 
tA.n sharairdashabhiH kruddhastADayAmAsa rAkShasaH .. 10..\\
vipanna.n karma taddR^iShTvA hanUmAMshchaNDavikramaH . 
sAla.n vipulamutpATya bhrAmayAmAsa vIryavAn .. 11..\\
bhrAmayanta.n kapiM dR^iShTvA sAlavR^ikShaM mahAbalam . 
chikShepa subahUnbANA~njambumAlI mahAbalaH .. 12..\\
sAla.n chaturbhirchichchheda vAnaraM pa~nchabhirbhuje . 
urasyekena bANena dashabhistu stanAntare .. 13..\\
sa sharaiH pUritatanuH krodhena mahatA vR^itaH . 
tameva parigha.n gR^ihya bhrAmayAmAsa vegitaH .. 14..\\
ativego.ativegena bhrAmayitvA balotkaTaH . 
parighaM pAtayAmAsa jambumAlermahorasi .. 15..\\
tasya chaiva shiro nAsti na bAhU na cha jAnunI . 
na dhanurna ratho nAshvAstatrAdR^ishyanta neShavaH .. 16..\\
sa hatastarasA tena jambumAlI mahArathaH . 
papAta nihato bhUmau chUrNitA~NgavibhUShaNaH .. 17..\\
jambumAli.n cha nihataM ki~NkarAMshcha mahAbalAn . 
chukrodha rAvaNaH shrutvA kopasa.nraktalochanaH .. 18..\\
sa roShasa.nvartitatAmralochanaH 
prahastaputre nihate mahAbale . 
amAtyaputrAnativIryavikramAn 
samAdideshAshu nishAchareshvaraH .. 19..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}